RC16 టైటిల్ తో స్పెషల్ ట్రీట్.. గెట్ రెడీ

మెగా ఫ్యాన్స్ ఎంతో ఆసక్తిగా ఎదురుచూస్తున్న రామ్ చరణ్ – బుచ్చిబాబు సినిమా RC16 మొత్తానికి ఇటీవల షూటింగ్ లో వేగాన్ని పెంచుకుంది. "ఉప్పెన" సినిమాతో టాలీవుడ్‌లో సంచలనం సృష్టించిన బుచ్చిబాబు, ఇప్పుడు మెగా పవర్ స్టార్ రామ్ చరణ్‌తో కలిసి ఓ పవర్‌ఫుల్ కథను తెరకెక్కిస్తున్నాడు. స్పోర్ట్స్ బ్యాక్‌డ్రాప్‌తో భారీ బడ్జెట్‌లో తెరకెక్కుతున్న ఈ సినిమాకు సంబంధించి ఇప్పటికే ప్రీ ప్రొడక్షన్ పనులు పూర్తి కాగా, ప్రస్తుతం షూటింగ్ శరవేగంగా కొనసాగుతోంది.

ఈ సినిమా టైటిల్ విషయంలో గత కొన్ని రోజులుగా పలు ఊహాగానాలు వినిపిస్తున్నాయి. "పెద్ది" అనే పేరు ప్రచారంలో ఉన్నప్పటికీ, మేకర్స్ అధికారికంగా ఏ అప్డేట్ ఇవ్వలేదు. అయితే, ఇప్పుడు మెగా అభిమానులకు శుభవార్త. రామ్ చరణ్ పుట్టిన రోజు (మార్చి 27) సందర్భంగా RC16 టైటిల్ అనౌన్స్‌మెంట్ చేసేందుకు ప్లాన్ చేస్తున్నారని సమాచారం. ఈ వార్త మెగా ఫ్యాన్స్‌ను తెగ ఆనందంలో ముంచెత్తుతోంది.

ఈ సందర్భంగా చిత్రయూనిట్ ప్రత్యేకంగా ఓ స్పెషల్ వీడియోను రిలీజ్ చేయనుందని సమాచారం. టైటిల్ గ్లింప్స్ ద్వారా సినిమా కాస్ట్యూమ్ లుక్, బ్యాక్‌గ్రౌండ్ మ్యూజిక్, కథాంశానికి సంబంధించిన కొన్ని కీలక హింట్స్ ఇవ్వనున్నారు. ఇప్పటికే చరణ్ లుక్‌పై సోషల్ మీడియాలో భారీ క్రేజ్ నెలకొంది. షూటింగ్ నుంచి లీకైన కొన్ని పిక్స్ వైరల్ అవ్వడంతో, ఈ సినిమాపై అంచనాలు మరింత పెరిగాయి. రత్నవేలు అందిస్తున్న విజువల్స్, ఏఆర్ రెహమాన్ సంగీతం ఈ సినిమాను మరింత స్పెషల్‌గా మార్చనున్నాయి.

రామ్ చరణ్ ఈ సినిమాలో పూర్తిగా డిఫరెంట్ షేడ్‌లో కనిపించనున్నాడని, బుచ్చిబాబు తనకు తానే ఛాలెంజ్ వేసుకునేలా స్క్రిప్ట్‌ను డిజైన్ చేశారని ఇండస్ట్రీలో టాక్ వినిపిస్తోంది. సినిమాలో కన్నడ స్టార్ శివరాజ్ కుమార్, జగపతిబాబు ముఖ్య పాత్రల్లో నటించనున్నారని ఇదివరకే ఒక క్లారిటీ ఇచ్చారు. అలాగే, బాలీవుడ్ బ్యూటీ జాన్వీ కపూర్ హీరోయిన్‌గా నటిస్తున్న సంగతి తెలిసిందే. మెగా అభిమానులు ఈ టైటిల్ అనౌన్స్‌మెంట్ కోసం ఎంతో ఆసక్తిగా ఎదురు చూస్తున్నారు. బుచ్చిబాబు – రామ్ చరణ్ కాంబినేషన్ నుంచి అంచనాలకు మించిన మాస్ కమర్షియల్ హిట్ రాబోతుందనే నమ్మకం అందరిలో ఉంది.

స్పోర్ట్స్ ఎలిమెంట్స్‌తో పాటు బుచ్చిబాబు మార్క్ ఎమోషన్ ఈ సినిమాకి హైలైట్ కానుందట. ఇక టైటిల్ ఏమిటో.. ఏ మేరకు ఫ్యాన్స్ అంచనాలను అందుకుంటుందో చూడాలి. ఈ ఏడాది చివర్లో సినిమాను ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారు. లేదంటే వచ్చే ఏడాది సమ్మర్ కు రావచ్చు. ఇక మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నాయి. మార్చి 27న రామ్ చరణ్ బర్త్‌డే సందర్భంగా టైటిల్ ప్రకటించడంతో పాటు, టీజర్ డేట్ అనౌన్స్ చేసే అవకాశం కూడా ఉంది. ఏదేమైనా, మెగా ఫ్యాన్స్‌కు ఇది బిగ్ సర్‌ప్రైజ్ కానుంది.