ఎన్టీఆర్‌ 'దేవర 2' కి అంత ఈజీ కాదు..!
యంగ్ టైగర్ ఎన్టీఆర్‌ హీరోగా కొరటాల శివ దర్శకత్వంలో రూపొందుతున్న 'దేవర' సినిమా షూటింగ్ స్పీడ్ గా జరుగుతోంది.
By: Tupaki Desk | 20 Nov 2023 6:00 AM GMT
యంగ్ టైగర్ ఎన్టీఆర్‌ హీరోగా కొరటాల శివ దర్శకత్వంలో రూపొందుతున్న 'దేవర' సినిమా షూటింగ్ స్పీడ్ గా జరుగుతోంది. ఇప్పటికే సినిమా ను రెండు భాగాలుగా విడుదల చేయాలని నిర్ణయించుకున్నాం అంటూ దర్శకుడు అధికారికంగా ప్రకటించాడు. దేవర 1 ను వచ్చే సమ్మర్ లో ప్రేక్షకుల ముందుకు తీసుకు రాబోతున్నారు.
ఇక దేవర 2 ను వెంటనే అంటే 2025 లో విడుదల చేస్తారని ఫ్యాన్స్ భావిస్తున్నారు. కానీ అది సాధ్యం అయ్యేలా కనిపించడం లేదు. చిత్ర యూనిట్‌ సభ్యులు మరియు ఇండస్ట్రీ వర్గాల ద్వారా అందుతున్న సమాచారం ప్రకారం డిసెంబర్‌ లేదా జనవరి వరకు దేవర 1 షూటింగ్ పూర్తి అవ్వబోతుంది. దేవర 2 కి సంబంధించి ఎలాంటి షూటింగ్ జరగలేదు.
దేవర 2 షూటింగ్ ప్రారంభం అవ్వాలి అంటే ఇప్పటికే ఎన్టీఆర్‌ కమిట్ అయిన వార్ 2 మరియు ప్రశాంత్ నీల్ సినిమాలను పూర్తి చేయాల్సి ఉంటుందట. వార్ 2 షూటింగ్ లో అతి త్వరలోనే ఎన్టీఆర్‌ పాల్గొంటాడు. ఇక ప్రశాంత్ నీల్ సినిమాను వచ్చే ఏడాది సమ్మర్ లేదా ఆ తర్వాత ప్రారంభించాలని నిర్ణయించారు.
సలార్‌ సినిమా తర్వాత వెంటనే ప్రశాంత్ నీల్ తన కొత్త సినిమాను ఎన్టీఆర్‌ తో మొదలు పెట్టాలని భావిస్తున్నాడట. అదే కనుక నిజం అయితే వార్ 2 మరియు ప్రశాంత్ నీల్ సినిమాలు ముగించిన తర్వాత మాత్రమే దేవర 2 సినిమా కు డేట్లు ఇవ్వడం సాధ్యం. అంటే 2025 వరకు దేవర షూటింగ్ కోసం కొరటాల వెయిట్‌ చేయాల్సి రావచ్చు.
దేవర 1 సూపర్ డూపర్‌ హిట్ అయితే ఎన్టీఆర్‌ ప్లాన్ లో ఏమైనా మార్పు ఉండవచ్చు. ఒక వేళ దేవర 1 ఫలితం తారుమారు అయితే పరిస్థితి ఏంటి.. అసలు రెండో పార్ట్‌ ను కొరటాల చేసేంత సాహసం చేస్తాడా.. ఎన్టీఆర్‌ ఆలోచన ఏంటో అంటూ అంతా ఆసక్తిగా చర్చించుకుంటున్నారు. మొత్తానికి దేవర 2 సినిమా అంత ఈజీగా వచ్చే పరిస్థితి అయితే కనిపించడం లేదు.
