పిక్‌ టాక్‌ : కొండల మధ్య అందాల కేథరీన్‌

'చమ్మక్‌ చల్లో' సినిమాతో తెలుగు ప్రేక్షకులకు పరిచయం అయిన ముద్దుగుమ్మ కేథరిన్‌ తెర్సా. తక్కువ సమయంలోనే టాలీవుడ్ లో మంచి గుర్తింపును సొంతం చేసుకుంది. కానీ అదృష్టం కలిసి రాకపోవడంతో ఈ అమ్మడికి ఆశించిన స్థాయిలో ఆఫర్లు రాలేదు. అయినా కూడా పట్టు వదలకుండా సినిమాల్లో ప్రయత్నాలు చేస్తూ అడపా దడపా సినిమాల్లో ఆఫర్లు సొంతం చేసుకుంది. కేవలం టాలీవుడ్‌ పైనే అన్నట్లుగా కాకుండా ఇతర భాషల సినిమాల్లో కూడా నటించడం ద్వారా ఇండస్ట్రీలో ఎంట్రీ ఇచ్చి పుష్కర కాలం దాటినా కూడా ఎప్పుడూ వార్తల్లో నిలుస్తూనే ఉంటుంది.

సినిమాల్లో ఏ స్థాయిలో అయితే అందాల ప్రదర్శన చేసి ప్రేక్షకులను అలరిస్తుందో అంతకు మించి అన్నట్లుగా సోషల్‌ మీడియా ద్వారా అందాల ఫోటో షూట్స్ ను షేర్‌ చేయడం ద్వారా అందరి దృష్టిని ఆకర్షిస్తుంది. రెగ్యులర్‌ గా ఈ అమ్మడు వార్తల్లో ఉండటానికి కారణం ఈమె షేర్ చేసే ఫోటోలు మరియు వీడియోలు అనడంలో సందేహం లేదు. తాజాగా మరోసారి ఈ అమ్మడు అందాల ఆరబోత ఫోటోలను షేర్‌ చేసింది. ఈసారి స్కిన్‌ షో చేయకుండా టైట్‌ బ్లాక్ జీన్స్ ధరించి, బ్లాక్‌ టీ షర్ట్‌ తో బ్లూ జీన్స్ జర్కిన్‌ ధరించిన కేథరిన్‌ చూపు తిప్పుకోనివ్వడం లేదు.

ఎప్పుడు ఫోటో షూట్‌ లు ఇండోర్‌ లేదా స్టూడియో ల్లో చేసే కేథరిన్ ఈసారి మాత్రం కొండల మధ్య, పచ్చని ప్రకృతి మధ్య సాగింది. కొండల ముందు అందాల కేథరిన్‌ అలా నిల్చుని పోటోలకు ఫోజ్ ఇస్తూ ఉంటే చూపు తిప్పుకోలేక పోతున్నాం అన్నట్లుగా నెటిజన్స్‌ కామెంట్స్ చేస్తున్నారు. గతంలో కేథరిన్‌ తెర్సా కాస్త బరువు ఎక్కువ అనిపించేదని, కానీ ఇప్పుడు మాత్రం కేథరిన్‌ తెర్సా చాలా సన్నగా నాజూకుగా గతంలో కంటే ఎక్కువ అందంగా కనిపిస్తుందని, మరో పదేళ్ల పాటు ఈమె అందంగా కనిపించడం ఖాయం అన్నట్లుగా నెటిజన్స్ కామెంట్స్ చేస్తున్నారు.

కొండల మధ్య అందాల కేథరీన్‌ ఫోటోలు వైరల్‌ అవుతున్నాయి. అన్‌ప్లగ్డ్‌ అండ్‌ అన్‌ఫేజ్డ్‌ అనే క్యాప్షన్ తో కేథరీన్ ఈ ఫోటోలను షేర్‌ చేసింది. ఈ మధ్య కాలంలో కేథరీన్ ను ఇంత అందంగా చూడలేదు అంటూ కొందరు కామెంట్స్ చేస్తే మరి కొందరు మాత్రం పద్దతైన డ్రెస్ ల్లో చాలా అందంగా ఉంటారు, ఎందుకు స్కిన్ షో చేస్తారు అన్నట్లుగా కామెంట్స్ చేశారు. మొత్తానికి ఈ కొత్త స్టిల్స్ తో కేథరిన్‌ తెర్సా మరోసారి సోషల్‌ మీడియాలో ప్రముఖంగా వైరల్‌ అవ్వడం అదరి దృష్టిని ఆకర్షిస్తోంది.

ఇక కేథరిన్‌ సినిమాల విషయానికి వస్తే... ఈ మధ్య కాలంలో భళా తందానా, మాచర్ల నియోజక వర్గం, బింబిసారతో పాటు మెగాస్టార్‌ చిరంజీవి నటించిన వాల్తేరు వీరయ్య సినిమాలో కూడా నటించింది. ఈ మధ్య కాలంలో ఈమె వెబ్‌ సిరీస్ ల వైపు కూడా చూస్తుందనే వార్తలు వస్తున్నాయి. ప్రస్తుతం ఒకటి రెండు కథలు చర్చల దశలో ఉన్నాయని, మరి కొన్ని రోజుల్లోనే కొత్త సినిమాకు సైన్ చేస్తాను అన్నట్లుగా సన్నిహితుల వద్ద చెప్పుకొచ్చిందట. ఇంతటి అందకు మరో పదేళ్ల పాటు హీరోయిన్ స్థాయి ఆఫర్లు ఇవ్వడం లో తప్పు లేదు అనేది ఆమె ఫ్యాన్స్ అభిప్రాయం.