ప్రభాస్, మెగాస్టార్ క్లాష్.. ఛాన్స్ లేదు!

మెగాస్టార్ చిరంజీవి హీరోగా వశిష్ట మల్లిడి దర్శకత్వంలో విశ్వంభర మూవీ చేస్తోన్న సంగతి తెలిసిందే. యూవీ క్రియేషన్స్ భారీ బడ్జెట్ తో ఈ చిత్రాన్ని నిర్మిస్తోంది. పాన్ ఇండియా లెవల్ లో తెరకెక్కుతోన్న ఈ సినిమా సోషియో ఫాంటసీ కథాంశంతో తెరకెక్కుతోంది. ఇప్పటికే ఈ మూవీ షూటింగ్ మొదలైంది. తాజాగా ఈ మూవీ టైటిల్ ప్రోమోని చిత్ర యూనిట్ రిలీజ్ చేసింది.

విశ్వంతో లింక్ అయ్యే కథాంశంతో ఈ మూవీ సిద్ధం అవుతోందని టైటిల్ ప్రోమో బట్టి అర్ధమవుతోంది. వచ్చే ఏడాది సంక్రాంతి కానుకగా ఈ చిత్రాన్ని రిలీజ్ చేయనున్నట్లు ఇప్పటికే ప్రకటించారు. అంటే సంక్రాంతి రేసులో విశ్వంభర రిలీజ్ కావడం ఖాయం అయ్యింది. అలాగే దిల్ రాజు శతమానం భవాని నెక్స్ట్ పేజీ అంటూ ఒక మూవీని ఎనౌన్స్ చేశారు.

ఈ చిత్రం శర్వానంద్ హీరోగా వచ్చిన శతమానం భవతి సీక్వెల్ గా సిద్ధం అవుతున్నట్లు తెలుస్తోంది. ఈ చిత్రాన్ని కూడా సంక్రాంతికి రిలీజ్ చేయబోతున్నట్లు ప్రకటించారు. అయితే మూవీలో యాక్టర్స్ ఎవరు, డైరెక్టర్ ఎవరనేది కన్ఫర్మ్ చేయలేదు. ఇప్పుడు డార్లింగ్ ప్రభాస్ హీరోగా మారుతి దర్శకత్వంలో తెరకెక్కుతోన్న రాజా సాబ్ మూవీ కూడా సంక్రాంతి రేసులోకి వస్తోందనే ప్రచారం వినిపిస్తోంది.

ఈ సినిమా షూటింగ్ దశలో ఉంది. అయితే ఏడాదికి రెండు సినిమాలు రిలీజ్ అయ్యేలా చూస్తానని ప్రభాస్ గతంలో అభిమానులకి చెప్పారు. దానికి తగ్గట్లుగానే 2023లో ఆదిపురుష్, సలార్ చిత్రాలని ప్రేక్షకుల ముందుకి తీసుకొచ్చారు. ఈ ఏడాది కూడా కల్కి మూవీ మేలో రిలీజ్ కానుంది. డిసెంబర్ లో రాజా సాబ్ సినిమాని రిలీజ్ చేయాలని అనుకుంటున్నారు.

అది జరిగితే సంక్రాంతి రేసులో పోటీ పడకపోవచ్చు. అయితే అలాగే విశ్వంభర చిత్రాన్ని నిర్మిస్తోంది కూడా ప్రభాస్ హోం బ్యానర్ లాంటి యూవీ క్రియేషన్స్ కావడంతో రాజా సాబ్ మూవీ పోటీగా వచ్చే అవకాశం లేదనే మాట వినిపిస్తోంది. మరి ఇది ఎంత వరకు సాధ్యం అవుతుంది అనేది తెలియాలంటే వేచి చూడాల్సిందే.