చిరుత బ్యూటీ రాజ‌కీయాల్లోకి.. ఇదీ ఆస్తి వివ‌రం!

'చిరుత' సినిమాతో టాలీవుడ్ లో తెరంగేట్రం చేసిన నేహాశ‌ర్మ ఆ త‌ర‌వాత పూర్తిగా బాలీవుడ్ లోనే న‌టిస్తున్న సంగ‌తి తెలిసిందే. శ‌ర్మాగాళ్ కెరీర్ ఇటీవ‌ల అంతంత మాత్ర‌మే. ఇప్పుడు లోక్ స‌భ ఎన్నిక‌ల్లో పోటీ చేసేందుకు రెడీ అవుతోంద‌ని క‌థ‌నాలొస్తున్నాయి. ఇటీవ‌లే నేహా శ‌ర్మ తండ్రి కాంగ్రెస్ నాయ‌కుడు దీనిని ధృవీక‌రించ‌డంతో స‌ర్వ‌త్రా ఆస‌క్తి నెల‌కొంది.

నేహా శ‌ర్మ తండ్రి అజిత్ శర్మ బీహార్‌లోని భాగల్‌పూర్ నుండి కాంగ్రెస్ ఎమ్మెల్యేగా పనిచేస్తున్నారు. ఇటీవలి ఇంటర్వ్యూలో నేహా లోక్‌సభ ఎన్నికల్లో పోటీ చేయాలనే కోరికను వ్యక్తం చేశాడు. ఇది పార్టీ ద్వారా ప్రతిధ్వనించిన సెంటిమెంట్ అని అన్నాడు. ఆయ‌న ప్ర‌క‌ట‌న‌తో నేహా శర్మను ఎంఎల్ఏగా చూడ‌గ‌ల‌మని అభిమానులు భావిస్తున్నారు. అయితే ఎన్నిక‌ల్లో పోటీ చేసే ముందు ఆస్తుల వివ‌రాల్ని వెల్ల‌డించాల్సి ఉంటుంది. నేహాశ‌ర్మ సంప‌ద‌లు ఎలా ఉన్నాయో తెలుసుకోవాల‌ని ప్ర‌య‌త్నిస్తే తెలిసిన వివ‌రాలివి..

బీహార్‌లోని భాగల్‌పూర్‌కు చెందిన నేహా శర్మ 21 నవంబర్ 1987న జన్మించారు. మొదట్లో ఫ్యాషన్ డిజైనర్ కావాలనే కోరిక ఉండేది. దీంతో న్యూ ఢిల్లీలోని గౌరవనీయమైన నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ (NIFT)లో ఫ్యాషన్ డిజైన్‌లో విద్య‌ను అభ్యసించేలా చేసింది. అయితే నిఫ్ట్ లో ఉన్న‌ప్పుడే త‌న‌లోని మోడ‌ల్ కం న‌టిని గుర్తించింది నేహా. న‌టిగా ప్ర‌య‌త్నాలు ప్రారంభించింది.

2007లో టాలీవుడ్‌లో 'చిరుత' చిత్రంతో అరంగేట్రం చేయడంతో క‌థానాయిక‌గా ప్రయాణాన్ని ప్రారంభించింది. 2010లో ఇమ్రాన్ హష్మీతో కలిసి మోహిత్ సూరి క్రూక్ తో బాలీవుడ్ లో అడుగుపెట్టింది. క్యా సూపర్ కూల్ హై హమ్, తుమ్ బిన్ 2, తాన్హాజీ, యమ్లా పగ్లా దీవానా 2 వంటి భారీ చిత్రాల్లో న‌టించింది.

సీఏ వివ‌రాల ప్ర‌కారం.. నేహా శర్మ వార్షిక సంపాదన దాదాపు రూ. 3 కోట్లు. మొత్తం సంప‌ద విలువ‌-34 కోట్లు. నిజానికి బాలీవుడ్‌లో పాపులారిటీని నేహా శర్మ తెలివిగా క్యాష్ చేసుకుంది. త‌న‌ వార‌స‌త్వ సంప‌ద క‌లుపుకుని నికర ఆస్తి విలువ 34 కోట్లు ($4 మిలియన్లు)గా ఉంద‌ని అంచనా. ఈ గణనీయమైన సంపద సినిమాలు.. లాభదాయకమైన బ్రాండ్ ఎండార్స్‌మెంట్‌లు .. సోషల్ మీడియా ప్లాట్‌ఫారమ్‌లలో ప్రభావవంతమైన ఆదాయం ద్వారా సాధ్య‌మైంది. ఇన్‌స్టాగ్రామ్‌లో 20 మిలియన్లకు పైగా అనుచరులను క‌లిగి ఉన్న ఈ బ్యూటీ సోష‌ల్ మీడియా ఆదాయంలోను ముందంజ‌లో ఉంది.

నేహా శర్మ రాజకీయాల్లోకి వచ్చే అవకాశం ఉందని ఇటీవల వచ్చిన పుకార్లు ప్రజలలో ఆసక్తిని క‌లిగించాయి. అధికారిక ప్రకటన వెలువడనప్పటికీ నేహా శర్మ తండ్రి, కాంగ్రెస్ ఎమ్మెల్యే అజిత్ శ‌ర్మ జాతీయ మీడియాతో మాట్లాడుతూ.. ''బాలీవుడ్ న‌టి అయిన‌ నా కుమార్తె నేహా శర్మ లోక్‌సభ ఎన్నికల్లో పోటీ చేసేందుకు పార్టీ ఆసక్తిని వ్యక్తం చేసింది. నేను త‌న‌తో చర్చించాను.. కానీ ఆమె ప్రస్తుతం అనేక కమిట్‌మెంట్‌లు షూటింగ్ షెడ్యూళ్ల‌తో బిజీగా ఉంది'' అని తెలిపారు.