డెవిల్ స్టన్నింగ్ 'లేడీ రోజ్'

నందమూరి కళ్యాణ్‌రామ్ తన కెరీర్ మొదటి నుండి విభిన్నమైన స్క్రిప్ట్‌లను సెలెక్ట్ చేసుకుంటూ తనకంటూ ఒక ప్రత్యేకమైన గుర్తింపు అందుకున్నాడు. బింబిసార సినిమాతో బాక్సాఫీస్ వద్ద సాలీడ్ సక్సెస్ అందుకున్న ఈ నందమూరి హీరో ఇప్పుడు అంతకుమించి ఎనర్జీ తో మరో సినిమాతో వైబ్ క్రియేట్ చేసేందుకు సిద్ధమవుతున్నాడు.

ఇక అతని నుంచి నెక్స్ట్ రాబోతున్న డిఫరెంట్ మూవీ డెవిల్: బ్రిటిష్ సీక్రెట్ ఏజెంట్. ఈ చిత్రానికి అభిషేక్ నామా నిర్మించడమే కాకుండా దర్శకత్వం బాధ్యతలు కూడా తీసుకున్నారు.

ఇక ఈ సినిమా టీజర్ ను ఇదివరకే విడుదల చేయగా మంచి హైప్ క్రియేట్ చేసింది. ఇక మొదటి సింగిల్, మ్యాజికల్ మెలోడీగా వచ్చిన విషయం తెలిసిందే. అది కూడా ఆడియెన్స్ ను బాగానే ఆకట్టుకుంది. ఇక ఇప్పుడు, మేకర్స్ రెండవ సింగిల్ "దిస్ ఈజ్ లేడీ రోజ్" లిరికల్ వీడియోను రిలీజ్ చేశారు. పోస్టర్స్ తోనే ఈ సాంగ్ పై పాజిటివ్ వైబ్ క్రియేట్ చేశారు.

ఇటీవల గ్లోబల్ హిట్ గా నిలిచిన జవాన్ థీమ్‌ను పాడిన టాప్ సింగర్ రాజకుమారి ఈ సాంగ్ ను ఆలపించారు. ఆమె మరోసారి తన గాత్రంతో మంత్రముగ్ధులను చేస్తూ పాటకు విజువల్స్ పరంగా మరింత గ్లామర్‌ని జోడించారు అని చెప్పవచ్చు. రాజా కుమారి పాడిన ఈ పాటకు హర్షవర్ధన్ రామేశ్వర్ స్వరపరచగా, శ్రీ హర్ష ఈమని సాహిత్యం అందించారు.

ఇక బాలీవుడ్ బ్యూటీ ఎల్నాజ్ నొరౌజీ మెరిసే ఈ పాటలో సిల్క్ మినీ డ్రెస్‌లో హైలెట్ గా నిలిచింది. ఆమె గ్లామరస్ బ్యూటీగా అదిరిపోయే డ్యాన్స్‌లో హైటెక్కిచింది. ఇందులో నందమూరి కళ్యాణ్‌రామ్ కూడా తన వైట్ సూట్‌లో డాపర్ అవతార్‌లో కనిపించాడు. ప్రేక్షకులను ఆకర్షించేలా రూపొందించిన ఈ లిరికల్ వీడియో చూస్తుంటే సినిమాపై ఉన్న అంచనాలను మరింత పెంచుతుంది అనిపిస్తుంది..

సంగీత దర్శకుడు హర్షవర్ధన్ రామేశ్వర్ మరోసారి తన టాలెంట్ ఏమిటో చూపించాడు. లిరికల్ వీడియోలో ఎల్నాజ్ హాట్ మూమెంట్స్ తో సాంగ్ కు సంబంధించిన మేకింగ్ షాట్‌ల విజువల్స్ హైలెట్ అయ్యాయి. ఈ పాట తప్పకుండా థియేటర్లలో కన్నుల పండువగా ఉంటుందని చిత్ర యూనిట్ చెబుతోంది. ఇక అభిషేక్ పిక్చర్స్ అద్భుతమైన నిర్మాణ విలువలతో సినిమాను ప్రేక్షకుల ముందుకు తీసుకు రాబోతోంది. ఇక సినిమా రిలీజ్ డేట్ పై చిత్ర యూనిట్ త్వరలోనే క్లారిటీ ఇవ్వనుంది.