విశ్వంభర సైలెంట్.. మెగా ప్లాన్ ఏంటో..?

భోళా శంకర్ తర్వాత ఇక రొటీన్ టెంప్లేట్ కి బ్రేక్ ఇచ్చి ఒక భారీ సినిమా చేయాలని ఫిక్స్ అయ్యాడు మెగాస్టార్ చిరంజీవి. అందుకే బింబిసారతో సత్తా చాటిన డైరెక్టర్ వశిష్టతో సినిమా లాక్ చేసుకున్నాడు. విశ్వంభర అంటూ ఒక భారీ బడ్జెట్ సినిమాను చేస్తున్నారు. ఈ సినిమాను యువి క్రియేషన్స్ నిర్మిస్తున్నారు. మెగా విశ్వంభర సినిమా అసలైతే జనవరిలో సంక్రాంతి బరిలో రిలీజ్ చేయాలని అనుకున్నారు. రిలీజ్ టార్గెట్ తో సినిమాను స్పీడ్ స్పీడ్ గా చేస్తూ వచ్చారు. కానీ సినిమా జనవరి నుంచి వాయిదా పడటంతో టీం అంతా రిలాక్స్ అయ్యారు.

అదీగాక విశ్వంభర సినిమా కన్నా ముందు గేం ఛేంజర్ సినిమా వస్తుంది. దాని మీద మెగా ఫ్యాన్స్ ఎక్కువ ఫోకస్ ఉంటుందని గుర్తించిన విశ్వంభర టీం గేమ్ ఛేంజర్ రిలీజ్ తర్వాత సినిమా ప్రమోషన్స్ ప్లాన్ చేయాలని అనుకుంటున్నారు. సంక్రాంతికి చరణ్ గేమ్ ఛేంజర్ భారీ అంచనాల మధ్య వస్తుంది. ఈ సినిమాను శంకర్ డైరెక్ట్ చేశారు. తన మార్క్ సోషల్ మెసేజ్ తో పాటు రియల్ కమర్షియల్ సినిమా చూపించాలని ఫిక్స్ అయ్యారు శంకర్.

అందుకే గేమ్ ఛేంజర్ విజువల్స్ చాలా డిఫరెంట్ గా ఉన్నాయి. ఇక విశ్వంభర సినిమా కూడా షూటింగ్ దాదాపు చివరి దశకు రాగా సినిమాకు సంబంధించిన కొన్ని మేజర్ సీన్స్ షూట్ చేయాల్సి ఉందని తెలుస్తుంది. చిరు విశ్వంభర సినిమా విషయంలో మేకర్స్ ఎక్కడ కాంప్రమైజ్ కావట్లేదని తెలుస్తుంది. సినిమాలో చిరుకి జోడీగా త్రిష నటిస్తుంది. ఆమెతో పాటు మీనాక్షి చౌదరి, ఆషిక రంగనాథ్ కూడా ఉన్నారు.

విశ్వంభరతో చిరంజీవి మరోసారి తన మాస్ స్టామినా చూపించాలని అనుకుంటున్నారు. మెగా విశ్వంభర సినిమాకు కీరవాణి మ్యూజిక్ కూడా స్పెషల్ ఎట్రాక్షన్ కానుంది. చిరంజీవి విశ్వంభర సినిమా రిలీజ్ ఎప్పుడన్నది క్లారిటీలేదు. ఒకవేళ సమ్మర్ కి రిలీజ్ ప్లాన్ చేస్తారేమో చూడాలి. ఫిబ్రవరి, మార్చి నెలలో రిలీజ్ లు దాదాపు కన్ఫర్మ్ అయ్యాయి. ఏప్రిలో ఎలాగు ప్రభాస్ రాజా సాబ్, తేజ మిరాయ్, మంచు విష్ణు కన్నప్ప ఉన్నాయి. సో విశ్వంభర సినిమా వస్తే మేలో వచ్చే ఛాన్స్ ఉంటుంది. తొలి సినిమా బింబిసారతోనే వారెవా అనిపించిన వశిష్ట ఈసారి విశ్వంభరతో ఆడియన్స్ కి ఒక మంచి విజువల్ ట్రీట్ అందించాలని చూస్తున్నాడు. మరి సినిమా ఆశించిన స్థాయిలో ఉంటుందా లేదా మెగా ఫ్యాన్స్ కి మెగా మాస్ ట్రీట్ అందిస్తుందా లేదా అన్నది చూడాలి.