కోర్ట్ రెండో రోజు వసూళ్లు.. మళ్ళీ అదే దూకుడు!

తెలుగు సినీ పరిశ్రమలో కంటెంట్ ఓరియెంటెడ్ సినిమాలకు ఆదరణ తగ్గిపోతోంది అనుకుంటున్న సమయంలో ఆడియెన్స్ ఊహించని రిజల్ట్ ఇచ్చారు. తాజాగా ప్రియదర్శి ప్రధాన పాత్రలో వచ్చిన 'కోర్ట్: స్టేట్ వర్సెస్ ఏ నోబడీ' సినిమా అంచనాలకు మించి ప్రేక్షకుల మద్దతు పొందుతోంది. విడుదలైన మొదటి రోజు నుంచే పాజిటివ్ రివ్యూలతో దూసుకుపోతున్న ఈ సినిమా, బాక్సాఫీస్ వద్ద అద్భుతమైన కలెక్షన్లు సాధిస్తోంది.

నాని సమర్పణలో రామ్ జగదీశ్ దర్శకత్వం వహించిన ఈ చిత్రం, భావోద్వేగాలకు చోటు కల్పిస్తూ ప్రేక్షకులను థియేటర్లకు రప్పిస్తోంది. సినిమా కథ, నటీనటుల పెర్ఫార్మెన్స్, రియలిస్టిక్ ప్రెజంటేషన్ వంటి అంశాలు కోర్ట్ సినిమాకు స్పెషల్ హైలైట్‌గా నిలిచాయి. శివాజీ, సాయి కుమార్, హర్ష వర్ధన్, రోహిణి, సుభలేఖ సుధాకర్ వంటి సీనియర్ ఆర్టిస్టులు కీలక పాత్రల్లో నటించగా, వారి ప్రదర్శన సినిమాకు మరింత బలాన్ని ఇచ్చింది.

థ్రిల్లింగ్ ఎలిమెంట్స్‌తో నడిచే కోర్ట్ డ్రామా కావడంతో, ప్రేక్షకుల నుంచి బలమైన మౌత్ టాక్ వచ్చింది. వీటికి తోడు, నాని ఈ సినిమాను సమర్పించడంతో, ఫ్యామిలీ ఆడియన్స్ నుంచి కూడా మంచి రెస్పాన్స్ లభిస్తోంది. విడుదలైన రెండు రోజుల్లో కోర్ట్ సినిమా ప్రపంచవ్యాప్తంగా రూ.15.90 కోట్ల గ్రాస్ వసూలు చేయడం విశేషం. మొదటి రోజు మంచి ఓపెనింగ్స్ వచ్చినప్పటికీ, రెండో రోజు కలెక్షన్లు మరింత పెరగడం గమనార్హం.

వీకెండ్ సందర్భంగా ఆదివారం కూడా భారీ వసూళ్లు వచ్చే అవకాశముంది. థియేటర్లలో సూపర్ హిట్ టాక్ కొనసాగుతుండటంతో, కోర్ట్ మరికొన్ని రోజులు స్టడీగా రన్ అవుతుందనేది ట్రేడ్ వర్గాల అంచనా. ముఖ్యంగా తెలుగు రాష్ట్రాల్లో అర్బన్ మల్టీప్లెక్స్ థియేటర్లలో సినిమాకు మంచి ఆక్యుపెన్సీ నమోదవుతోంది. కోర్ట్ సినిమాకు విజయ్ బుల్గానిన్ సంగీతం అందించగా, ప్రశాంతి తిపిర్నేని ఈ చిత్రాన్ని నిర్మించారు.

ఇంటెన్స్ కోర్ట్ రూమ్ డ్రామాగా రూపొందిన ఈ సినిమా, సాంకేతికంగా కూడా చాలా స్ట్రాంగ్‌గా ఉందని ప్రేక్షకులు అంటున్నారు. ట్రైలర్ విడుదలైనప్పటి నుంచే ఈ సినిమా మీద ఆసక్తి నెలకొంది. సినిమాటోగ్రఫీ, బ్యాక్‌గ్రౌండ్ స్కోర్, కథ నడిచే విధానం అందరికీ బాగా కనెక్ట్ అయ్యాయి. దాంతో, చిన్న సినిమాగా విడుదలై పెద్ద విజయాన్ని అందుకుంటూ, కోర్ట్ అన్ని వర్గాల ప్రేక్షకుల హృదయాలను దోచుకుంటోంది.

ఈ సినిమా లాంగ్ రన్‌లో స్టడీగా వసూళ్లు నమోదు చేసేలా ఉంది. ముఖ్యంగా ఈ వారం ఎలాంటి పెద్ద రిలీజ్‌లు లేని కారణంగా కోర్ట్ రన్‌లో ఉండే అవకాశం కనిపిస్తోంది. సోమవారం నుంచి వర్కింగ్ డేస్ అయినా సరే, వర్డ్ ఆఫ్ మౌత్ పాజిటివ్‌గా ఉండటంతో వసూళ్లపై ప్రభావం తక్కువగా ఉంటుందని అంచనా. ట్రేడ్ విశ్లేషకుల అభిప్రాయం ప్రకారం, కోర్ట్ మూవీ బ్రేక్ ఈవెన్ టార్గెట్‌ను త్వరలోనే అందుకుంటుందని, ఆ తర్వాత లాభాల్లోకి వెళ్లే అవకాశం ఉందని చెబుతున్నారు.