వెంకీ మామ కాదు సైకో అని పిలుస్తారు..!

విక్టరీ వెంకటేష్ హీరోగా శైలేష్ కొలను దర్శకత్వంలో నిహారిక ఎంటర్టైన్మెంట్స్ బ్యానర్ లో వెంకట్ బోయినపల్లి నిర్మిస్తున్న సినిమా సైంధవ్. ఈ సినిమాలో శ్రద్ధ శ్రీనాథ్, రుహాని శర్మ, ఆండ్రియా నటిస్తున్నారు. న్యూ ఏజ్ యాక్షన్ మూవీగా వెంకటేష్ నుంచి వస్తున్న ఈ సైంధవ్ సినిమా ట్రైలర్ లేటెస్ట్ గా రిలీజైంది. ఈ ట్రైలర్ రిలీజ్ ఈవెంట్ లో వెంకీ మామ స్పీచ్ అందరిని ఆకట్టుకుంది.

ట్రైలర్ సందర్భంగా వెంకటేష్ తన స్పీచ్ తో అదరగొట్టారు. ఈ సినిమా తర్వాత తనని వెంకీ మామ కాదు సైకో అని సైంధవ్ అని పిలుస్తారని అన్నారు. ఈరోజు చాలా హ్యాపీగా ఉందని మీ అందరికీ సినిమా తప్పకుండా నచ్చుతుందని అన్నారు వెంకటేష్. సంక్రాంతి రోజు తప్పకుండా ఈ సినిమా ప్రేక్షకులను అలరిస్తుందని అన్నారు. ఇన్నేళ్లుగా తన మీద మీరు చూపిస్తున్న ప్రేమ అభిమానానికి కృతజ్ఞతలు తెలిపారు వెంకటేష్.

75వ ప్రాజెక్ట్ ఇలాంటి సినిమా చేయడం లక్కీ అని.. రియలిస్ట్ గా న్యూ ఏజ్ యాక్షన్ సినిమా చేయాలని ఎప్పటి నుంచో అనుకుంటున్నా అది సైంధవ్ తో కుదిరిందని అన్నారు వెంకటేష్. పాస్ట్ పేస్ మూవీ ఇది.. సినిమా తప్పకుండా తన ఏజ్ కి తగినట్టుగా చేశానని అన్నారు వెంకటేష్. సినిమా మొదలైన 15 నిమిషాల్లో ఇన్వాల్వ్ అవుతారు. కచ్చితంగా ఇదొక డిఫరెంట్ సినిమాగా కొత్త ఎక్స్ పీరియన్స్ ఇస్తుందని అన్నారు వెంకటేష్.

ఈ సంక్రాంతికి మీ అందరికీ మంచి ట్రీట్ అందిస్తుంది.. ఈ సినిమాకు పనిచేసిన టెక్నిషియన్స్ అంతా వండర్ ఫుల్ జాబ్ చేశారు. సినిమా రిలీజ్ తర్వాత ఇంకా బాగా మాట్లాడుకుందామని అన్నారు వెంకటేష్. సినిమా బాగుంటే ఎక్కువ మాట్లాడతా.. బాగలేదంటే తక్కువ మాట్లాడతా.. ఈ సినిమా మిమ్మల్ని అసలు డిజప్పాయింట్ చేయదు. తప్పకుండా ఇది నా కెరీర్ బెస్ట్ మూవీ అవుతుందని అన్నారు వెంకటేష్.

మీడియా వారందరికీ హ్యాపీ న్యూ ఇయర్. మీడియా వాళ్లంతా బాగుండాలి మా సినిమా గురించి బాగా రాయాలని అన్నారు వెంకటేష్. తన ఎనర్జిటిక్ స్పీచ్ తో సినిమాపై మరింత అంచనాలు పెంచారు వెంకటేష్. దగ్గుబాటి ఫ్యాన్స్ అందరికీ సైంధవ్ స్పెషల్ ట్రీట్ అందిస్తుందని నమ్మకంగా చెబుతున్నారు వెంకటేష్.