ఎన్టీఆర్ 'దేవర' కి ఎలక్షన్ ముప్పు?

యంగ్ టైగర్ ఎన్టీఆర్ హీరోగా నటిస్తున్న తాజా చిత్రం 'దేవర'. డైరెక్టర్ కొరటాల శివ దర్శకత్వంలో తెరకెక్కుతున్న ఈ సినిమాపై ఎలాంటి అంచనాలు ఉన్నాయో ప్రత్యేకంగా చెప్పనక్కర్లేదు. గతంలో వీరిద్దరి కాంబినేషన్లో వచ్చిన 'జనతా గ్యారేజ్' మంచి కమర్షియల్ సక్సెస్ అందుకోవడంతో దేవర కోసం తారక్ ఫ్యాన్స్ ఎంతో ఆసక్తి ఎదురు చూస్తున్నారు. ఆచార్య మూవీతో కెరియర్లో మొదటిసారి డిజాస్టర్ అందుకున్న కొరటాల శివ దేవర మూవీతో గట్టి కం బ్యాక్ ఇవ్వాలని చూస్తున్నాడు.

అందుకే ఈ సినిమాని భారీ బడ్జెట్ తో గ్రాండ్ స్కేల్లో రెండు భాగాలుగా తెరకెక్కిస్తున్నాడు. సముద్రం బ్యాక్ డ్రాప్ లో హై వోల్టేజ్ యాక్షన్ రివేంజ్ డ్రామాగా రూపొందుతున్న ఈ సినిమా నుంచి రీసెంట్గా రిలీజ్ అయిన గ్లింప్స్ వీడియో ఎలాంటి సెన్సేషన్ క్రియేట్ చేసిందో తెలిసిందే. ఈ గ్లింప్స్ కాస్త సినిమాపై అంచనాలను తార స్థాయికి తీసుకెళ్ళింది.

రెండు భాగాలుగా తెరకెక్కుతున్న 'దేవర పార్ట్-1' సమ్మర్ కానుకగా ఏప్రిల్ 5న గ్రాండ్ గా రిలీజ్ చేస్తున్నట్లు మూవీ టీమ్ సినిమాని అనౌన్స్ చేసినప్పుడే ప్రకటించారు. ఇప్పటికే సినిమా 85 శాతానికి పైగా చిత్రీకరణ పూర్తి చేసుకుంది. కచ్చితంగా అనుకున్న సమయానికి సినిమా రిలీజ్ చేసేలా మూవీ టీం మిగతా షూటింగ్ పూర్తి చేసే పనిలో పడింది. ఇలాంటి తరుణంలో ఏపీ ఎలక్షన్స్ కారణంగా దేవర రిలీజ్ ని పోస్ట్ పోన్ చేసే అవకాశాలు ఉన్నట్లు లేటెస్ట్ ఫిలిం సర్కిల్స్ లో ఓ న్యూస్ వినిపిస్తోంది.

ఎలక్షన్ టైం లో సినిమా రిలీజ్ చేస్తే అధికాస్త సినిమా కలెక్షన్స్ పై ప్రభావం పడే అవకాశం ఉంది. ఒకవేళ దేవర రిలీజ్ టైం లో ఏపీ ఎలక్షన్స్ ఉంటే సినిమాని పోస్ట్ పోన్ చేయడం గ్యారెంటీగా కనిపిస్తోంది. దేవర పోస్ట్ పోన్ అయితే అదే డేట్ అంటే ఏప్రిల్ 5న విజయ్ దేవరకొండ 'ఫ్యామిలీ స్టార్' ని దానికంటే ఓ వారం ముందు సిద్దు జొన్నలడ్డ 'టిల్లు స్క్వేర్' మార్చి 30న రిలీజ్ అయ్యే అవకాశాలు ఉన్నట్లు విశ్వసనీయ వర్గాల సమాచారం.

నిజానికి 'టిల్లు స్క్వేర్' ఫిబ్రవరి 9నే రిలీజ్ కావాలి. కానీ ఆ డేట్ కి రవితేజ 'ఈగల్' సినిమా రాబోతోంది. అందుకే దేవర రిలీజ్ పోస్ట్ పోన్ అయితే మార్చి 30న సినిమాని రిలీజ్ చేసేందుకు సన్నాహాలు చేస్తున్నారు. అంటే ఫ్యామిలీ స్టార్, టిల్లు స్క్వేర్.. ఈ రెండు సినిమాల రిలీజ్ లు 'దేవర' మూవీపైనే డిపెండ్ అయి ఉన్నాయి.