డ్ర‌గ్స్ మ‌త్తులో దీపిక‌..రిస్క్ తీసుకుంటుందా!

వెండి తెర‌పై దీపికా ప‌దుకొణే చేయ‌ని సాహ‌సం అంటూ ఉండ‌దు. స‌న్నివేశం డిమాండ్ చేసిందంటే? పూర్తిగా ద‌ర్శ‌కుల హీరోయిన్ అయిపోతుంది. ఎలాంటి స‌న్నివేశాల‌కు అడ్డు చెప్ప‌దు. సీన్ ర‌క్తిక‌ట్టిం చ‌డంమే న‌టి బాధ్య‌త అంటూ ఆ పాత్ర‌లో ప‌ర‌కాయ ప్ర‌వేశం చేసి ఓదిగిపోతుంది. అందుకే అంత గొప్ప న‌టి కాగ‌లిగింది. ఐశ్వ‌ర్యారాయ్ త‌ర్వాత అంత‌టి పాపులారిటీని ద‌క్కించుకుంది.

క‌మ‌ర్శియ‌ల్ సినిమాలు చేస్తూనే మ‌రోవైపు లేడీ ఓరియేంటెడ్ చిత్రాల‌తోనూ బాక్సాఫీస్ వ‌ద్ద స‌త్తా చాటుతోంది. తాజాగా ఈ బ్యూటీ మ‌రోసారి వెబ్ వ‌ర‌ల్డ్ లోకి అడుగు పెడుతుంది. ఓ యాక్ష‌న్ థ్రిల్ల‌ర్ వెబ్ సిరీస్ కి సంతంకం చేసింది. భార‌త్ లోని డ్ర‌గ్ మాఫియా నేప‌థ్యంలో ఈసిరీస్ తెర‌కెక్క‌నుంది. ఈ మెగా యాక్ష‌న్ థ్రిల్ల‌ర్ ని నెట్ ప్లిక్స్ ప్ర‌తిష్టాత్మ‌కంగా నిర్మిస్తుంది. ఈ సిరీస్ కోసం భారీ బ‌డ్జెట్ కేటాయిస్తుందిట‌.

ఇందులో పోరాట స‌న్నివేశాల‌కు ఎక్కువ ప్రాధాన్య‌త ఉంటుంది. ఈనేప‌థ్యంలో దీపిక అన్ని ర‌కాలుగా సిద్ద‌మ‌వ్వాల్సి ఉంటుందని...యాక్ష‌న్ స‌న్నివేశాల కోసం విదేశాల్లో కొంత శిక్ష‌ణ అవ‌స‌రమ‌ని మేక‌ర్స్ భావి స్తున్నారుట‌. ఈ నేప‌థ్యంలో రెండు నెల‌ల పాటు ప్ర‌త్యేకంగా శిక్ష‌ణ ఇప్పించాల‌ని స‌న్నాహాలు చేస్తు న్నారుట‌. ఇందులో దీపిక హ‌ద్దులు చెరిపేసి న‌టించాల్సి ఉంటుందిట‌. తెర‌పై కొత్త దీపిక‌ని ఆవిష్క‌రించేలా సిరిస్ ఉండ‌బోతుందిట‌.

అయితే ఈ వెబ్ సిరీస్ కి దీపికా ప‌దుకొణే ఇంకా డేట్లు కేటాయించ‌లేదుట‌. ఆమె డేట్టు కేటాయించ‌డాన్ని బ‌ట్టీ శిక్ష‌ణ‌కు సంబంధించి..చిత్రీక‌ర‌ణ‌కు సంబంధించి షెడ్యూల్స్ వేయాల్సి ఉంటుంద‌ని నెట్ ప్లిక్స్ భావిస్తుందిట‌. అయితే ఈ సిరీస్ కి ఎవ‌రు ద‌ర్శ‌క‌త్వం వ‌హిస్తారు? అన్న‌ది కూడా క్లారిటీ రాలేదు. ప్ర‌స్తుతం దీపికా ప‌దుకొణే సిద్దార్ధ్ ఆనంద్ ద‌ర్శ‌క‌త్వంలో `ఫైట‌ర్` లో న‌టిస్తోంది. ఇప్ప‌టికే దీపిక ప‌దుకొణే `గెహ్రాయాన్` అనే వెబ్ సిరీస్ లో న‌టించిన సంగ‌తి తెలిసిందే. ఈ సిరీస్ ఎంత మంచి పేరు తెచ్చిందో అంత‌కు మించి విమ‌ర్శ‌లు తెచ్చి పెట్టింది.