ఓన్లీ హగ్స్ నో కిస్సెస్.. ఖుషిని వాటితో సరిపెట్టారా..!

విజయ్ దేవరకొండ సమంత ఇద్దరు కలిసి ఓ సినిమా అనగానే ఆడియన్స్ లో ఒక రకమైన క్యూరియాసిటీ పెరిగింది. మహానటిలో వారిద్దరి జోడీ ఉన్న కొద్దిసేపైనా అలరించింది అది చూసే డైరెక్టర్ శివ నిర్వాణ విజయ్ సమంతలతో ఖుషి తెరకెక్కించాడు. ఈ సినిమాను మైత్రి మూవీ మేకర్స్ ఎక్కడ కాంప్రమైజ్ కాకుండా రూపొందించారు. సినిమా ట్రైలర్, సాంగ్స్ లో ఆ విజువల్స్ చూస్తేనే ఆ విషయం అర్థమవుతుంది.

శివ నిర్వాణ ఒక సెన్సిబుల్ డైరెక్టర్ అతను తీసిన నిను కోరి, మజిలీ, టక్ జగదీష్ సినిమాలు చూస్తే మొత్తం ఫ్యామిలీ అంతా కలిసి చూసేలా ఉంటాయి. అంతేకాదు సినిమాలో ఎమోషన్స్ కూడా ఎంచుకున్న కథను బట్టి తీసుకెళ్తాడు. శివ తీసిన 3 సినిమాల్లో అది పర్ఫెక్ట్ గా అర్థమవుతుంది. కానీ విజయ్ తో సినిమా అంటే అతని ఫ్యాన్స్ కొన్ని సీన్స్ ఆశిస్తారు. ముఖ్యంగా విజయ్ సినిమా అంటే హీరోయిన్ తో లిప్ లాక్ సీన్స్ కచ్చితంగా ఉంటుందని ఫిక్స్ అయ్యారు. అర్జున్ రెడ్డి నుంచి విజయ్ మీద అలాంటి ఇమేజ్ ఏర్పడింది.

తాను ఎంచుకున్న కథల ప్రకారం ఇప్పటివరకు విజయ్ ప్రతి సినిమాలో లిప్ లాక్ చేస్తూనే వచ్చాడు. కానీ ఖుషి సినిమా శివ నిర్వాణ డైరక్షన్ లో వస్తుంది. ఇక్కడ విజయ్ ఇమేజ్ కన్నా దర్శకుడి కథ కథనాల మీద ఎక్కువ ప్రాముఖ్యత ఇచ్చారట. అందుకే ఖుషి సినిమాలో విజయ్ సమంతల మధ్య లిప్ లాక్ సీన్స్ లేవని కేవలం కౌగిలించుకునే సీన్స్ వరకే ఉన్నాయని అంటున్నారు. కానీ విజయ్ ఫ్యాన్స్ అలా చేస్తే ఒప్పుకుంటారా లేదా అన్న డౌట్ మాత్రం ఉంది.

విప్లవ్, ఆరాధ్యల ప్రేమ పెళ్లి తర్వాత వారి మధ్య వచ్చే గొడవలు ఎమోషన్స్ తో సినిమా కథ ఉంటుందని తెలుస్తుంది. సినిమాకు హేషం మ్యూజిక్ కూడా ప్రధాన బలంగా మారుతుందని అంటున్నారు. డియర్ కామ్రేడ్ నుంచి వరుసగా ఫ్లాపులు అందుకుంటున్న విజయ్ దేవరకొండ ఖుషితో హిట్ కొట్టాలని చూస్తున్నాడు. విజయ్ తో పాటుగా సమంత శివ నిర్వాణ కూడా ఈ సినిమా హిట్ కోసం బాగా కష్టపడ్డారని తెలుస్తుంది. సెప్టెంబర్ 1న రిలీజ్ అవుతున్న ఖుషి సినిమా పాన్ ఇండియా వైడ్ విజయ్ స్టామినా చూపిస్తుందా లేదా అన్నది చూడాలి. సెప్టెంబర్ 7న షారుఖ్ జవాన్ వస్తుండగా వారం ముందు వస్తున్న ఖుషి విజయ్ కెరీర్ కి బూస్టింగ్ ఇస్తుందా లేదా అన్నది సినిమా రిజల్ట్ వచ్చాక తెలుస్తుంది.