వివాదాలు..జైళ్లు అత‌నికి కొత్తేం కాదు!

ఛాలెంజింగ్ స్టార్ ద‌ర్శ‌న్ మ‌ర్డ‌ర్ కేసులో దేశ వ్యాప్తంగా మారుమ్రోగుతోన్న పేరిప్పుడు. ప్రియురాలు ప‌విత్ర కోసం ద‌ర్శ‌న్ తీసుకున్న నిర్ణ‌యం అత‌న్ని క‌ట‌క‌టాల పాలు చేసింది. ఈ కేసులో మ‌రో 10 మందికి పైగా ఉన్నా? ప్ర‌ధాన నిందితుడుగా ఆరోప‌ణ‌లు ఎదుర్కుంటుంది ద‌ర్శ‌న్. అయితే జైళ్లు ద‌ర్శ‌న్ కు కొత్త కాదు. పలు కేసుల్లో ద‌ర్శ‌న్ జైలుకెళ్లిన‌ట్లు మీడియాలో క‌థ‌న‌లొస్తున్నాయి. 2011 లో భార్య విజ‌య‌ల‌క్ష్మి వేధింపులు, దాడి, హ‌త్యాయ‌త్నం కింద కేసు పెట్టింది. ఈకేసులో జైలుకెళ్లాడు.

ఆ త‌ర్వాత కొన్ని రోజుల‌కి భ‌ర్త కావ‌డంతో విజ‌య‌ల‌క్ష్మి కేసు వాప‌సు తీసుకోవ‌డంతో బ‌య‌ట‌కొచ్చాడు. ఆ త‌ర్వాత య‌ధావిధిగా న‌టుడిగా కొన‌సాగాడు. ఈ క్ర‌మంలో ఎన్నో విజ‌యాలు అందుకున్నాడు. అయినా ద‌ర్శ‌న్ లో మార్పులేమి రాలేదు. 2018 లో ద‌ర్శ‌న్ కారు ప్ర‌మాదానికి గురైంది. ఆ స‌మ‌యంలో న‌టుడు దేవ‌రాజ్, మ‌రికొంత మంది స్నేహితు లున్నారు. అందుకు కార‌కుడు ద‌ర్శ‌న్ అనే ఆరోప‌ణ‌లున్నాయి. అలాగే 2021 లో మైసూర్ హోట‌ల్ లో మ‌హిళా వెయిట‌ర్ పై అత్యాయత్నానికి పాల్ప‌డిన‌ట్లు ఆరోప‌ణ‌లున్నాయి.

ఆ వెయిట‌ర్ కి 50 వేలు న‌ష్ట‌ప‌రిహారం ఇచ్చిన‌ట్లు వార్త‌లొచ్చాయి. అలాగే భ‌త‌ర్ అనే క‌న్న‌డ నిర్మాత‌ని ద‌ర్శ‌న్ బెదిరించాడు. అత‌డు పోలీసులకు ఫిర్యాదు చేయ‌డంతో విష‌యం వెలుగులోకి వ‌చ్చింది. అలాగే గ‌త ఏడాది వ‌న్య‌ప్రాణుల సంర‌క్ష‌ణ చ‌ట్టం కింద కూడా ద‌ర్శ‌న్ పై కేసు న‌మోదైంది. అదే ఏడాది త‌న ఇంటి ద‌గ్గ‌ర‌ల్లో ఉన్న మ‌హిళ‌పై కుక్కని ఉసిగొలిపి వ‌దిలిన‌ట్లు కేసు ఉంది. పార్కింగ్ వివాదంలో ఇద్ద‌రి మ‌ధ్య వాగ్వివివాదం చోటు చేసుకోవ‌డంతోనే ద‌ర్శ‌న్ ఈ చ‌ర్య‌కు పాల్పిడిన‌ట్లు తెలిసింది.

ఇక ఇదే ఏడాది జ‌న‌వ‌రిలో లేట్ నైట్ పార్టీ విష‌యంలో పోలీసులు అత‌డికి వార్నింగ్ ఇచ్చారు. ఇలా ద‌ర్శ‌న్ పై ఇన్ని ర‌కాల అభియోగా లున్నాయి. కొన్ని కేసుల్లో జైలుకెళ్ల‌డం పూచీ క‌త్తు మీద బ‌య‌ట‌కు రావ‌డం జ‌రిగింది. ఇప్పుడు ఏకంగా మ‌ర్డ‌ర్ కేసులోనే ప్రధాన నిందుతుడుగా ఆరోప‌ణ‌లు ఎదుర్కంటున్నాడు.