చిరు కోసం ఐశ్వర్యారాయ్.. సాధ్యమేనా?

ఐశ్వర్యారాయ్.. ఈ పేరుకు పరిచయం అవసరం లేదు. అందం అంటేనే ముందుగా వినపడే పేరు ఐశ్వర్యా రాయ్ ది. ఎవరు ఎవరినైనా అందంగా ఉన్నావ్ అని పొగడాలంటే, ఐశ్వర్యా రాయ్ పేరుతో పోల్చేవారు. ఆమెకు ఉన్న క్రేజ్ అలాంటిది. ఇప్పటికీ ఐశ్వర్యా రాయ్ విపరీతమైన ఫ్యాన్స్ ఉన్నారు. ఆమె వయసు పెరుగుతున్నా కూడా ఇంకా అందంగానే ఉన్నారు. మధ్యలో కూతురు పుట్టిన తర్వాత కొంత కాలం సినిమాలకు దూరమైంది.

ఆ తర్వాత మళ్లీ, నాజుకుగా మారి మళ్లీ సినిమాలు చేయడం మొదలుపెట్టింది. రీసెంట్ గా మణిరత్నం తెరకెక్కించిన పొన్నియన్ సెల్వన్ లోనూ కీలక పాత్ర పోషించింది. ఆ సినిమాలో త్రిష, ఐశ్వర్య ఇద్దరూ సీనియర్ హీరోయిన్లనే తీసుకున్నారు. కానీ, వీరిద్దరి అందం చూసి అందరూ ఆశ్చర్యపోయారు. ఒకరికొకరు అందం విషయంలో పోటీ పడ్డారు. ఆ మూవీలో ఐశ్వర్య గ్లామరస్ గా కాకుండా, మంచి నిడివి, ప్రాధాన్యత ఉన్న పాత్రను అందుకున్నారు.

ఈ మూవీ తర్వాత ఐశ్వర్యకు ఎక్కువగా పాత్ర ప్రాధాన్యం ఉన్న రోల్స్ వస్తున్నట్లు తెలుస్తోంది. ఈ క్రమంలోనే తాజాగా తెలుగులోనూ ఐశ్వర్య ను తీసుకురావాలని ఇక్కడి దర్శక నిర్మాతలు యోచిస్తున్నారట. అది కూడా మెగా స్టార్ చిరంజీవి సరసన కావడం విశేషం. ప్రస్తుతం చిరంజీవి హీరోగా బింబిసార దర్శకత్వంలో మెగా 157 తెరకెక్కుతోంది.

ఈ మూవీ ప్రస్తుతం ప్రీ ప్రొడక్షన్ పనుల్లో ఉంది. ఈ సినిమాలో ముగ్గురు హీరోయిన్లను తీసుకుంటారు అంటూ ఎప్పటి నుంచో ప్రచారం జరుగుతోంది. ఈ క్రమంలో ఒక హీరోయిన్ గా అనుష్క శెట్టి అనే కన్ఫర్మేషన్ వచ్చింది. అనుష్క ఇటీవలే మిస్ శెట్టి, మిస్టర్ పొలిశెట్టితో సూపర్ కమ్ బ్యాక్ ఇచ్చింది. దీంతో, చిరు పక్కన సెలక్ట్ చేశారు. ఇక, మరో హీరోయిన్ గా ఐశ్వర్యను తీసుకోవాలని అనుకుంటున్నారట.

అయితే, తెలుగులో నటించడానికి ఆమె ఒప్పుకుంటుందో లేదో అనే బెనిఫ్ ఆఫ్ డౌట్స్ చాలా మందిలో ఉన్నాయి. ఈ క్రమంలో రామ్ చరణ్ ని రంగంలోకి దింపుతున్నట్లు సమాచారం. చరణ్ కి అమితాబచ్చన్ మంచి స్నేహం ఉంది. ఆయన ద్వారా ఒప్పిస్తే, ఐశ్వర్య కచ్చితంగా నటిస్తుందని అనుకుంటున్నారట. మరి, ఈ విషయంలో ఎంత వరకు నిజం ఉందో తెలియాల్సి ఉంది.