'డెవిల్' డేట్ ఫిక్స్.. సలార్ తో బిగ్ ఫైట్

విభిన్నమైన కథలతో మంచి నటుడిగా తనకంటూ ఒక ప్రత్యేకమైన గుర్తింపును అందుకున్నాడు నందమూరి టాలెంటెడ్ హీరో కళ్యాణ్ రామ్. ఇక అతని నుంచి నెక్స్ట్ రాబోతున్న సినిమా డెవిల్ ది బ్రిటిష్ సీక్రెట్ ఏజెంట్ అనేది ఈ సినిమాకు ట్యాగ్ లైన్ గా ఫిక్స్ చేశారు. ఇక ఇప్పటివరకు డెవిల్ కు సంబంధించిన ప్రతి చిన్న అప్డేట్ కూడా మంచి బజ్ అయితే క్రియేట్ చేసింది.

తప్పకుండా ఈ సినిమా బాక్సాఫీస్ వద్ద మంచి సక్సెస్ గా నిలుస్తుంది అని చిత్ర యూనిట్ ఎంతో నమ్మకంతో చెబుతోంది. ఈ సినిమాలో బ్యూటిఫుల్ హీరోయిన్ సంయుక్త మేనన్ హీరోయిన్ గా నటించగా ఇప్పటివరకు విడుదలైన సాంగ్స్ కూడా పాజిటివ్ వైబ్రేషన్స్ క్రియేట్ చేశాయి. అయితే డెవిల్ విడుదల డేట్ పై చాలా రోజులుగా కొంత కన్ఫ్యూజన్ అయితే క్రియేట్ అవుతున్న విషయం తెలిసిందే.

అసలైతే డిసెంబర్ మొదటి వారం లేదా రెండవ వారం ఈ సినిమాను ప్రేక్షకుల ముందుకు తీసుకురావాలని అనుకున్నారు. కానీ కొన్ని పోస్ట్ ప్రొడక్షన్ పనులు ఆలస్యం కావడంతో సినిమాను వాయిదా వేసుకోక తప్పలేదు ఇక ఇప్పుడు మొత్తానికి సినిమా కొత్త రిలీజ్ డేట్ పై క్లారిటీ ఇచ్చేశారు. సలార్ వచ్చిన నెక్స్ట్ వారమే డెవిల్ సినిమా రాబోతోంది. అంటే డిసెంబర్ 29వ తేదీన బాక్స్ ఆఫీస్ వద్ద సందడి చేయబోతున్నట్లు అఫీషియల్ గా క్లారిటీ ఇచ్చేశారు.

ఇక సలార్ సినిమా డిసెంబర్ 22వ తేదీన విడుదల కాబోతున్న విషయం తెలిసిందే. వారం గ్యాప్ ఉన్నప్పటికీ కూడా ఒక విధంగా డెవిల్ కు ఇది పెద్ద చాలెంజ్ అని చెప్పాలి. ఆ సినిమాకు పాజిటివ్ టాక్ వస్తే తప్పకుండా రెండు వారాలకు పైగానే బాక్సాఫీస్ వద్ద సందడి గట్టిగా కనిపిస్తూ ఉంటుంది. నెగిటివ్ టాక్ వస్తే డెవిల్ కు ఎంతో కొంత కలిసి వచ్చే అవకాశం ఉంటుంది.

కానీ యావరేజ్ టాక్ వచ్చిన కూడా బాక్సాఫీస్ వద్ద ప్రభావం చూపకపోదు డెవిల్ అయితే కంటెంట్ మీద నమ్మకంతో ఇదే డేట్ ను ఫిక్స్ చేసుకుంది. ఈ సినిమాను అభిషేక్ పిక్చర్స్ పై నిర్మాత అభిషేక్ నామ తన దర్శకత్వంలోనే తెరపైకి తీసుకురాబోతున్నారు. మరి డెవిల్ సినిమా బాక్స్ ఆఫీస్ వద్ద ఎలాంటి ఫలితాన్ని అందుకుంటుందో చూడాలి.