'పుష్ప' బాట‌లోనే 'డాకు మ‌హారాజ్' అమెరికాకు?

న‌ట‌సింహా నంద‌మూరి బాల‌కృష్ణ న‌టించిన `డాకు మహారాజ్` 12 జనవరి 2025న థియేటర్లలో విడుదల కానుంది. ఈ చిత్రానికి బాబీ కొల్లి దర్శకత్వం వహించారు. ఇందులో బాల‌య్య‌తో పోటీప‌డుతూ.. విల‌న్ గా యానిమ‌ల్ అబ్రార్ పాత్ర‌ధారి బాబీ న‌టించాడు. డాకు మ‌హరాజ్ చిత్రీక‌ర‌ణ‌ను పూర్తి చేసాన‌ని బాబీ తాజా ఇంట‌ర్వ్యూలో తెలిపాడు.

`డాకు మహారాజ్` టీజర్ ఇటీవల విడుదలై అభిమానులను విపరీతంగా ఆకట్టుకుంది. ఫస్ట్ లుక్ వీడియోలో NBK డాకాయిట్ అవతార్‌లో దూకుడుగా క‌నిపించారు. అందుకే ఈ చిత్రానికి `డాకు మహారాజ్` అనే టైటిల్ పెట్టారు.

``మునుపెన్నడూ లేని విధంగా మాస్ దేవుడి సాక్షిగా! #నందమూరి బాలకృష్ణ గారిని #డాకుమహారాజ్ గా ప్రెజెంట్ చేస్తున్నాను! అని ద‌ర్శ‌కుడు బాబి అన్నారు.

తాజా స‌మాచారం మేర‌కు ఈ సినిమా ప్రీరిలీజ్ వేడుక‌ను అమెరికాలో ప్లాన్ చేసార‌ని స‌మాచారం. 2025 జ‌న‌వ‌రి 4న టెక్సాస్ -డ‌ల్లాస్‌లో అత్యంత ఘ‌నంగా ఈ వేడుక జ‌ర‌గ‌నుంద‌ని తెలుస్తోంది. ఇంత‌కుముందే పుష్ప 2 ప్రీరిలీజ్ వేడుక‌ను అమెరికాలో అత్యంత వైభ‌వంగా నిర్వ‌హించ‌నున్నామ‌ని మైత్రి సంస్థ ప్ర‌క‌టించింది. ఇప్పుడు పుష్ప టీమ్ స్ఫూర్తితో బాల‌య్య కోసం అమెరికాలో ప్రీరిలీజ్ ప్లాన్ చేస్తుండ‌డం ఆస‌క్తిని క‌లిగిస్తోంది.