ట్రైలర్ కూడానా... సూపర్ ఫ్యాన్స్ లో గందరగోళం
సంక్రాంతి కానుకగా జనవరి 12న ప్రపంచ వ్యాప్తంగా భారీ ఎత్తున విడుదల అవ్వబోతున్న ఈ సినిమా పై అంచనాలు ఆకాశాన్ని తాకేలా ఉన్నాయి.
By: Tupaki Desk | 6 Jan 2024 5:38 AM GMT
సూపర్ స్టార్‌ మహేష్ బాబు, త్రివిక్రమ్‌ కాంబోలో రూపొందిన గుంటూరు కారం సినిమా మరో అయిదు రోజుల్లో ప్రేక్షకుల ముందుకు రాబోతున్న విషయం తెల్సిందే. సంక్రాంతి కానుకగా జనవరి 12న ప్రపంచ వ్యాప్తంగా భారీ ఎత్తున విడుదల అవ్వబోతున్న ఈ సినిమా పై అంచనాలు ఆకాశాన్ని తాకేలా ఉన్నాయి.
ముందుగా ప్లాన్‌ చేసిన ప్రకారం నేడు భారీ ఈవెంట్‌ ను నిర్వహించి, థియేట్రికల్‌ ట్రైలర్ ను విడుదల చేయాలని భావించారు. కానీ ఈవెంట్‌ ను వాయిదా వేస్తున్నట్లుగా ప్రకటించారు. కొన్ని కారణాల వల్ల వాయిదా పడ్డ ఈవెంట్‌ కొత్త తేదీ మరియు వెన్యూ ను ప్రకటించే అవకాశాలు ఉన్నాయి.
ఈవెంట్‌ వాయిదా వేయడం జరిగింది.. మరి ట్రైలర్ ను కూడా వాయిదా వేశారా లేదంటే ముందుగా అనుకున్న ప్రకారం నేడు సాయంత్రం డైరెక్ట్‌ గా డిజిటల్ ప్లాట్‌ ఫామ్‌ ద్వారా విడుదల చేస్తారా అంటూ ఫ్యాన్స్ కి తెలియక గందరగోళానికి గురి అవుతున్నారు.
ఈ మధ్య కాలంలో మహేష్ బాబు నుంచి వస్తున్న ప్రతి సినిమా కూడా బాక్సాఫీస్ వద్ద మంచి విజయాలను సొంతం చేసుకుంటున్నాయి. కనుక ఈ సినిమా కూడా తప్పకుండా విజయాన్ని సొంతం చేసుకుంటుందని, నాన్‌ పాన్‌ ఇండియా మూవీ రికార్డు ను దక్కించుకోవడం ఖాయం అనే నమ్మకంతో అంతా ఉన్నారు.
మహేష్ బాబు, త్రివిక్రమ్‌ కాంబో మూవీ కోసం దశాబ్ద కాలంగా వెయిట్‌ చేస్తున్న ప్రేక్షకులకు ఈ సినిమా కచ్చితంగా సంక్రాంతి పండుగను డబుల్‌ చేసే అవకాశాలు కనిపిస్తున్నాయి. సూపర్ స్టార్‌ మహేష్ బాబు ఈ సినిమా తో యూఎస్ లో భారీ వసూళ్లు నమోదు చేసే విధంగా ఏకంగా అయిదు వేల ప్రీమియర్‌ షో లు ప్లాన్‌ చేశారట.
