పుష్ప 2: దేవి ఓపిక నశించిందా?

వరుస ప్రమోషనల్ ఈవెంట్స్ తో హైప్ క్రియేట్ చేస్తున్న పుష్ప 2 మేకర్స్ ఆదివారం చెన్నైలో మరో ఈవెంట్ నిర్వహించింది. ఇక ఈవెంట్ లోనే ఐటెం సాంగ్ కూడా రిలీజ్ చేశారు. ఇక జనాలు కూడా గట్టిగానే వచ్చారు. అయితే ఇందులో దేవిశ్రీ ప్రసాద్ మాట్లాడిన మాటలు ఇప్పుడు సోషల్ మీడియాలో వైరల్ గా మారాయి. ‘పుష్ప 2’ మూవీకి దేవిశ్రీ ప్రసాద్ తో పాటు తమన్, అజనీష్ లోకనాథ్, సామ్ సిఎస్ బ్యాగ్రౌండ్ మ్యూజిక్ పైన వర్క్ చేస్తున్నారు.

అయితే దేవిశ్రీ ప్రసాద్ ఎందుకనో మేకర్స్ మీద అసంతృప్తిగా ఉన్నట్లు ఆయన మాటల బట్టి అర్ధమవుతోంది. నిర్మాత యలమంచిలి రవిని ఉద్దేశించి ఆయన మాట్లాడారు. మళ్ళీ స్టేజ్ ఎక్కి ఎక్కువ సేపు మాట్లాడలేదు అని అనొద్దు. మీరేమో టైంకి పాట ఇవ్వలేదు. టైమ్ కి బ్యాగ్రౌండ్ స్కోర్ ఇవ్వలేదు. టైమ్ కి ప్రోగ్రామ్ రాలేదు అని ఎక్కువ కంప్లైంట్స్ చేస్తూ ఉన్నారు. మీకు నా మీద ప్రేమ ఉంది. ఆ ప్రేమ ఉన్నప్పుడు కంప్లైంట్స్ కూడా ఉంటాయి.

అయితే నామీద మీకు ప్రేమ కంటే కంప్లైంట్స్ ఎక్కువ ఉంటాయేంటో అర్ధం కాదు. ఇప్పుడు కూడా. బయట కెమెరాలు ఎంట్రీ అని తొందర పెడుతున్నారు. నాకు అసలే సిగ్గు. నేను స్టేజ్ మీదకి వచ్చినపుడే సిగ్గు పడుతూ ఉంటాను. స్టేజ్ బయట నేను ఎలా ఉంటానో మీకు తెలుసు. నేను రావడానికి ప్రయత్నం చేస్తున్న. వాళ్ళు నన్ను వదలడం లేదు. సాంగ్ అవుతూ ఉండగా వచ్చాను. మీరొచ్చి నాతో రాంగ్ టైమింగ్ సర్ అని అంటున్నారు. నేనేం చేయగలను సర్.

ఇవన్నీ సపరేట్ గా అడిగినపుడు పెద్ద కిక్ ఉండదు. ఇలా అడిగేయాలి అంటూ దేవిశ్రీ ప్రసాద్ స్టేజ్ పైన నిర్మాతపైన అసహనం వ్యక్తం చేసినట్లు కనిపించాడు. నిజానికి బ్యాగ్రౌండ్ స్కోర్ విషయంలోనే దేవిశ్రీ నిర్మాతలపై అసంతృప్తిగా ఉన్నాడని, దానిని ఇలా బయట పెట్టాడనే కామెంట్స్ వినిపిస్తున్నాయి. బ్యాగ్రౌండ్ స్కోర్ విషయంలో ఇతర మ్యూజిక్ డైరెక్టర్స్ కి కూడా ఛాన్స్ ఇవ్వాలనేది అల్లు అర్జున్, సుకుమార్, నిర్మాతలు కలిసి తీసుకున్న నిర్ణయం. నిర్మాతలు కూడా హీరో, డైరెక్టర్ చెప్పినట్లే చేస్తారు.

అయితే సుకుమార్, అల్లు అర్జున్ మీద ఉన్న అసహనాన్ని దేవిశ్రీ ప్రసాద్ నిర్మాత మీద చూపించారనే కామెంట్స్ ఇండస్ట్రీ వర్గాలలో వినిపిస్తున్నాయి. ఈ స్పీచ్ లోనే దేవిశ్రీ ప్రసాద్ మరో మాట కూడా అన్నారు. మనకి రావాల్సింది కచ్చితంగా అడిగి తీసుకోవాలి అది డబ్బు అయిన, క్రెడిట్ అయిన అంటూ ఇంటర్నల్ గా ఈ మూవీ వ్యవహారంలో జరుగుతున్న ఇష్యూస్ ని దేవిశ్రీ ప్రసాద్ స్టేజ్ పై ప్రస్తావించి పరోక్షంగా కౌంటర్ వేశారనే మాట వినిపిస్తోంది. మరి ఈ విషయంలో మేకర్స్ ఏ విధంగా స్పందిస్తారో చూడాలి.