దేవరలో మొత్తం నాలుగు.. ఆ రెండు కూడా అదిరిపోయేలా..

యంగ్ టైగర్ ఎన్టీఆర్ హీరోగా పాన్ ఇండియా రేంజ్ లో సెప్టెంబర్ 27న వరల్డ్ వైల్డ్ గా రిలీజ్ కాబోతున్న చిత్రం దేవర. హైవోల్టేజ్ యాక్షన్ ప్యాక్డ్ కథాంశంతో ఈ చిత్రాన్ని కొరటాల శివ సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. ఈ మూవీలో జాన్వీ కపూర్ హీరోయిన్ గా నటిస్తోంది. ఆర్ఆర్ఆర్ లాంటి బ్లాక్ బస్టర్ తర్వాత ఎన్టీఆర్ నుంచి రాబోతున్న సినిమా కావడంతో మూవీపైన ఎక్స్ పెక్టేషన్స్ హెవీగానే ఉన్నాయి. భారీ బడ్జెట్ తో యువసుధా ఆర్ట్స్, ఎన్టీఆర్ ఆర్ట్స్ సంయుక్తంగా దేవర చిత్రాన్ని నిర్మిస్తున్నాయి.

ఇదిలా ఉంటే ఈ సినిమా నుంచి ఇప్పటికే రెండు సాంగ్స్ ప్రేక్షకుల ముందుకొచ్చాయి. అనిరుద్ రవిచందర్ దేవర సినిమాకి మ్యూజిక్ అందించారు. దేవర మూవీ నుంచి మొదటి సింగిల్ గా ఫియర్ సాంగ్ ని రిలీజ్ చేశారు. ఎన్టీఆర్ క్యారెక్టర్ ఎలివేషన్ గా ఈ సాంగ్ ఉంటుంది. హైవోల్టేజ్ లో సాంగ్ ని అనిరుద్ కంపోజ్ చేయడంతో పాటు పాడాడు. ఓవరాల్ గా సాంగ్ కి సూపర్ రెస్పాన్స్ వచ్చింది. ఇప్పటి వరకు 75 మిలియన్ వ్యూవ్స్ ని ఫియర్ సాంగ్ సాధించింది.

ఇక మూవీ నుంచి సెకండ్ సింగిల్ గా ఎన్టీఆర్, జాన్వీ కపూర్ పైన చిత్రీకరించిన రొమాంటిక్ సాంగ్ చుట్టమల్లే రిలీజ్ అయ్యింది. ఈ పాటకి అద్భుతమైన రెస్పాన్స్ వచ్చింది. కాపీ సాంగ్ అంటూ ట్రోలింగ్ జరిగిన ప్రేక్షకులకి మాత్రం బాగా కనెక్ట్ అయ్యింది. సాంగ్ లో జాన్వీని చాలా అందంగా ఆవిష్కరించారు. ఈ సాంగ్ ని రామజోగయ్య శాస్త్రీ రాయగా శిల్పారావు ఆలపించారు. ఒక్క తమిళంలో తప్ప అన్ని భాషలలో చుట్టమల్లే సాంగ్ ని ఆమెనే పాడారు. ఈ సాంగ్ ఇప్పటికే 80 మిలియన్ వ్యూస్ ని క్రాస్ చేసింది.

నెక్స్ట్ దేవర నుంచి థర్డ్ సింగిల్ గా ఆయుధపూజ సాంగ్ ని ప్రేక్షకుల ముందుకి తీసుకొని రాబోతున్నారంట. ఈ సాంగ్ ని దసరా ఫెస్టివల్ బ్యాక్ డ్రాప్ లో భారీగా చిత్రీకరించినట్లు తెలుస్తోంది. జూనియర్ ఎన్టీఆర్ తో పాటు చాలా మంది డాన్సర్స్ ఈ సాంగ్ లో కనిపిస్తారంట. అలాగే జాన్వీ కపూర్ కూడా స్టెప్పులు వేయనున్నట్లు టాక్ వినిపిస్తోంది. అదిరిపోయే మాస్ ఎలివేషన్ తో ఈ సాంగ్ ఉంటుందనే టాక్ వినిపిస్తోంది.

నాలుగో సాంగ్ జాన్వీ కపూర్, జూనియర్ ఎన్టీఆర్ పైన చిత్రీకరించిన డ్యూయెట్ కమ్ డాన్స్ నెంబర్ గా ఉంటుందంట. ఇందులో తారక్ అదిరిపోయే స్టెప్పులతో అలరిస్తాడని తెలుస్తోంది. ప్రేక్షకులకి విజువల్ ఫీస్ట్ గా ఈ డాన్స్ నెంబర్ సాంగ్ ని ఉండబోతోందనే మాట వినిపిస్తోంది. అనిరుద్ రవిచందర్ అయితే దేవర సినిమాకి బెస్ట్ ఆల్బమ్ ఇవ్వబోతున్నాడని టాక్ నడుస్తోంది. మూవీ ట్రైలర్ రిలీజ్ లోపే సాంగ్స్ అన్నింటిని ప్రేక్షకుల ముందుకి తీసుకొచ్చే ఛాన్స్ ఉందంట.