దేవర… ఈ లీక్ నిజమేనా?

యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో తెరకెక్కుతోన్న పాన్ ఇండియా మూవీ దేవర. ఈ సినిమా షూటింగ్ చివరి దశకు వచ్చేసింది. ఆర్ఆర్ఆర్ తర్వాత చాలా లాంగ్ గ్యాప్ తీసుకొని తారక్ దేవర మూవీ చేస్తున్నారు. హై వోల్టేజ్ యాక్షన్ బ్యాక్ డ్రాప్ కథాంశంతో దేవర చిత్రం సిద్ధమవుతోంది. కొరటాల శివ కంప్లీట్ గా తన రెగ్యులర్ ఫార్ములాని పక్కనపెట్టి ఫిక్షనల్ స్టోరీ లైన్ తో దేవర మూవీ చేస్తున్నారు.

ఈ చిత్రాన్ని గ్రాండ్ గా ఆవిష్కరించే ప్రయత్నంలో కొరటాల ఉన్నారు. రీసెంట్ గా దేవర టైటిల్ సాంగ్ ప్రేక్షకుల ముందుకు వచ్చింది. దీనికి పాజిటివ్ రెస్పాన్స్ రావడం విశేషం. అనిరుద్ రవిచందర్ వెస్ట్రన్ స్టైల్ బీట్స్ తో ఈ సాంగ్ ని కంపోజ్ చేసి ప్రేక్షకులకి అందించారు. ఇదిలా ఉంటే ఈ సినిమా గురించి సోషల్ మీడియాలో ఇంట్రెస్టింగ్ ప్రచారం నడుస్తుంది. దేవర మూవీ స్టోరీ లీక్ అంటూ ఓ వీడియో హల్చల్ చేస్తోంది. ఈ వీడియో కారణంగా ఇంట్రస్టింగ్ టాక్ ట్రెండ్ అవుతోంది. దేవర మూవీలో తారక్ ఒక పది గ్రామాలకు కాపరిగా ఉంటాడంట.

ఆ 10 గ్రామాలను రక్షించే బాధ్యత దేవర తీసుకుంటాడంట. వారిని కాపాడటానికి వందలాది మంది మానవ రూపంలో ఉన్న రాక్షసులతో యుద్ధం చేస్తారంట. సముద్ర తీరంలో వందలాదిమంది రౌడీ మూకలతో దేవర ఒంటరిగా చేసే ఫైట్ సీక్వెన్స్ గూస్ బంప్స్ క్రియేట్ చేస్తుందని అంటున్నారు. ఇప్పటికే కొరటాలు శివ ఈ సినిమా కథ ఎలా ఉంటుందనే విషయంలో ఒక హింట్ అయితే ఇచ్చారు. దానికి తగ్గట్లుగానే ప్రస్తుతం సోషల్ మీడియాలో సినిమా కథ ఇదే అంటూ ప్రచారం నడుస్తోంది.

మరి ఈ ప్రచారంలో వాస్తవం ఎంత అనేది తెలియాల్సి ఉంది. ఇదిలా ఉంటే ఎన్టీఆర్ కెరియర్ బెస్ట్ మూవీస్ లో ఒకటిగా దేవర ఉంటుందని ఫ్యాన్స్ బలంగా నమ్ముతున్నారు. 300 కోట్ల బడ్జెట్ తో యువసుధా, ఎన్టీఆర్ ఆర్ట్స్ సంయుక్తంగా దేవర చిత్రాన్ని నిర్మిస్తున్నారు. దసరా కానుకగా ఈ చిత్రాన్ని తీసుకొని రాబోతున్నారు. బాలీవుడ్ లో కూడా తారక్ అభిమానులు దేవర మూవీ రిలీజ్ కోసం వెయిట్ చేస్తున్నారు.

అనిరుద్ నుంచి బెస్ట్ సాంగ్స్ ని ఎక్స్ పెక్ట్ చేస్తున్నారు. కొరటాల శివ ఆచార్య లాంటి డిజాస్టర్ తర్వాత దేవర మూవీ చేస్తున్నారు. అతనికి ఈ చిత్రంతో సాలిడ్ సక్సెస్ కావాలి. ఈ చిత్రంలో బాలీవుడ్ బ్యూటీ జాన్వీ కపూర్ ఎన్టీఆర్ కి జోడిగా నటిస్తోంది. సైఫ్ అలీఖాన్ ప్రతి నాయకుడిగా టాలీవుడ్ లోకి అడుగుపెడుతున్నారు.