చిరంజీవి కుటుంబంలో ఫ్యామిలీస్టార్ ఎవ‌రు?

మెగాస్టార్ చిరంజీవి ఇటీవ‌లే ప‌ద్మ‌విభూష‌ణ్ పుర‌స్కారంతో స‌త్కారం అందుకున్న సంగ‌తి తెలిసిందే. అయితే ఈ పుర‌స్కారం త‌న‌కు ద‌క్కుతుంద‌ని ముందే ఊహించారా? అని ప్ర‌శ్నించారు విజ‌య్ దేవ‌ర‌కొండ‌. ఓ ఈవెంట్‌లో టాలీవుడ్ మెగాస్టార్ చిరంజీవితో రౌడీ బాయ్ విజయ్ దేవరకొండ ఇంటరాక్ట్ అయ్యాడు. ఏవీలో మెగాస్టార్ జర్నీ చూస్తుంటే భావోద్వేగానికి గురయ్యానని విజయ్ వేదిక‌పై అన్నారు. చిరంజీవి మెగాస్టార్, పద్మవిభూషణ్ అవార్డు గ్రహీత అవుతారని ఊహించారా? అని విజయ్ దేవరకొండ చిరుని ప్ర‌శ్నించారు. ఈ రోజు తాను ఈ స్థితిలో ఉంటానని ఎప్పుడూ అనుకోలేదని యువ నటుడు విజ‌య్ పేర్కొన్నాడు.

విజ‌య్ ప్ర‌శ్న‌కు స‌మాధానంగా చిరంజీవి మాట్లాడుతూ ``ఆ ఊహ ఒక్క రోజులో జరిగింది కాదు. నా మనసులో నిత్యం కొన్ని విజువల్స్ చూసేవాడిని. స్కూల్లో, కాలేజీల్లో నాటకాల్లో నటించి, ఉత్తమ నటుడి అవార్డులు అందుకున్నాను. ప్రజలు నన్ను గుర్తించి మెచ్చుకునేవారు. నాకు చాలా గర్వంగా అనిపించేది. ఆ ప్రశంస నాలో కోరికను పెంచింది. సెలబ్రిటీలు చాలా ఎక్కువ శ్రద్ధ తీసుకుంటారని నేను తెలుసుకున్నాను. నేను నా కల కోసం పని చేస్తూనే ఉన్నాను. నా ఇష్ట దేవుడైన హనుమంతుడిని ప్రార్థించాను. నన్ను నేను నమ్ముకుని ఇండస్ట్రీలో పెద్దగా ఎదిగాను. నేను అలాంటి స్థితిని సాధిస్తానని నాకు తెలుసు``అని అన్నారు.

మీ కుటుంబంలో ఫ్యామిలీ స్టార్ ఎవరు? అని కూడా మెగాస్టార్ ని అడిగారు. తన తండ్రి తన ఫ్యామిలీ హీరో అని, ఫ్యామిలీ స్టార్ అని చిరంజీవి అన్నారు. మా నాన్న సంపాదించేది తక్కువే అయినా, అమ్మానాన్నల బాగోగులు చూసుకునేవాడు. సురేఖ , నేను ప్రతి ఒక్కరూ ఎంత ప్రముఖులైనప్పటికీ అన్ని ముఖ్యమైన సందర్భాలను, పండుగ‌ల‌ను కుటుంబం మొత్తంతో జరుపుకోవాలని నిర్ణయించుకున్నాము. ఇలాంటి కుటుంబ కలయికలతో అపార్థాలు, అవరోధాలు అన్నీ తొలగిపోతాయని భావిస్తున్నాను! అని చిరంజీవి అన్నారు.

నేను చూసే సినిమాలు ఇవే:

మెగాస్టార్ చిరంజీవి ఎన్నో గొప్ప క‌మ‌ర్షియ‌ల్ బ్లాక్ బ‌స్ట‌ర్ల‌లో న‌టించారు స‌రే, కానీ ఆయన ఇష్ట‌ప‌డే జాన‌ర్ సినిమాలు ఏవి? అంటే.. ఇప్పుడు చిరు ఇచ్చిన‌ స‌మాధానం ఆశ్చ‌ర్య‌ప‌రిచింది. మిక్కీ మౌస్, లారెన్ అండ్ హార్టీ, కోకో మెల‌న్ వంటి సినిమాలు చూస్తాన‌ని చిరంజీవి అన్నారు. తాను ఇష్టంగా చూసే సినిమాల గురించి తెలిస్తే ఇత‌రులు న‌వ్వుకుంటార‌ని అన్నారు. జాకీచాన్, టామ్ క్రూజ్ చేసే లైట్ హార్టెడ్ సినిమాలు చూస్తాన‌ని కూడా అన్నారు. విషాదాంత‌మైన టైటానిక్ సినిమాను ఇప్ప‌టివ‌ర‌కూ చూడ‌లేద‌ని కూడా చిరంజీవి తెలిపారు.