దేవర ఓటీటీలో ఆ డౌట్లు అవసరం లేదు..!

ఎన్టీఆర్ కొరటాల శివ కాంబోలో వచ్చిన లేటెస్ట్ సెన్సేషన్ దేవర సినిమా థియేట్రికల్ రన్ సూపర్ హిట్ కాగా ఇప్పుడు ఈ సినిమా ఓటీటీ రిలీజ్ కోసం ప్రేక్షకులు అంతా ఆసక్తిగా ఎదురుచూస్తున్నారు. దేవర ఓటీటీ రిలీజ్ పై ఫ్యాన్స్ అండ్ ఆడియన్స్ సూపర్ ఎగ్జైటెడ్ గా ఉన్నారు. సినిమాను థియేటర్ లో చూసిన వారు చూడని వారు ఓటీటీ రిలీజ్ కోసం ఎదురుచూస్తున్నారు. ఐతే సినిమా ఓటీటీ వెర్షన్ పై కొత్తగా వినిపిస్తున్న ఒక న్యూస్ వైరల్ గా మారింది.

అదేంటి అంటే దేవర సినిమా ఓటీటీలో ఎక్స్ టెండెడ్ వెర్షన్ అంటే సినిమా థియేట్రికల్ వెర్షన్ లో లేని కొన్ని సీన్స్ ఓటీటీలో యాడ్ చేస్తారని చెబుతున్నారు. ఈమధ్యనే దళపతి విజయ్ లియో సినిమాకు అలానే చేశారు. లియో ఓటీటీ రిలీజ్ చూసిన ఫ్యాన్స్ ఇది థియేట్రికల్ వెర్షన్ కన్నా డిఫరెంట్ గా ఉందే అనుకున్నారు. అంటే కొన్ని సీన్స్ యాడ్ చేస్తారన్నమాట. ఐతే దేవర విషయంలో కూడా అదే జరుగుతుందని అంటున్నారు.

ఐతే తెలుస్తున్న సమాచారం ప్రకారం దేవర ఓటీటీ వెర్షన్ కూడా థియేట్రికల్ రిలీజ్ ఎలా అయ్యిందో అదే వెర్షన్ వస్తుందట. కేవలం దావూది సాంగ్ ఒక్కటి యాడ్ అవుతుంది తప్ప మిగతా అంతా సేమ్ అలానే అంటున్నారు. దావూది సాంగ్ కూడా థియేట్రికల్ వెర్షన్ లో లేట్ గా యాడ్ చేశారు. దేవర ఓటీటీలో సెకండ్ హాఫ్ కొన్ని సీన్స్ యాడ్ చేస్తారని సోషల్ మీడియాలో ఒక డిస్కషన్ నడుస్తుంది. ఐతే ఆ వార్తల్లో ఎలాంటి వాస్తవం లేదని అర్ధమవుతుంది.

ఎన్టీఆర్ సరసన జాన్వి కపూర్ హీరోయిన్ గా నటించిన దేవర సినిమాకు అనిరుద్ మ్యూజిక్ కూడా సినిమాను నెక్స్ట్ లెవెల్ లో నిలబెట్టింది. దేవర తో ఎన్టీఆర్ మరోసారి తన మాస్ మేనియా చూపించాడు. సెప్టెంబర్ 27న వరల్డ్ వైల్డ్ గ్రాండ్ గా రిలీజైన ఈ సినిమా తారక్ ఫ్యాన్స్ తో పాటు మాస్ ఆడియన్స్ ని మెప్పించింది. అంతేకాదు దేవర 2 కోసం ఎదురుచూసేలా చేసింది. కొరటాల శివ మీద ఎన్టీఆర్ పెట్టుకున్న నమ్మకాన్ని దేవరతో నిలబెట్టుకున్నాడు. అంతేకాదు రాజమౌళి సినిమా తర్వాత ప్రతి హీరోకి ఫ్లాప్ పడుతుందన్న బ్యాడ్ సెంటిమెంట్ ని కూడా దేవర బ్రేక్ చేసింది. అందుకే ఎన్ టీ ఆర్ దేవర అందరికీ చాలా స్పెషల్ మూవీగా నిలిచింది. ప్రస్తుతం ఎన్టీఆర్ వార్ 2 షూటింగ్ లో బిజీగా ఉన్నాడు. త్వరలోనే ప్రశాంత్ నీల్ తో సినిమా సెట్స్ మీదకు తీసుకెళ్లనున్నాడు.