ఆ విష‌యంలో కూతురితో గొడ‌వ ప‌డ్డాన‌న్న సీనియ‌ర్ న‌టుడు
ఇప్పుడు అనన్య తండ్రి చుంకీ పాండే తన కుమార్తె అన‌న్య‌తో ఓ విష‌యంలో గొడ‌వ పడేవాడిని అని తెలిపాడు.
By: Tupaki Desk | 31 Oct 2024 9:30 PM GMT
అనన్య పాండే నేడు పరిశ్రమలో అత్యంత క్రేజ్ ఉన్న స్టార్లలో ఒక‌రు. న‌టుడు చంకీ పాండే న‌ట‌వార‌సురాలిగా తెరంగేట్రం చేసిన ఈ బ్యూటీకి క‌ర‌ణ్ ధ‌ర్మ ప్రొడ‌క్ష‌న్స్ అండ‌దండ‌లు పుష్క‌లంగా ఉన్నాయి. స్టార్ డాట‌ర్స్ సుహానా, సారా అలీఖాన్, సాన‌యా, జాన్వీ వంటి వారితో అన‌న్యకు, తన కుటుంబానికి గొప్ప స‌త్సంబంధాలు ఉండ‌డం అద‌న‌పు మైలేజ్ ని ఇస్తోంది. అయినా నటిగా త‌న‌ను తాను నిరూపించుకునేందుకు అనన్య హార్డ్ వ‌ర్క్ చేస్తోంది. న‌ట‌న ప‌రంగా ఈ కుర్ర‌బ్యూటీ తన కుటుంబం నుండి వారసత్వంగా నైపుణ్యం పొందినా కానీ, కాల‌క్ర‌మేణా తన ప్రతిభను ప్రదర్శించింది. నటిగా తన స్థాయిని వృద్ధి చేసుకుంది. ఇప్పుడు అనన్య తండ్రి చుంకీ పాండే తన కుమార్తె అన‌న్య‌తో ఓ విష‌యంలో గొడ‌వ పడేవాడిని అని తెలిపాడు.
మిడ్ డేతో ఇటీవల చాటింగ్ సెష‌న్ లో చంకీ పాండే తన స్టార్ డ‌మ్ ఆస‌రాగా.. తన కుమార్తె అనన్య పాండే ఇండ‌స్ట్రీలో స్టార్‌డమ్‌ని సాధించడానికి ప్రాధాన్యతనివ్వాలని మొదట కోరుకున్నట్లు అంగీకరించాడు. అయితే ఇప్పుడు అనన్య CTRL , కాల్ మీ బే వంటి ప్రాజెక్ట్‌లలో తన నటనకు ప్రశంసలు అందుకుంటున్నందున నాటి ఆలోచ‌న తప్పుగా నిరూపిత‌మైనందుకు సంతోషిస్తున్నాన‌ని అన్నాడు. నేను త‌న‌తో గొడవలు పడేవాడిని.. ఎందుకంటే అనన్య మెయిన్ స్ట్రీమ్ సినిమా చేయాలని నాకు అనిపించింది.. అగ్ర‌న‌టుల‌తో గ్లామ‌ర‌స్ పాత్ర‌లు చేయాలని అనుకున్నాను.. అని చంకీ తెలిపాడు. కానీ అనన్య ఆలోచ‌న అలా లేదు. ``నాన్న, నేను ముందుగా న‌టిని అవ్వాలనుకుంటున్నాను` అని తెలిపింది. తాను చెప్పిన‌దే చేసింది. కానీ నేను మొదట నువ్వు స్టార్ అవ్వాలి! అనే వాడిని.. కానీ ఇప్పుడు బహుశా త‌ను చెప్పింది నిజమేనని నేను గ్రహించాను.. అని అన్నారు.
ఓ పాడ్ కాస్ట్ లో చంకీ పాండే రివ‌ర్స్ నెపోటిజం ద‌శ గురించి మాట్లాడాడు. నెపోటిజం అనేది సాధారణంగా నటీనటుల పిల్లలు స్వయంగా నటులుగా మారుతుండ‌గా పుట్టుకొచ్చిన‌ది. తన కుమార్తె స్టార్ అయినప్పటి నుండి తాను కూడా చాలా అవ‌కాశాలు అందుకుంటున్నట్లు గమనించాడ‌ట. హౌస్‌ఫుల్ కామెడీ ఫ్రాంచైజీలో ఆఖ్రీ పాస్తా పాత్రతో గుర్తింపు పొందిన చంకీ త‌న‌కు వ‌రుస అవ‌కాశాలొస్తున్నాయ‌ని తెలిపాడు. చుంకీ తన విజయాన్ని తనంతగా ఎప్పుడూ ఆస్వాదించలేదని ఒప్పుకున్నాడు. బహుశా అతడు ఎదిగే సమయంలో క్షణం తీరిక లేనంత బిజీ షెడ్యూళ్ల‌తో చాలా అల‌సిపోయాడు.
అనన్య- చుంకీ పాండే 2022 పాన్ ఇండియా మూవీ `లైగర్‌`లో కలిసి నటించారు. ఇందులో చుంకీ తన తండ్రి పాత్రను పోషించారు. చంకీ పాండే ఇంత‌కుముందు ప్ర‌భాస్ సాహో చిత్రంలోను న‌టించిన సంగ‌తి తెలిసిందే.
