డార్లింగ్.. ప్రియదర్శి 'ఖలసే' ఫ్రస్ట్రేషన్

ప్రైమ్‌షో ఎంటర్టైన్మెంట్స్ నిర్మాణంలో నభా నటేష్, ప్రియదర్శి జంటగా నటిస్తున్న 'డార్లింగ్' సినిమా ప్రమోషన్స్ జోరుగా కొనసాగుతున్నాయి. సినిమా మొదలు పెట్టినప్పటి నుంచి మేకర్స్ ప్రతి అప్డేట్ కూడా జనాలను ఎట్రాక్ట్ అయ్యే విధంగా వాదులుతున్నారు. 'హను-మాన్' తో పాన్ ఇండియా స్థాయిలో గుర్తింపు తెచ్చుకున్న నిర్మాత కె. నిరంజన్ రెడ్డి ఈ రొమాంటిక్ కామెడీతో మళ్ళీ ప్రేక్షకుల ముందుకు రాబోతున్నారు.

అశ్విన్ రామ్ దర్శకత్వం వహిస్తున్న ఈ చిత్రానికి, స్మ్త్. చైతన్య సమర్పకురాలు. ఇక మూవీ మేకర్స్ సంగీత ప్రమోషన్లను ప్రారంభించారు. "ఖలసే" అనే ఫ్రస్ట్రేషన్ ఆంతేమ్ తో మొదటి సింగిల్ ను విడుదల చేసి, ప్రేక్షకులను ఆకట్టుకున్నారు. వివేక్ సాగర్ స్వరపరిచిన ఈ పాట రామ్ మిరియాల, హనుమాన్ సిహెచ్ పాడారు. రామ్ మిరియాల తన స్వరంతో పాటకు ఉల్లాసాన్ని జోడించి, వినూత్నమైన అనుభూతిని అందించారు.

ఈ పాటలో సాధారణ వ్యక్తి జీవనంలోని నిరాశను చూపిస్తూ, చుట్టూ ఉన్నవారు అతనికి సపోర్ట్ గా కనిపిస్తూ ఉన్నారు. కాసర్ల శ్యామ్ రాసిన సాహిత్యం హాస్యాస్పదంగా ఉంటూ, వినోదాన్ని పెంచుతుంది. ప్రియదర్శి ఈ పాటలో తన డ్యాన్స్ టాలెంట్ ను ప్రదర్శించి, ప్రేక్షకులను ఆకట్టుకున్నాడు. ఇందులో అతను ఒకవైపు కామెడీ తో పాటు మంచి ఏమోషన్ ను హైలెట్ చేయనున్నట్లు తెలుస్తోంది.

టైటిల్ గ్లింప్స్ కి వచ్చిన విశేష స్పందన తర్వాత, ఈ ఫ్రస్ట్రేషన్ ఆంతేమ్ కూడా మంచి క్రేజ్ అందుకుంటోంది. బ్రహ్మానందం, విష్ణు, కృష్ణ తేజ్, అనన్య నాగల్లా వంటి ప్రముఖ నటులు ఈ చిత్రంలో ముఖ్య పాత్రలు పోషిస్తున్నారు. టాలెంటెడ్ టెక్నీషియన్స్‌ తో కూడిన బృందం ఈ చిత్రంలోని వివిధ విభాగాలను నిర్వహిస్తున్నారు. తప్పకుండా సినిమా ఒక సరికొత్త ఎంటర్టైనర్ గా ఉండనున్నట్లు మేకర్స్ చెబుతున్నారు.

నరేష్ రామదురై సినిమాటోగ్రఫీకి బాధ్యతలు చేపడుతుండగా, హేమంత్ డైలాగ్స్ రాస్తున్నారు. 'లవ్ టుడే' ఫేమ్ ప్రదీప్ ఈ రాఘవ ఈ సినిమాకు ఎడిటింగ్ చేస్తున్నారు. ఇలా ఈ చిత్రంలోని మొదటి సింగిల్ విడుదలతో సినిమాపై బజ్ క్రియేట్ అవుతోంది. సినిమా కథ, సంగీతం, నటుల ప్రతిభ, టెక్నీషియన్స్ పనితనం ఇలా ప్రతీ అంశం ప్రేక్షకులను ఆకట్టుకునేలా ఉంటుందని మేకర్స్ చెబుతున్నారు.

ప్రియదర్శి ఇప్పటికే బలగం సినిమాతో హీరోగా మంచి గుర్తింపు అందుకున్నాడు. అతనికి హీరోగా క్రేజ్ వచ్చినప్పటికీ మంచి క్యారెక్టర్ రోల్స్ కూడా చేస్తున్నాడు. ఇక ఇప్పుడు డార్లింగ్ సినిమాతో మరో హిట్ అందుకోవాలని ఫిక్స్ అయ్యాడు. ఈ సినిమాలో సభా నటేష్ అతనికి జోడిగా నటిస్తోంది. ఆమె కూడా ఈ సినిమాతో బౌన్స్ బ్యాక్ అయ్యేలా హిట్ అందుకోవాలని చూస్తోంది. త్వరలోనే సినిమా రిలీజ్ పై నిర్మాతలు క్లారిటీ ఇవ్వనున్నారు.