దేవర: అనిరుధ్ బయ్యా ఇలా షాక్స్ ఇవ్వవు కదా?

ఆర్ఆర్ఆర్ తర్వాత ఎన్టీఆర్ నుంచి వస్తున్న సినిమా దేవర. ఆయన 30వ సినిమాగా ఈ సినిమా వస్తోంది. ఆయన పుట్టిన రోజు సందర్భంగా టైటిల, ఫస్ట్ లుక్ ప్రకటించారు. కొరటాల శివ దర్శకత్వం వహిస్తున్న ఈ సినిమాలో ఆయన డ్యూయల్ రోల్ లో కనిపించే అవకాశం ఉందని కూడా తెలుస్తోంది. కాగా, ఈ మూవీపై ఎన్టీఆర్ ఫ్యాన్స్ ఎన్నో ఆశలు పెట్టుకున్నారు.

కాగా, ఈ సినిమా కి అనిరుధ్ సంగీతం అందిస్తున్నాడనే విషయం కూడా మనకు తెలిసిందే. అయితే, ఇప్పటి వరకు ఈ మూవీ నుంచి ఒక్క సాంగ్ కూడా రిలీజ్ కాలేదు. ఎప్పుడెప్పుడు రిలీజ్ చేస్తారా అని ఫ్యాన్స్ ఆశగా ఎదురుచూస్తున్నారు. అయితే, ఈ మూవీ మ్యూజిక్ విషయంలో ఫ్యాన్స్ లో కంగారు మొదలైంది.

ప్రస్తుతం మ్యూజిక్ డైరెక్టర్ అనిరుధ్ చాలా సినిమాలకు మ్యూజిక్ అందిస్తున్నాడు. తమిళంలోని స్టార్ హీరోలదరికీ ఆయనే సంగీతం అందిస్తున్నాడు. అయితే, ఇప్పటి వరకు జైలర్, లియో, జవాన్ మూడింటి నుంచి ఫస్ట్ సింగిల్స్ విడుదలయ్యాయి. కానీ, వాటి మ్యూజిక్ పెద్దగా ఆకట్టుకోలేకపోయాయి. కేవలం జైలర్ లోని కావాలయ్య పాట మాత్రమే క్లిక్ అయ్యింది. అది తప్ప మరేపాట హైలెట్ కాలేదు.

ఈ క్రమంలో దేవర మ్యూజిక్ విషయంలోనూ కంగారు మొదలైంది. ఈ పాటలు కూడా ఇతర సినిమాల్లోలాగా ప్లాప్ అయిపోతాయేమో, అదే జరిగితే, మూవీకి మ్యూజిక్ మైనస్ అయ్యే ప్రమాదం లేకపోలేదు. ఒక సినిమా క్లిక్ కావడానికి మ్యూజిక్ హిట్ అవ్వడం కూడా చాలా అవసరం. లియో, జవాన్ పాటలు విన్న తర్వాత దేవర మ్యూజిక్ కూడా ఇలానే చేయడు కదా అనే కంగారు ఫ్యాన్స్ లో మొదలైంది.

మరి, ఫ్యాన్స్ కంగారుపడినట్లే క్లిక్ అవ్వని మ్యూజిక్ ఇచ్చి సినిమాకి దెబ్బేస్తాడా లేక, ఫ్యాన్స్ ఆనందించే మ్యూజిక్ అందిస్తాడో చూడాలి. మొత్తం అనిరుధ్ భయ్యా చేతుల్లోనే ఉంది. అసలే, కొరటాల శివ ఆచార్య మూవీతో డీలా పడిపోయి ఉన్నాడు. ఆయనతో మూవీ అనగానే చాలా మంది ఫ్యాన్స్ భయపడ్డారు. ఆ భయానికి తగ్గట్లు, మ్యూజిక్ కూడా బాగోకపోతే సినిమా ఏమైపోతుందా అనే కంగారు మొదలైంది. మరి ఏం చేస్తారో తెలియాలంటే, కొంతకాలం ఎదురుచూడాల్సిందే.