మిస్టర్ బచ్చన్ సెట్ లో సందడి అంతా ఆయనదే..!

మాస్ మహారాజ్ రవితేజ లీడ్ రోల్ లో అందాల భామ భాగ్య శ్రీ బోర్స్ హీరోయిన్ గా నటించిన సినిమా మిస్టర్ బచ్చన్. ఈ సినిమాను పీపుల్ మీడియా ఫ్యాక్టరీ నిర్మించింది. మిక్కీ జే మేయర్ మ్యూజిక్ అందించిన ఈ సినిమా ఆగష్టు 15న రిలీజ్ అవుతుంది. ఇప్పటికే రిలీజైన ప్రమోషనల్ కంటెంట్ తో సినిమాపై సూపర్ బజ్ ఏర్పడగా సినిమాను రకరకాలుగా ప్రమోట్ చేస్తూ సూపర్ అనిపించుకుంటున్నారు మేకర్స్.

హరీష్ శంకర్ కు సినిమా ఎలా తీయాలో కాదు ఎలా ప్రమోట్ చేయాలో కూడా తెలుసు. అందుకే ప్రస్తుతం హైదరాబాద్ మెట్రో ట్రైన్ లో కూడా మిస్టర్ బచ్చన్ ప్రమోషన్స్ మొదలు పెట్టాడు. రవితేజ వాయిస్ తో మెట్రో ట్రైన్ ప్రయాణీకులను పలకరించి సినిమా గురించి చెప్పించారు. ఇది బాగా వర్క్ అవుట్ అయినట్టు అనిపిస్తుంది. ఇక లేటెస్ట్ గా ఫ్రెండ్ షిప్ డే రోజు కూడా మిస్టర్ బచ్చన్ యూనిట్ అంతా కలిసి ఒక స్పెషల్ ఈవెంట్ ఏర్పాటు చేసుకున్నారు.

ఆ ఈవెంట్ లో డైరెక్టర్ హరీష్ శంకర్ ఈ సినిమా సెట్ లో చేసిన హడావుడి అంతా కమెడియన్స్ చేసి చూపించారు. ముఖ్యంగా కమెడియన్ సత్య హరీష్ శంకర్ ని ఇమిటేట్ చేస్తూ చేసిన కామెడీ అదిరిపోయింది. ఈ వీడియో చూసిన తర్వాత హరీష్ శంకర్ షూటింగ్ అంటే మిగతా వాళ్ల సంగతి ఏమో కానీ ఆయన హడావుడి మాత్రం ఒక రేంజ్ లో ఉంటుందని అర్థమవుతుంది. అంతేకాదు రవితేజను అన్నయ్య మీరు మాస్ మహరాజ్ అంటూ సీన్ బాగా రావడం కోసం మాట్లాడే తీరుని కూడా కొందరు ఇమిటేట్ చేశారు.

సినిమా సెట్ ఎంత సరదాగా ఉంటే సినిమా అంత బాగా వస్తుందని హరీష్ శంకర్ నమ్మకం కావొచ్చు. ఏది ఏమైనా మిస్టర్ బచ్చన్ షూటింగ్ అనుభూతులతో ఫ్రెండ్ షిప్ డే నాడు ఆ సినిమా యూనిట్ అంతా కలిసి చేసిన హంగామా సోషల్ మీడియాలో వైరల్ అవుతుంది. సినిమా రిలీజ్ ముందు ఈ స్పెషల్ ఈవెంట్ ప్లాన్ చేయడం కూడా అది ప్రమోషన్స్ లో భాగమే అని చెప్పొచ్చు. సరదాగా సాగిన మిస్టర్ బచ్చన్ ఫ్రెండ్షిప్ డే హంగామా ప్రేక్షకులను అలరిస్తుంది.