పూజాహేగ్డే బ‌రిలోకి ముందుగానే దిగుతుందే!

పూజాహెగ్డే న‌టించిన సినిమా ప్రేక్ష‌కుల ముందుకొచ్చి ఏడాదిన్నర దాటింది. అమ్మ‌డు చివ‌రిగా బాలీవుడ్ లో న‌టించిన `కిసీకా భాయ్ కిసీకా జాన్` సినిమాతో థియేట‌ర్లోకి వ‌చ్చింది. అటుపై ఒక్క‌సారిగా సైలైంట్ అయిపోయింది. 2023 ఏప్రిల్ నుంచి ఇంత‌వ‌ర‌కూ ఒక్క సినిమా కూడా రిలీజ్ చేయ‌లేదు. అవ‌కాశాలు లేక‌పోవ‌డంతోనే ఈ ప‌రిస్థితి త‌లెత్తింది. దీంతో ఎక్క‌డ నుంచి వెళ్లిందో మ‌ళ్లీ అక్క‌డికే తిరిగొచ్చింది. ఇప్ప‌టికే తెలుగు, త‌మిళ్ మూడు సినిమాలు క‌మిట్ అయిన సంగ‌తి తెలిసిందే.

అయితే హిందీలో `దేవా` అనే సినిమా ఒక‌టి చేసింది. ఆ సినిమా ఇప్ప‌టికే షూటింగ్ పూర్తిచేసుకుని పోస్ట్ ప్రొడ‌క్ష‌న్ ప‌నుల్లో ఉంది. ఈ చిత్రానికి సంబంధించి మిగ‌తా పనులు కూడా పూర్తి చేసి ప్రేమికుల రోజు సంద‌ర్భంగా ఫిబ్ర‌వరి 14న రిలీజ్ చేయాల‌నుకున్నారు. అధికారికంగా రిలీజ్ తేదీ కూడా ఇచ్చారు. అయితే ఇప్పుడీ చిత్రాన్ని అంత‌కంటే ముందే రిలీజ్ చేస్తున్నారు. జ‌న‌వ‌రి 31న చిత్రాన్ని రిలీజ్ చేస్తున్న‌ట్లు అధికారికంగా ప్ర‌క‌టించారు.

`దేవా` మీరు అనుకున్న తేదీ కంటే ముందే వ‌స్తుంది. హృద‌యాల్ని క‌దిలించే మ‌ర్చిపోలేని అనుభ‌వం కోసం సిద్దంగా ఉండండి అని తెలిపారు. ఆ ర‌కంగా పూజాహెగ్డే ముందుగానే ప్రేక్ష‌కుల్ని మెప్పించ‌డానికి రెడీ అవుతుంది. ఇందులో షాహిద్ క‌పూర్ హీరోగా న‌టిస్తున్నాడు. ఈ యాక్ష‌న్ థ్రిల్ల‌ర్ ని రోష‌న్ ఆండ్రూస్ తెర‌కెక్కిస్తున్నాడు.

ఇక ఈ అమ్మ‌డు తెలుగులో చివ‌రిగా `ఆచార్య` చిత్రంలో న‌టించింది. అటుపై `ఎఫ్‌-3`లో ఐటం పాట‌లో న‌టించింది. అప్ప‌టి నుంచి టాలీవుడ్ కి దూరంగా ఉంది. ప్ర‌స్తుతం సూర్య హీరోగా న‌టిస్తోన్న 44వ చిత్రంలో న‌టిస్తోంది. అలాగే దల‌ప‌తి విజ‌య్ న‌టిస్తోన్న 69వ చిత్రంలోనూ హీరోయిన్ గా ఎంపికైంది.