మెగా 156.. టైటిల్ తోనే మాయ చేసేలా..

మెగాస్టార్ చిరంజీవి హీరోగా వశిష్ట మల్లిడి దర్శకత్వంలో ఒక సినిమా స్టార్ట్ అయిన సంగతి తెలిసిందే. మెగా 156 వర్కింగ్ టైటిల్ తో ఈ సినిమాని గ్రాండ్ గా లాంచ్ చేశారు. ఎంఎం కీరవాణి మ్యూజిక్ సిట్టింగ్ తో చిత్రాన్ని దసరా రోజు ప్రారంభించారు. యూవీ క్రియేషన్స్ భారీ బడ్జెట్ తో పాన్ ఇండియా ప్రాజెక్ట్ గా ఈ చిత్రాన్ని నిర్మిస్తోంది.

మెగాస్టార్ చిరంజీవి కూడా చాలా కాలం తర్వాత సోషియో ఫాంటసీ కథతో ఈ మూవీ చేస్తూ ఉండటం విశేషం. మెగాస్టార్ కెరియర్ సోషియో ఫాంటసీ ఎలిమెంట్స్ తో వచ్చిన సినిమాలలో చాలా వరకు సూపర్ హిట్ అయ్యాయి. జగదీక వీరుడు అతిలోక సుందరి మూవీ అయితే సెన్సేషన్ హిట్ గా నిలిచింది. ఇప్పటికి ఈ చిత్రం ఎవర్ గ్రీన్ మూవీ.

అయితే ఇప్పుడు మెగాస్టార్ 156 కూడా ఇంచు మించు లాంటి సూపర్ ఫిక్షనల్ కాన్సెప్ట్ తోనే వశిష్ట మల్లిడి తెరకెక్కించనున్నాడు. దీంతో సినిమాకి జగదీకవీరుడు అతిలోక సుందరి టైటిల్ పెట్టాలని వశిష్ట మల్లిడి ఆలోచించాడంట. సడెన్ గా వైజయంతీ మూవీ ఆ సినిమా టైటిల్ నుంచి కాన్సెప్ట్ వరకు అన్నింటిపైన పూర్తి హక్కులు తమకే ఉన్నాయని, ఇంకొకరు వినియోగిస్తే చట్టపరమైన చర్యలు తీసుకోవడం జరుగుతుందని లెటర్ రిలీజ్ చేశారు.

వశిష్ట మల్లిడి సినిమా గురించి తెలిసే వైజయంతీ మూవీస్ ఈ ప్రకటన చేసినట్లు టాలీవుడ్ లో టాక్. దీంతో దర్శకుడికి ఆ టైటిల్ పెట్టె ఆప్షన్ లేకపోవడంతో కొత్తగా రెండు టైటిల్స్ అనుకుంటున్నాడంట. జగదీకవీరుడు, విశ్వంభరుడు టైటిల్ పై చార్చిస్తున్నట్లు టాక్ వినిపిస్తోంది. ఈ రెండింటిలో విశ్వంభరుడు టైటిల్ ని కాస్తా మార్చి విశ్వంభరగా పెట్టాలని డిసైడ్ అయినట్లు సమాచారం.

ఈ టైటిల్ అయితే కథకి పెర్ఫెక్ట్ యాప్ట్ అవుతుందని, అలాగే జనాల్లోకి బలంగా వెళ్తుందని భావించి చిత్ర యూనిట్ మొత్తం ఇదే టైటిల్ కి ఒకే చెప్పారంట. అయితే మూవీ షూటింగ్ కూడా ఇంకా స్టార్ట్ కాలేదు కాబట్టి అప్పుడే టైటిల్ ని రివీల్ చేయడం కరెక్ట్ కాదని వేచి చూస్తున్నట్లు సమాచారం. షూటింగ్ మొదలైనప్పుడు టైటిల్ ని అఫీషియల్ గా ప్రకటించే అవకాశం ఉందని ఫిల్మ్ నగర్ సర్కిల్ లో వినిపిస్తోంది.