మెగాస్టార్ మరో సీక్వెల్ ప్లాన్.. నిజమేనా?

మెగాస్టార్ చిరంజీవి తన నెక్ట్స్ ప్రాజెక్టులతో మరింత డిఫరెంట్ గా ఆకట్టుకునేందుకు రెడీ అవితున్నాడు. ప్రస్తుతం, ఆయన "విశ్వంభర" అనే చిత్రంలో నటిస్తున్నారు, దీనికి "బింబిసార" ఫేమ్ వశిష్ట దర్శకత్వం వహిస్తున్నారు. ఈ చిత్రం ప్రస్తుతం షూటింగ్ దశలో ఉంది మరియు త్వరలోనే ప్రేక్షకులను అలరించనుంది. ఈ సినిమాకు సంబంధించిన సరికొత్త అప్‌డేట్ సినీ అభిమానుల్లో ఆసక్తి రేపుతోంది.

ఇది మాత్రమే కాకుండా, చిరంజీవి తన కుమార్తె సుశ్మిత నిర్మాణ సంస్థతో మరో సినిమా చేయబోతున్నట్లు ఇటీవల ప్రకటించారు. ఈ ప్రాజెక్టు లేటెస్ట్ టాక్ ప్రకారం తమిళ దర్శకుడు మోహన్ రాజా డైరెక్ట్ చేయనున్నారని తెలుస్తోంది. మొదట్లో ఈ ప్రాజెక్టును కల్యాణ్ కృష్ణ డైరెక్ట్ చేస్తారని వార్తలు వినిపించాయి. కానీ, ఇప్పుడు మోహన్ రాజా ఈ ప్రాజెక్టుకు దర్శకత్వం వహించనున్నారు.

గతంలో చిరంజీవి, మోహన్ రాజా కాంబినేషన్‌లో "గాడ్ ఫాదర్" సినిమా వచ్చింది. ఈ చిత్రం అనుకున్నంత విజయం సాధించకపోయినా, మోహన్ రాజా దర్శకత్వ ప్రతిభపై చిరంజీవి ప్రశంసలు కురిపించారు. మోహన్ లాల్ నటించిన మలయాళ బ్లాక్ బస్టర్ "లూసిఫర్" చిత్రానికి ఇది రీమేక్ కావడం విశేషం.

ఇప్పుడు మోహన్ రాజా మరోసారి చిరంజీవితో సినిమా చేయబోతుండటంతో, ఇది "గాడ్ ఫాదర్" సీక్వెల్ అవుతుందని ఒక టాక్ అయితే వస్తోంది. అయితే, ప్రస్తుతానికి ఈ ప్రాజెక్టుకు కొత్త కథను చిరంజీవికి వినిపించినట్లు సమాచారం. ఈ సినిమా గురించి అధికారిక ప్రకటన త్వరలోనే వెలువడనుంది. మెగాస్టార్ ఈసారి మరింత కొత్తగా కనిపిస్తారనే ప్రచారం నడుస్తోంది.

ఇక "విశ్వంభర" విషయానికి వస్తే, ఈ చిత్రం షూటింగ్ శరవేగంగా జరుగుతోంది. చిరంజీవి పక్కన త్రిష హీరోయిన్‌గా నటిస్తుండగా, ఇషా చావ్లా, రమ్య పసుపులేటి, సురభి వంటి యంగ్ హీరోయిన్లు కూడా ఇందులో కీలక పాత్రలు పోషిస్తున్నారు. రావు రమేష్ విలన్ పాత్రలో నటిస్తున్నట్లు సమాచారం.

ఈ చిత్రం కోసం ఓ భారీ సెట్‌లో యాక్షన్ సన్నివేశాలను చిత్రీకరిస్తున్నారు. "విశ్వంభర" 2025 జనవరి 10న విడుదల కానుంది. గతేడాది సంక్రాంతికి "వాల్తేరు వీరయ్య" చిత్రంతో చిరంజీవి సూపర్ హిట్ అందుకున్న విషయం తెలిసిందే. ఇక ఆ తరువాత మోహన్ రాజా ప్రాజెక్టు రావడానికి ఏడాది సమయం పట్టవచ్చు. మరి రాబోయే ఈ భారీ ప్రాజెక్టులతో మెగాస్టార్ ఎలాంటి హిట్స్ అందుకుంటారో చూడాలి.