ఇన్‌స్టా ఆదాయంలో నంబ‌ర్‌-1 స్టార్ ఎవ‌రు?

చాలా మంది సెలబ్రిటీలు తమ సోషల్ మీడియా ద్వారా భారీ మొత్తంలో సంపాదిస్తున్నారు. సెలబ్రిటీలు తమ అభిమానులకు తమ సినిమాల‌ గురించి అప్‌డేట్ చేయడానికి మాత్రమే కాకుండా బ్రాండ్ ఎండార్స్‌మెంట్ల కోసం కూడా ఇన్ స్టాగ్ర‌మ్ ని ఉపయోగిస్తున్నారు. ఇన్‌స్టాగ్రామ్‌లో ఫాలోయింగ్‌ని బ‌ట్టి భారీగా ఆర్జిస్తున్నారు. అయితే ఒక్కో పోస్ట్‌కు రూ. 3 కోట్లు సంపాదించే రేంజ్ ఎంద‌రు తార‌ల‌కు ఉంది? అంటే ఒక‌సారి వివ‌రాల్లోకి వెళ్లాలి.

ఒక్కో పోస్ట్‌కు రూ. 3 కోట్లు సంపాదించే తార‌గా గ్లోబ‌ల్ స్టార్ ప్రియాంక చోప్రా పేరు మార్మోగుతోంది. ఇన్ స్టా స‌హా సామాజిక మాధ్య‌మాల్లో ప్ర‌పంచ‌వ్యాప్తంగా అభిమానుల ఫాలోయింగ్‌ను కలిగి ఉన్న స్టార్ పీసీ. బాలీవుడ్ తో పాటు, హాలీవుడ్‌లోను బలమైన ముద్ర వేసిన న‌టిగా వెలిగిపోతోంది. ఇన్‌స్టాగ్రామ్‌లో 89.4 మిలియన్ల ఫాలోయింగ్ ఉన్న ప్రియాంక చోప్రా ఒక్కో యాడ్ పోస్ట్‌కు రూ. 3 కోట్లు సంపాదిస్తుంది. ఇదిలా ఉంటే కింగ్ ఖాన్ షారుఖ్ రూ. 80 ల‌క్ష‌ల‌ నుండి 1 కోటి అందుకుంటున్నారు. అలియా భట్ రూ. 1 కోటి, శ్రద్ధా కపూర్ రూ. 1.18 కోట్లు, దీపికా పదుకొనే రూ. 1.5 కోట్లు సంపాదిస్తున్నారు. ఇన్ స్టాలో వారికి ఉన్న ఫాలోయింగ్ ని బ‌ట్టి ఈ పారితోషికాలు డిసైడ్ అవుతున్నాయి.

ప్రియాంక చోప్రా ఇటీవల అమెరికన్ వెబ్ సిరీస్ `సిటాడెల్‌`లో తన యాక్షన్ ప్యాక్డ్ పెర్ఫార్మెన్స్‌తో అభిమానులను ఆకట్టుకుంది. తదుపరి అమెరికన్ చిత్రం `లవ్ ఎగైన్‌`లో పీసీ కనిపించింది. పాపుల‌ర్ స్టార్ సామ్ హ్యూగన్‌తో పీసీ కెమిస్ట్రీ ఇప్ప‌టికే ప్రేక్షకులను ఆకర్షించింది. అలాగే త‌దుప‌రి చిత్రం `హెడ్స్ ఆఫ్ స్టేట్` షూటింగ్‌లోను ప్రియాంక‌ బిజీగా ఉంది. ఈ చిత్రంలో ఇద్రిస్ ఎల్బా , జాన్ సెనాతో కలిసి స్క్రీన్‌ను షేర్ చేస్కుంటోంది. బాలీవుడ్ చిత్రం జీ లీ జరాలో కూడా కనిపించనుంది. ఫర్హాన్ అక్తర్ దర్శకత్వం లో ఈ చిత్రం 2019 లో ప్రకటించారు. అయితే, ప్రియాంక చోప్రా డేట్ల‌ సమస్య కారణంగా ఈ చిత్రం ఇంకా సెట్స్ పైకి వెళ్ల‌లేదు. ఈ చిత్రం ముగ్గురు అమ్మాయిల మధ్య స్నేహం నేప‌థ్యంలో ఆస‌క్తిక‌ర క‌థాంశంతో తెర‌కెక్క‌నుంది. అలియా భట్, కత్రినా కైఫ్, ప్రియాంక ప్రధాన పాత్రలలో నటించ‌నున్నారు. మ‌రోవైపు బిజీ షెడ్యూళ్ల‌తో కీల‌క‌మైన కుటుంబ ఫంక్ష‌న్ల‌కు పీసీ హాజ‌రు కాలేక‌పోతోంది. కాల్షీట్ల స‌మ‌స్య కారణంగా ప్రియాంక చోప్రా తన కజిన్ పరిణీతి చోప్రా పెళ్లిని కూడా మిస్స‌యిన సంగ‌తి తెలిసిందే.

తొలుత త‌న సోద‌రి ప‌రిణీతి కోసం ప్రియాంక చోప్రా క‌చ్ఛితంగా భారతదేశం వ‌స్తుంద‌ని భావించారు. అయితే పని కట్టుబాట్ల కారణంగా ఛాన్స్ మిస్స‌యింది. పీసీ ఇన్‌స్టాగ్రామ్‌లో నూతన వధూవరులైన పరిణీతి - రాఘవ్ చద్దా కోసం ఒక స్వీట్ నోట్‌ను రాసింది. కొత్త జంట‌పై ప్రేమ‌ను కురిపించి విషెస్ తెలిపింది.