వైవాహ‌ర్ష చిరంజీవి స్నేహితుడు కొడుకు!

క‌మెడియ‌న్ హ‌ర్షి చెముడు అలియాస్ వైవా హ‌ర్ష సుప‌రిచితుడే. చాలా సినిమాల్లో క‌మెడియ‌న్ పాత్ర‌లు పోషించి న‌టుడిగా త‌న‌కంటూ ప్ర‌త్యేక‌మైన గుర్తింపును ద‌క్కించుకున్నాడు. టెలివిజ‌న్ షోస్..యూట్యూబ్ లోనూ బాగా ఫేమ‌స్ అయిన న‌టుడు. త‌న‌దైన శైలి మ్యాన‌రిజ‌మ్ తో త‌న‌కంటూ ఓ యూనిక్ స్టైల్ ని క్రియేట్ చేసుకున్నాడు. మరి వైవా హ‌ర్ష చిరంజీవి స్నేహితుడు కుమారుడు? అని ఎంత మందికి తెలుసు అంటే? ఇండస్ట్రీలో చాలా త‌క్కువ మందికే తెలిసి ఉండొచ్చు. మీడియాకి కూడా ఈ విష‌యం ఇప్పుడే తెలిసింది.

'భోళా శంక‌ర్' ప్ర‌మోష‌న్ లో భాగంగా టీమ్ లో వైవా హ‌ర్ష కూడా హ‌ల్చ‌ల్ చేస్తోన్న సంగ‌తి తెలిసిందే. దీనిలో భాగంగా చిరంజీవి ఈ విష‌యాన్ని రివీల్ చేసారు. వైవా హ‌ర్ష తండ్రి నా క్లాస్ మేట్.

ఈ మ‌ధ్య‌నే మా పాత స్నేహితులంతా క‌లిసాం. అక్క‌డే చాలా సేపు మాట్లాడుకున్నాం. కానీ ఆ రోజు వ‌ర‌కూ వైవా హ‌ర్ష నా స్నేహితుకుడు కొడుక‌ని తెలియ‌దు. నా స్నేహితుడు హ‌ర్ష నాకు తెలుసనుకుని చెప్ప‌లేదుట‌. అప్ప‌టికే తాను చాలా సినిమాలు చేయ‌డంతో నాకు తెలుసు అనుకున్నారుట‌.

త‌న తండ్రి హ‌ర్ష పెద్ద న‌టుడ‌ని ఫీల‌య్యేవాడు. కానీ త‌ను నాకెవ‌రో ఇప్పుడే తెలిసింద‌న్నారు. దీంతో వైవా హ‌ర్ష తండ్రి చిరంజీవి స్పూర్తితో సినిమాల్లోకి వ‌చ్చాడ‌ని గుర్తు చేసారుట‌. దీనికి చిరంజీవి చాలా సంతోషిం చారు.

త‌న స్నేహితుడు బిడ్డ సినిమా న‌టుడ‌వ్వ‌డం చాలా సంతోషంగా ఉంద‌ని అన్నారు. ఇక‌పై వైవా హ‌ర్ష‌ని గుర్తు పెట్టుకుంటానని అన్నారు. చిరంజీవి స్పూర్తితో సినిమా ఇండ‌స్ట్రీలో రాణిస్తున్న వారెంతో మంది.

ఆయ‌న స్నూర్తితో హీరోల‌య్యారు. ద‌ర్శ‌కుల‌య్యారు. చిరంజీవిని డైరెక్ట్ చేయ‌డం కోస‌మే ఎంతో మంది ద‌ర్శ‌కుల‌య్యారు. నిర్మాత‌లుగా మారారు. ఆయ‌న చూడ‌టం కోస‌మే వివిధ శాఖ‌ల్లో స్థిర ప‌డిన టెక్నీషియ‌న్లు ఎంతో మంది ఉన్నారు. నేటిత‌రానికి చిరంజీవి ఓ స్పూర్తి ప్ర‌దాత‌. ఎన్ని త‌రాలొచ్చిన చిరంజీవి అంద‌రికీ రోల్ మోడ‌ల్ గానే నిలుస్తున్నారు.