11 రోజుల్లో దేవర సెంచరీ...!
తక్కువ సమయంలోనే 50 మిలియన్ ల వ్యూస్ ను, 75 మిలియన్ ల వ్యూస్ ను సొంతం చేసుకున్న దేవర సెకండ్‌ సింగిల్‌ 11 రోజులు కూడా పూర్తి అవ్వకుండానే ఏకంగా 100 మిలియన్ ల వ్యూస్ ను సొంతం చేసుకుంది.
By: Tupaki Desk | 17 Aug 2024 5:27 AM GMT
ఎన్టీఆర్‌, జాన్వీ కపూర్‌ జంటగా కొరటాల శివ దర్శకత్వంలో రూపొందుతున్న ప్రతిష్టాత్మక 'దేవర' మూవీ నుంచి 11 రోజుల క్రితం సెకండ్‌ సింగల్‌ ప్రేక్షకుల ముందుకు వచ్చింది. మొదటి పాటకు మాస్ ఆడియన్స్ నుంచి వచ్చిన స్పందన గురించి ప్రత్యేకంగా చెప్పనక్కర్లేదు. ఆ పాటకు ఎన్టీఆర్‌ అభిమానులు ఉర్రూతలూగి పోయారు. ఇప్పుడు చుట్టమల్లె అంటూ వచ్చిన పాటకి మంచి స్పందన వస్తోంది. ఇప్పటికే యూట్యూబ్‌ లో ఈ పాట రికార్డ్‌ స్థాయి వ్యూస్ దక్కాయి. భారీ ఎత్తున వస్తున్న వ్యూస్ తో దేవర సరికొత్త రికార్డులను సృష్టించబోతుంది.
తక్కువ సమయంలోనే 50 మిలియన్ ల వ్యూస్ ను, 75 మిలియన్ ల వ్యూస్ ను సొంతం చేసుకున్న దేవర సెకండ్‌ సింగిల్‌ 11 రోజులు కూడా పూర్తి అవ్వకుండానే ఏకంగా 100 మిలియన్ ల వ్యూస్ ను సొంతం చేసుకుంది. సాధారణంగా హిందీ మ్యూజిక్ ఆల్బమ్స్ లేదా బాలీవుడ్‌ సినిమా పాటలు ఇలా భారీ వ్యూస్ ను సొంతం చేసుకోవడం జరుగుతుంది. సౌత్‌ సినిమా పాటలు ఇంత స్పీడ్ గా వంద మిలియన్ ల వ్యూస్ ను సొంతం చేసుకోవడం చాలా అరుదుగా చూస్తూ ఉంటాం. ఇప్పుడు దేవర సినిమా పాట అంతకు మించి అంటూ దక్కించుకుంటున్న వ్యూస్ ఆశ్చర్యాన్ని కలిగిస్తోంది.
ఈ మధ్య కాలంలో సినిమాలు విడుదల అయిన తర్వాత పాటలకు మంచి క్రేజ్ క్రియేట్‌ అయ్యి ఎక్కువ వ్యూస్ వస్తున్నాయి. కానీ దేవర సాంగ్స్ కి మాత్రం విడుదలకు ముందే ఓ రేంజ్ లో ఆధరణ లభిస్తుంది. చుట్టమల్లె పాటకు దక్కిన స్పందన చూస్తూ ఉంటే సినిమా కచ్చితంగా భారీ విజయాన్ని సొంతం చేసుకుంటుందనే నమ్మకం కలుగుతుందని ఎన్టీఆర్‌ ఫ్యాన్స్ కామెంట్స్ చేస్తున్నారు. ఎన్టీఆర్‌ గతంలో చేసిన సినిమాలన్ని రికార్డులను ఈ సినిమా బ్రేక్ చేసే విధంగా ఓపెనింగ్‌ కలెక్షన్స్ ఉంటాయని ఫ్యాన్స్ చాలా నమ్మకంతో కనిపిస్తున్నారు.
అనిరుధ్ అందించిన ఈ పాట మ్యూజిక్ విషయంలో మొదట ట్రోల్స్ వచ్చినా వాటన్నింటిని దాటుకుని, ఆ ట్రోల్స్ వల్ల మరింతగా వ్యూస్ ను రాబట్టుకుంటూ దూసుకు పోతుంది. యూట్యూబ్‌ లో అత్యధిక వ్యూస్ ను రాబట్టడంతో పాటు, లైక్స్ మరియు షేర్స్ ను కూడా ఈ పాట దక్కించుకోబోతుంది. కేవలం యూట్యూబ్‌ లోనే కాకుండా పలు పాటల స్ట్రీమింగ్‌ ప్లాట్‌ఫామ్స్ పై కూడా ఈ పాటలు సందడి చేస్తున్నాయి. ఎన్టీఆర్‌ ఆర్ఆర్‌ఆర్ తర్వాత చేస్తున్న సినిమా ఇదే అవ్వడంతో ఆ స్థాయిలో ఉంటుందనే నమ్మకం వ్యక్తం అవుతోంది. కొరటాల శివ చాలా సమయం తీసుకుని ఈ సినిమాను చేస్తున్నాడు. సెప్టెంబర్ 27న ఈ సినిమాను ప్రపంచ వ్యాప్తంగా భారీ ఎత్తున విడుదల చేయబోతున్నారు.
