సిటాడెల్ 'తుఫాన్' సాంగ్.. సామ్ టాలెంట్ అంటే ఇది!
నవంబర్ 7వ తేదీ నుంచి అమెజాన్ ప్రైమ్ వీడియోలో స్ట్రీమింగ్ కానుందని మేకర్స్ ఇప్పటికే అనౌన్స్ చేశారు.
By: Tupaki Desk | 5 Nov 2024 5:35 PM GMT
స్టార్ హీరోయిన్ సమంత, బాలీవుడ్ హీరో వరుణ్ ధావన్.. లీడ్ రోల్స్ లో నటించిన వెబ్ సిరీస్ సిటాడెల్: హానీ బన్నీ. రాజ్ అండ్ డీకే దర్శక ద్వయం తెరకెక్కించిన ఆ సిరీస్ తో సమంత.. ఏడాది తర్వాత కొత్త ప్రాజెక్టు తో ప్రేక్షకుల ముందుకు వస్తున్నారు. దీంతో ఆమె అభిమానులతో పాటు వెబ్ సిరీస్ లవర్స్ ఎంతగానో ఎదురుచూస్తున్నారు. నవంబర్ 7వ తేదీ నుంచి అమెజాన్ ప్రైమ్ వీడియోలో స్ట్రీమింగ్ కానుందని మేకర్స్ ఇప్పటికే అనౌన్స్ చేశారు.
దీంతో కొద్దిరోజులుగా ప్రమోషన్స్ నిర్వహిస్తున్నారు. సమంత, వరుణ్ తో పాటు రాజ్ అండ్ డీకే ఫుల్ గా ఇంటర్వ్యూస్ ఇచ్చారు. సోషల్ మీడియాలో ఫ్యాన్స్ తో చిట్ చాట్ నిర్వహించారు. ట్రైలర్ ను రీసెంట్ గా రిలీజ్ చేసి సిరీస్ పై భారీ అంచనాలు క్రియేట్ చేశారు. ముంబయిలో ప్రీమియర్ కూడా వేశారు. బాలీవుడ్ కు చెందిన అనేక మంది సెలబ్రిటీస్ విచ్చేసి సందడి చేశారు.
స్ట్రీమింగ్ డేట్ దగ్గర పడుతున్న వేళ.. సిటాడెల్ మేకర్స్ తాజాగా తుఫాన్ వీడియో సాంగ్ ను రిలీజ్ చేశారు. యాక్షన్ కమ్ రొమాంటిక్ సాంగ్ గా తెగ ఆకట్టుకుంటోంది. సోషల్ మీడియాలో చక్కర్లు కొడుతోంది. భారీ వ్యూస్ సంపాదించుకుంటోంది. వరుణ్.. సామ్ కు మార్షల్ ఆర్ట్స్ తో పాటు అనేక విద్యలు నేర్పిస్తున్నట్లు సాంగ్ లో చూపించారు. ఆ తర్వాత ఇద్దరూ కలిసి యాక్షన్ సీక్వెన్స్ లో అదరగొట్టేశారు. సమంత అయితే ఓ రేంజ్ లో మెప్పించారు.
యాక్షన్ ఎపిసోడ్స్ లో తన టాలెంట్ ఏంటో చూపించారు. తన సత్తాను ప్రూవ్ చేసుకున్నారు. వరుణ్ తో సమానంగా నటించినట్లు కనిపించారు. వెబ్ సిరీస్ కోసం చాలా కష్టపడ్డట్లు క్లియర్ గా తెలుస్తోంది. ప్రతి ఒక్క షాట్ లో సామ్ పవర్ ఫుల్ గా కనిపిస్తున్నారు. దీంతో సమంత అభిమానులు సోషల్ మీడియాలో స్పందిస్తున్నారు. సాంగ్ అదిరిపోయిందని.. సామ్ మరో హిట్ ను తన ఖాతాలో వేసుకోవడం ఖాయంగా చెబుతున్నారు.
గతేడాది ఇంగ్లిష్ లో స్పై థ్రిల్లర్ వెబ్ సిరీస్ సిటాడెల్ వచ్చిన సంగతి తెలిసిందే. ప్రియాంకా చోప్రా నటించిన ఆ సిరీస్ ఇండియన్ వెర్షన్ గా ఇప్పుడు రాజ్ అండ్ డీకే.. సిటాడెల్ హనీ బన్నీ వెబ్ సిరీస్ ను తెరకెక్కించారు. వరుణ్, సామ్ తో పాటు కేకే మీనన్, ఎమ్మా కానింగ్, సికిందర్ ఖేర్, సాకిబ్ సలీమ్, సోహమ్ మజుందార్, సిమ్రాన్ బగ్గా తదితరులు నటించారు. అయితే గతంలో రాజ్ అండ్ డీకే డైరెక్షన్ లో సమంత ఫ్యామిలీ మ్యాన్ సీజన్ 2లో యాక్ట్ చేశారు. ఇప్పుడు సిటాడెల్ లో నటించారు. మరి ఎలాంటి హిట్ అందుకుంటారో వేచి చూడాలి.
