సమంత సిటాడెల్.. టీజర్ ఎలా ఉందంటే..

సౌత్ ఇండియా స్టార్ హీరోయిన్ సమంత ది ఫ్యామిలీ మెన్ 2తో డిజిటల్ ఎంట్రీ ఇచ్చింది. ఈ వెబ్ సిరీస్ లో నెగిటివ్ రోల్ లో నటించిన సమంతకి మంచి గుర్తింపు లభించింది. ఆమె తన పెర్ఫార్మెన్స్ తో విమర్శకుల ప్రశంసలు సొంతం చేసుకుంది. యాక్షన్ ఘట్టాలలో కూడా సమంత అద్భుతమైన టాలెంట్ చూపించింది. రాజ్ అండ్ డీకే దర్శకత్వంలో ఈ వెబ్ సిరీస్ తెరకెక్కిన సంగతి తెలిసిందే. మరల వారితోనే సమంత సిటాడెల్ వెబ్ సిరీస్ చేసింది.

హాలీవుడ్ లో ప్రియాంక చోప్రా నటించిన సిటాడెల్ వెబ్ సిరీస్ కి ఇది ఇండియన్ వెర్షన్. వరుణ్ ధావన్, సమంత ఈ వెబ్ సిరీస్ లో జంటగా నటించారు. తాజాగా సిటాడెల్ వెబ్ సిరీస్ టీజర్ ని అమెజాన్ ప్రైమ్ రిలీజ్ చేసింది. రాజ్ అండ్ డీకే దర్శకత్వంలోనే ఈ వెబ్ సిరీస్ తెరకెక్కింది. సిటాడెల్: హనీ బన్నీ టైటిల్ తో ఈ వెబ్ సిరీస్ ని రెడీ చేశారు. తాజాగా రిలీజ్ అయిన టీజర్ ని కంప్లీట్ యాక్షన్ ఎపిసోడ్స్ తో నింపేశారు.

ఈ టీజర్ లో ఓ వైపు వరుణ్ ధావన్, మరో వైపు సమంత విలన్ తో అదిరిపోయే రేంజ్ లో ఫైటింగ్స్ చేస్తున్నారు. ఇద్దరు కూడా అండర్ కవర్ కాప్స్ గా ఈ సిరీస్ లో కనిపించబోతున్నారని అర్ధమవుతోంది. మాఫియా బ్యాక్ డ్రాప్ కథాంశంతోనే ఈ సిరీస్ ఉండబోతోంది. ఇండియన్స్ కి కనెక్ట్ అయ్యే విధంగా సిటాడెల్ ఒరిజినల్ వెర్షన్స్ కి కొన్ని మార్పులు చేర్పులు చేసి ఇండియన్ వెర్షన్ సిటాడెల్: హానీ బన్నీ రెడీ చేశారు.

నవంబర్ 7న ఈ వెబ్ సిరీస్ అమెజాన్ ప్రైమ్ లో రిలీజ్ కాబోతోంది. సమంత ఈ సిరీస్ లో చాలా స్టైలిష్ యాక్షన్ క్వీన్ లా కనిపిస్తోంది. ఒక్క డైలాగ్ లేకుండానే బ్యాగ్రౌండ్ సాంగ్ తో యాక్షన్ సన్నివేశాలతో టీజర్ ని ప్రెజెంట్ చేశారు. విజువల్ పరంగా కూడా చాలా గ్రాండియర్ గా కనిపిస్తోంది. ఈ వెబ్ సిరీస్ సక్సెస్ అయితే సమంత బాలీవుడ్ లో పాగా వేయడం పక్కా అనే మాట వినిపిస్తోంది.

ఈ వెబ్ సిరీస్ రిలీజ్ కాకుండా రాజ్ అండ్ డీకే నిర్మాణంలో నెట్ ఫ్లిక్స్ ఒరిజినల్స్ గా తెరకెక్కనున్న రక్త బ్రహ్మాండ్ వెబ్ సిరీస్ లో నటించడానికి సమంత గ్రీన్ సిగ్నల్ ఇచ్చిందంట. ఆదిత్యారాయ్ కపూర్ లో ఈ వెబ్ సిరీస్ లో సమంత కనిపించబోతోంది. త్వరలో ఈ వెబ్ సిరీస్ కి సంబందించిన క్యాస్టింగ్ ని ఎనౌన్స్ చేసే అవకాశం ఉందని టాక్. షూటింగ్ అయితే ఇప్పటికే స్టార్ట్ చేసేశారంట.