ఆ పిలుపే ఉపాస‌న‌కు అదిరిపోయే గిఫ్ట్

ఏ తండ్రికి అయినా కూతురు అంటే వ‌ల్ల‌మాలిన ప్రేమ‌. క్లిన్ కారాపై రామ్ చ‌ర‌ణ్‌కి ఉన్న ప్రేమ అంత‌కుమించి. ఏడాది వ‌య‌సున్న క్లిన్ కారా అస‌లు డాడీ రామ్ చ‌ర‌ణ్ ని వ‌దిలి ఉండ‌లేదు. మ‌మ్మీ కంటే డాడీకి బాగా చేరువైందని గుస‌గుస‌లు వినిపించాయి. ఇక క్లిన్ కారాను వ‌దిలి చ‌ర‌ణ్ క్ష‌ణ‌మైనా ఉండ‌లేడు. కూతురితో ప్ర‌తిక్ష‌ణం ఆట‌పాట‌ల‌ను ఆస్వాధిస్తాడు చ‌ర‌ణ్‌.

అయితే కూతురిపై ప్రేమ‌కు కార‌ణం భార్య ఉపాస‌న‌. అందుకేనేమో నేడు బ‌ర్త్‌డే జ‌రుపుకుంటున్న ఉపాస‌న‌ను `కారా మ‌మ్మీ` అంటూ పిలిచేసాడు చ‌ర‌ణ్‌. భార్య‌పై ఎంత‌టి ప్రేమాభిమానం.. అలా కాక‌పోతే కూతురి పేరుతో పిలిచేస్తాడా?

చరణ్ ఉపాసన పుట్టినరోజు సందర్భంగా విష్ చేస్తూ ``హ్యాపీ బర్త్ డే కారా మమ్మీ!!`` అంటూ పోస్ట్ చేశాడు. క్లిన్ కారా చరణ్- ఉపాసనల గారాల‌ కుమార్తె అని అందరికీ తెలుసు. గారాల ప‌ట్టీ 20 జూన్ 2023న జన్మించింది. ఇప్ప‌టికే ఒక సంవ‌త్స‌రం నిండింది. దంప‌తులు ఇద్ద‌రూ ఎక్క‌డికి వెళ్లినా త‌మ వెంటే క్లిన్ కారా కూడా ఉంటోంది.

ప్ర‌స్తుతం లండ‌న్ వెకేష‌న్ లోను చ‌ర‌ణ్- ఉపాస‌న‌తోనే క్లిన్ కారా ఉంది. ఆగస్టులో జరిగే ఇండియన్ ఫిల్మ్ ఫెస్టివల్ ఆఫ్ మెల్‌బోర్న్‌లో చరణ్‌కి `అంబాసిడర్ ఫర్ ఇండియన్ ఆర్ట్ అండ్ కల్చర్` టైటిల్‌ను అందజేయనున్నారు. ఇదే హుషారులో త‌న తదుప‌రి చిత్రం గేమ్ ఛేంజ‌ర్ ని పాన్ ఇండియాలో బ్లాక్ బ‌స్ట‌ర్ గా మ‌లచాల‌ని చ‌ర‌ణ్ త‌పిస్తున్నాడు. ఈ చిత్రానికి శంక‌ర్ ద‌ర్శ‌క‌త్వం వ‌హిస్తున్న‌ సంగ‌తి తెలిసిందే. ఈ ఏడాది చివ‌రిలో ఈ సినిమా విడుద‌ల అయ్యేందుకు అవ‌కాశం ఉంది. రిలీజ్ తేదీని ఇంకా ప్ర‌క‌టించాల్సి ఉంది.