మెగా సినిమా.. చెప్పాల్సిన సమాధానాలు ఎన్నో..?

రీ ఎంట్రీ తర్వాత మెగాస్టార్ చిరంజీవి ఖైదీ నెంబర్ 150 సినిమా మెగా ఫ్యాన్స్ అందరికీ సూపర్ ట్రీట్ అందించింది. ఆ తర్వాత సైఆ నరసింహారెడ్డి అంటూ తన డ్రీమ్ రోల్ ఉయ్యాల నరసింహారెడ్డి పాత్రలో నటించి మెప్పించారు చిరు. సైరా కమర్షియల్ గా అంతగా వర్క్ అవుట్ కాకపోయినా రీ ఎంట్రీ తర్వాత తన కలని సాకారం చేసుకున్నారు చిరంజీవి. ఆ తర్వాత ఆచార్య, గాడ్ ఫాదర్ బాక్సాఫీస్ దగ్గర నిరాశ పరచగా వాల్తేరు వీరయ్య మరోసారి మెగా స్టామినా చూపించింది. కె.ఎస్ బాబీ డైరెక్షన్లో తెరకెక్కిన వాల్తేరు వీరయ్య మెగా ఫ్యాన్స్ కి మాస్ ట్రీట్ అందించింది.

ఆ సినిమా తర్వాత వచ్చిన బోళా శంకర్ మరోసారి షాక్ ఇచ్చింది. ఖైదీ నెంబర్ 150 నుంచి బోళా శంకర్ వరకు చిరు చేసిన ఆరు సినిమాల్లో ఒక్క సైరా నరసింహా రెడ్డి పాత్ర తప్ప మిగతా సినిమాలన్నిటిలో దాదాపు చిరంజీవి పాత్ర ఒకే రకంగా అనిపించింది. మెగా ఫ్యాన్స్ అందుకే చిరు కొత్తగా ఏదైనా ట్రై చేయొచ్చు కదా అని సజస్ట్ చేశారు. 150 సినిమాల అనుభవం ఉన్న చిరుకి తను ఎలాంటి సినిమాలో తెలియదా అని మెగాస్టార్ ని అభిమానించే వారు అన్నారు.

అందుకే అలాంటి వారికి సమాధానం చెప్పేందుకే చిరంజీవి విశ్వంభర సినిమా చేస్తున్నారు. ఈ సినిమాను యువ దర్శకుడు వశిష్ట డైరెక్ట్ చేస్తున్నారు. బింబిసార సినిమాతో తన ప్రతిభ చూపించిన వశిష్ట రెండో ఛాన్సే చిరు మూవీ అందుకున్నాడు అంటే అతను ఎంత గొప్ప కథ తో వస్తున్నాడో అర్థమవుతుంది. ఇక మెగాస్టార్ కూడా రొటీన్ రోల్స్ అని వస్తున్న వార్తలకు చెక్ పెట్టేలా విశ్వంభర సినిమాలో మరోసారి తన విశ్వరూపం చూపించాలని ఫిక్స్ అయ్యారు. అదే రొటీన్ కామెడీ.. అదే రొటీన్ డ్యాన్స్ అంటూ చిరు సినిమాల మీద కొందరు దారుణంగా విమర్శిస్తూ వచ్చారు. అందుకే సరికొత్త కథతో తన 156వ సినిమా ఉండాలని విశ్వంభర ఫిక్స్ చేసుకున్నారు చిరంజీవి.

వశిష్ట విశ్వంభర సినిమాను ఎక్కడ కాంప్రమైజ్ కాకుండా తెరకెక్కిస్తున్నారని తెలుస్తుంది. సినిమా తప్పకుండా విజువల్ వండర్ గా మెగా ఫ్యాన్స్ తో పాటుగా మిగతా ఆడియన్స్ కు స్పెషల్ ట్రీట్ అందిస్తుందని అంటున్నారు. ఈ సినిమాతో చిరు తనపై కామెంట్ చేసిన ప్రతి ఒక్కరికి ఆన్సర్ ఇవ్వాలని చూస్తున్నాడు. యువి క్రియేషన్స్ బ్యానర్ లో 150 నుంచి 200 కోట్ల భారీ బడ్జెట్ తో తెరకెక్కుతున్న విశ్వంభర సినిమా 2025 సంక్రాంతికి రిలీజ్ లాక్ చేశారు. సినిమాలో త్రిష హీరోయిన్ గా నటిస్తుండగా మీనాక్షి చౌదరి కూడా మరో కథానాయికగా చేస్తుంది. కీరవాణి సంగీతం అందిస్తున్న ఈ సినిమా పై అంచనాలైతే తారాస్థాయిలో ఉన్నాయి. మరి ఈ అంచనాలను విశ్వంభర అందుకుంటుందా లేదా అన్నది చూడాలి.