దేవర 4DX మజా.. గేట్ రెడీ

సాంకేతిక విజ్ఞానం ప్రతిరంగంలో కూడా కొత్త పుంతలు తొక్కుతుంది. సినీ ప్రపంచంలోకి కూడా ఈ టెక్నాలజీ ఎంటర్ అయ్యి ప్రేక్షకులకి ఎప్పటికప్పుడు సరికొత్త అనుభూతిని అందిస్తోంది. ఒకప్పుడు భారీ బడ్జెట్ సినిమాలు తెరకెక్కించాలంటే కత్తిమీద సాముల ఉండేది. అయితే ఇప్పుడు విజువల్ ఎఫెక్ట్స్ తో తెరపై ఎన్ని అద్భుతాలు అయిన చూపించవచ్చు. అద్భుతమైన విజువల్ వండర్స్ ఎన్నో ఇప్పుడు గ్రాఫిక్స్ తో క్రియేట్ చేయొచ్చు.

అలాగే థియేటర్స్ లో ఆడియన్స్ కి సరికొత్త సినిమాటిక్ ఎక్స్ పీరియన్స్ ని కూడా టెక్నాలజీ ఉపయోగించుకొని ఇస్తున్నారు. ఒకప్పుడు సినిమాని 2Dలో చూసేవారు. తరువాత 3D టెక్నాలజీ వచ్చింది. దీనిని ప్రేక్షకులు ఇప్పటికే ఆశ్వాదిస్తున్నారు. ఇప్పుడు అడ్వాన్స్ గా విర్చువల్ రియాలిటీ, స్క్రీన్ X, ఓపెన్ థియేటర్స్ వచ్చాయి. ఇలా చెప్పుకుంటూ వెళ్తే చాలా ఉన్నాయి. 4DX టెక్నాలజీ కూడా ఇప్పుడు అందుబాటులోకి వచ్చింది.

4DX టెక్నాలజీలో 3D సినిమాటిక్ ఎక్స్ పీరియన్స్ తో పాటు అదనంగా సినిమాలో మ్యూజిక్, సౌండ్స్ కి తగ్గట్లుగా సీట్స్ కి ఫిజికల్ ఎఫెక్ట్స్ సెట్ చేస్తారు. మూవీలో యాక్షన్, సౌండ్స్ అనుభూతిని రియల్ గా చైర్ లో కూర్చొని ఆస్వాదిస్తారు. ఇప్పుడు ఈ 4D టెక్నాలజీ హైదరాబాద్ లోని రెండు పీవీఆర్ మల్టీప్లెక్స్ లలో అందుబాటులో ఉంది. ఇందులో 4DX థియేటర్స్ లో రిలీజ్ అవుతోన్న మొదటి చిత్రంగా ‘దేవర’ నిలిచింది.

4DX లో ‘దేవర’ మూవీ సినిమాటిక్ ఎక్స్ పీరియన్స్ ని ఆస్వాదించడానికి ప్రేక్షకులు కూడా ఆసక్తి చూపిస్తున్నారు. అందుకే థియేటర్స్ హౌస్ ఫుల్ అయిపోయాయి. మరి 4DX లో ‘దేవర’ మూవీ ఎలాంటి సినిమాటిక్ ఎక్స్ పీరియన్స్ ఇస్తుందనేది ఇప్పుడు ఆసక్తికరంగా మారింది. 4DX ఎక్స్ పీరియన్స్ ని థియేటర్స్ లో ఆస్వాదించమని మేకర్స్ అఫీషియల్ గా ఒక పోస్టర్ రిలీజ్ చేశారు. ఇందులో డాల్ఫిన్ తో ఫైట్ సీక్వెన్స్ ఫోటోని హైలైట్ చేశారు.

సినిమాలో సముద్రానికి సంబంధించిన సీన్స్ గట్టిగానే ఉండబోతున్నాయి. అలాగే పడవ ప్రయాణాలు కూడా ఎక్కువే. కాబట్టి అలాంటి సీన్స్ ను మరింత ఆసక్తికరంగా ఫీల్ అయ్యే అవకాశం ఈ 4DX లో ఉంటుంది. ‘దేవర’ మూవీ కోసం అయితే ఫ్యాన్స్ వేయికళ్లతో ఎదురుచూస్తున్నారు. యంగ్ టైగర్ ఎన్టీఆర్ నుంచి ఆరేళ్ళ తర్వాత సోలోగా వస్తోన్న సినిమా కావడంతో ఎక్స్ పెక్టేషన్స్ హై ఎండ్ లో ఉన్నాయి. మరి ఆ అంచనాలను ఈ మూవీ ఏ మేరకు అందుకుంటుంది అనేది వేచి చూడాలి.