మెగాస్టార్ - వశిష్ఠ.. టైటిల్ ఇదేనా?

మెగాస్టార్ చిరంజీవి వశిష్ట దర్శకత్వంలో తన తదుపరి సినిమా చేసేందుకు రెడీ అవుతున్నాడు. ప్రస్తుతం ఫిట్నెస్ విషయంలో కాస్త జాగ్రత్తలు తీసుకుంటున్న మెగాస్టార్ మోకాలికి సంబంధించిన ట్రీట్మెంట్ కూడా తీసుకుంటున్నట్లుగా తెలుస్తోంది. అసలైతే ఈ ప్రాజెక్ట్ కంటే ముందే బంగార్రాజు దర్శకుడు కళ్యాణ్ కృష్ణ తో ఒక సినిమా చేయాలని అనుకున్నారు.

కానీ ఆ ప్రాజెక్టు పలు కారణాల వలన వాయిదా పడింది. ప్రస్తుతం మెగాస్టార్ వశిష్ట సినిమా కోసమే రెడీ అవుతున్నాడు. కథ దాదాపు పూర్తయింది. ప్రస్తుతం దర్శకుడు ప్రి ప్రోడక్షన్ వర్క్ కోసం ప్లాన్ రెడీ చేసుకున్నట్లుగా తెలుస్తోంది. అలాగే మెగాస్టార్ చిరంజీవి లుక్ ఎలా ఉండాలి అనే విషయంలో కూడా ఆలోచిస్తున్నారు. పక్క ప్రణాళికతో ఈ సినిమాను బౌండెడ్ స్క్రిప్ట్ తో మొదలుపెట్టాలి అని మెగాస్టార్ ముందుగానే సూచించారట.

దీంతో దర్శకుడు అన్ని జాగ్రత్తలు తీసుకుంటున్నారు. అయితే ఈ సినిమాకు ఎలాంటి టైటిల్ పెడతారు అనే విషయంలో కూడా ప్రస్తుతం ఒక టాక్ అయితే వైరల్ గా మారింది. జగదేకవీరుడు అతిలోక సుందరి లాంటి కథతోనే దర్శకుడు వశిష్ట మెగాస్టార్ ను చూపించబోతున్నట్లు సమాచారం. అడ్వెంచర్ డ్రామాగా ఉండబోయే ఆ సినిమాకు 'ముళ్ళోకాల వీరుడు' అనే టైటిల్ అనుకుంటున్నారట.

ఇక ఇది ఎంతవరకు నిజమనే విషయంలో మాత్రం ఎవరు క్లారిటీ ఇవ్వలేదు. కానీ మెగాస్టార్ మాత్రం ఆ టైటిల్ విషయంలో పెద్దగా సంతృప్తిగా లేరని తెలుస్తోంది. నేటి జనరేషన్ కు కాస్త కనెక్ట్ అయ్యే విధంగా ఉండాలి అనే సూచించినట్లుగా తెలుస్తోంది. ఇక దర్శకుడు టైటిల్ విషయంలో ఇంకా ఫైనల్ డిసిషన్ తీసుకోలేదు.

ఇక హీరోయిన్ విషయంలో అయితే ఇప్పటికే చాలా మంది పేర్లు వినిపించాయి. అనుష్కతో పాటు మృణాల్ ఠాగూర్ పేర్లు కూడా లిస్టులో ఉన్నట్లుగా వచ్చాయి. ముగ్గురు హీరోయిన్స్ కూడా ఉంటారు అని కొన్ని కథనాలు వెలుపడ్డాయి. అయితే మెగాస్టార్కు జోడిగా మెయిన్ హీరోయిన్ కోసం మాత్రం మృణాల్ ఠాగూర్ ను తీసుకోవాలని ఫిక్స్ అయినట్లుగా తెలుస్తోంది. ఈ విషయంలో త్వరలోనే ఒక క్లారిటీ రానుంది ఇక రెగ్యులర్ షూటింగ్ నవంబర్లో మొదలుపెట్టబోతున్నారు.