ప్రియదర్శి ఖాతాలో మరో క్రేజీ ఫిల్మ్..!

టాలీవుడ్ లో ఎలాంటి పాత్రనైనా చేస్తూ ప్రేక్షకులతోనే కాదు సినీ ప్రముఖులతో కూడా శభాష్ అనిపించుకుంటున్నాడు నటుడు ప్రియదర్శి. పెళ్లి చూపులు సినిమాలో కౌశిక్ పాత్రతో మెప్పించిన ప్రియదర్శి ఆ సినిమా నుంచి అతను చేస్తున్న సినిమాల్లో పాత్రలన్నీ అతని కెరీర్ ని స్ట్రాంగ్ చేస్తూ వచ్చాయి. హీరో పక్కన కమెడియన్ గా చేస్తూనే ప్రయోగాత్మక సినిమాలు చేస్తున్నాడు.

ప్రియదర్శి సోలోగా చేసిన మల్లేశం, బలగం సినిమాలు అతనికి నెక్స్ట్ లెవెల్ క్రేజ్ తెచ్చాయి. ఇక ఈమధ్య వచ్చిన మంగళవారం లో మాస్క్ మ్యాన్ గా ప్రియదర్శి సర్ ప్రైజ్ చేశాడు. కెరీర్ మంచి స్వింగ్ లో ఉన్న ప్రియదర్శి ఖాతాలో మరో క్రేజీ ప్రాజెక్ట్ వచ్చి చేరిందని తెలుస్తుంది. తెలుగులో సెన్సిబుల్ డైరెక్టర్ గా పేరు తెచ్చుకున్న ఇంద్రగంటి మోహనకృష్ణ డైరెక్షన్ లో ప్రియదర్శి లీడ్ రోల్ లో ఒక సినిమా వస్తుందని తెలుస్తుంది.

ఇప్పటికే ఈ సినిమాకు సంబంధించిన కథా చర్చలు పూర్తయ్యాయట. త్వరలోనే సినిమా సెట్స్ మీదకు వెళ్తుందని తెలుస్తుంది. లాస్ట్ ఇయర్ ఆ అమ్మాయి గురించి మీకు చెప్పాలి సినిమా చేసిన మోహనకృష్ణ ఆ సినిమాతో ఫ్లాప్ అందుకున్నారు. ఇప్పుడు ప్రియదర్శితో ఒక క్రేజీ అటెంప్ట్ చేస్తున్నట్టు తెలుస్తుంది.

ఈ సినిమాలో హీరోయిన్ గా రూప కడువయూర్ నటిస్తుందని తెలుస్తుంది. మార్చి నుంచి ఈ సినిమా షూటింగ్ మొదలవుతుందని తెలుస్తుంది. తన దాకా వచ్చిన ప్రతి అవకాశాన్ని వాడుకుంటూ తన టాలెంట్ తో మెప్పిస్తున్న ప్రియదర్శి కెరీర్ ప్లానింగ్ లో అదుర్స్ అనిపిస్తున్నాడు. సినిమాలో హీరో ఎవరన్నది కాదు ప్రియదర్శి ఉన్నాడు అంటే అతని పాత్ర అదిరిపోతుంది అన్న రేంజ్ లో క్రేజ్ తెచ్చుకున్నాడు. కాబట్టి మోహనకృష్ణ సినిమా కూడా అతని కెరీర్ లో మరో సక్సెస్ ఫుల్ సినిమా అవుతుందేమో చూడాలి.

ఇలా కొన్ని సినిమాల్లో లీడ్ రోల్ చేస్తున్న ప్రియదర్శి అవసరం అనుకుంటే కొన్ని సినిమాల్లో ఒక సీన్ ఉన్న పాత్రలు కూడా చేస్తున్నాడు. తన ఇమేజ్ ని తను చేసే పాత్రలకు అడ్డు రాకుండా జాగ్రత్త పడుతున్నాడు. ముఖ్యంగా తను సోలోగా చేసే సినిమాల్లో మాత్రం కంటెంట్ పరంగా జాగ్రత్త పడుతున్నాడు ప్రియదర్శి. అందుకే అతనికి వరుస సక్సెస్ లు వస్తున్నాయి. ఈ సక్సెస్ జోష్ లో అతను మరిన్ని ప్రయోగాలు చేయాలని ఆశిస్తున్నారు ఆడియన్స్.