దేవర ఫియర్ సాంగ్.. ఎలా ఉందంటే..

టాలీవుడ్ యంగ్ టైగర్ జూనియర్ ఎన్టీఆర్ ను సిల్వర్ స్క్రీన్ పై చూసి రెండేళ్లు దాటిపోయింది. దీంతో ఆయన అప్ కమింగ్ మూవీ దేవర కోసం ఫ్యాన్స్ ఎంతగానో ఎదురుచూస్తున్నారు. ఎప్పుడు దసరా వస్తుందా అని వెయిట్ చేస్తున్నారు. మ్యాన్ ఆఫ్ మాసెస్ యాక్షన్ ను స్క్రీన్ పై చూసేందుకు ఇప్పటి నుంచే సిద్ధమవుతున్నారు. కొరటాల శివ తెరకెక్కిస్తున్న దేవర మూవీ ఫస్ట్ పార్ట్.. అక్టోబర్ 10వ తేదీన రిలీజ్ అవ్వనున్న విషయం తెలిసిందే.

ఈ మూవీ నుంచి ఇప్పటికే రిలీజైన గ్లింప్స్ ఓ రేంజ్ లో రెస్పాన్స్ దక్కించుకుంది. సినిమాపై భారీ అంచనాలు క్రియేట్ చేసింది. ప్రస్తుతం ఈ మూవీ షూటింగ్ శరవేగంగా జరుగుతోంది. అయితే రేపు(మే 20) జూనియర్ ఎన్టీఆర్ బర్త్ డే సందర్భంగా స్పెషల్ ట్రీట్ ఇవ్వనున్నట్లు మేకర్స్ ఇప్పటికే ప్రకటించారు. సినిమా నుంచి ఫస్ట్ సింగిల్ ఫియర్ సాంగ్ ను విడుదల చేస్తున్నట్లు తెలిపారు. రీసెంట్ గా ప్రోమో కూడా రిలీజ్ చేశారు.

దీంతో ఫియర్ సాంగ్ పై విపరీతమైన అంచనాలు క్రియేట్ అయ్యాయి. ఇక మేకర్స్ చెప్పినట్లే ఆదివారం సాయంత్రం దేవర ముంగిట నువ్వెంత అంటూ సాగుతున్న లిరికల్ సాంగ్ ను విడుదల చేశారు. ఇప్పటికే మేకర్స్ చెప్పినట్లు సాంగ్ అదిరిపోయింది. ప్రతి లైన్ కూడా గూస్ బంప్స్ తెప్పిస్తోంది. అనిరుధ్ మ్యూజిక్ అందించడంతోపాటు ఆలపించి అదరగొట్టేశారు. రామజోగయ్య శాస్త్రి లిరిక్స్ వేరే లెవల్ లో ఉన్నాయి. నల్ల రంగు లుంగీ, నల్ల షర్టులో ఎన్టీఆర్ ఓ రేంజ్ లో ఉన్నారు. మొత్తానికి సాంగ్ అంతా యాక్షన్ సీన్స్ తో అదిరిపోయింది. అనిరుధ్ కూడా స్పెషల్ అట్రాక్షన్ గా నిలిచారు.

ఈ పాటను తెలుగులో రామజోగయ్య శాస్త్రి ,తమిళంలో విష్ణు ఏడవన్, హిందీలో మనోజ్ ముంతాషిర్, కన్నడలో ఆజాద్ వరదరాజ్,మలయాళంలో ఎం.గోపాలకృష్ణన్ రాసినట్లు ఇప్పటికే మేకర్స్ అనౌన్స్ చేశారు. ఎన్టీఆర్ బర్త్ డే వేళ.. ఫ్యాన్స్ కు అదిరిపోయే ట్రీట్ ఇచ్చారు మేకర్స్. మ్యూజిక్ మాత్రం నెక్స్ట్ లెవల్ అంతే! అని అభిమానులు కామెంట్లు పెడుతున్నారు. ఎన్టీఆర్ అభిమానులకు పూనకాలే అని నెటిజన్లు చెబుతున్నారు.

దేవర సినిమాలో బాలీవుడ్ నటుడు సైఫ్ అలీ ఖాన్ విలన్ గా నటిస్తున్నారు. ఎన్టీఆర్ సరసన బీటౌన్ బ్యూటీ జాన్వీ కపూర్ హీరోయిన్ గా యాక్ట్ చేస్తున్నారు. ఎన్టీఆర్ సోదరుడు, హీరో నందమూరి కళ్యాణ్ రామ్ సమర్పకుడిగా వ్యవహరిస్తున్నారు.. ఎన్టీఆర్ ఆర్ట్స్, యువ సుధ ఆర్ట్స్ బ్యానర్లపై కొరటాల శివ సన్నిహితుడు మిక్కిలినేని సుధాకర్, కళ్యాణ్ రామ్ బావమరిది హరికృష్ణ నిర్మిస్తున్నారు. మరి ఈ సినిమా ఎలాంటి హిట్ అవుతుందో చూడాలి.