జాతీయ అవార్డు వ‌చ్చినా డీఎస్పీ ఇంకా క‌ల‌వ‌లేదా!

69వ జాతీయ అవార్డుల్లో ఐకాన్ స్టార్ అల్లు అర్జున్ ఉత్త‌మ న‌టుడిగా..రాక్ స్టార్ దేవి శ్రీ ప్ర‌సాద్ ఉత్త‌మ సంగీత ద‌ర్శ‌కుడిగా 'పుష్ప' చిత్రానికి గానూ అవార్డులు అందుకున్న సంగ‌తి తెలిసిందే. దీంతో 'పుష్ప‌-2' సినిమా కోసం మ‌రింత శ్ర‌మించి ప‌నిచేస్తున్నారు. జాతీయ అవార్డు తెచ్చిన గుర్తింపును మ‌రింత ప్ర‌తిష్టాత్మ‌కంగా భావించి సినిమా కోసం బ‌న్నీ..దేవి..సుకుమార్ ప‌నిచేస్తున్నారు. ఈ త్ర‌యం మధ్య‌ అనుబంధం ఉంది.

స్నేహితుల్లా క‌లిసి మెలిసి ప‌నిచేస్తారు. ఇప్ప‌టివ‌కూ ఎన్నో హిట్ చిత్రాలు అందించా రు. జాతీయ అవార్డుతో ఆ బంధం మ‌రింత బ‌ల‌ప‌డింది. ఇక బ‌న్నీ-సుకుమార్ త‌మ ఆనందాన్ని ఎలా పంచుకున్నారో తెలిసిందే. బ‌న్నీ ఇంట్లో కేకులు క‌ట్ చేసి .. ఆప్యాయంగా హ‌త్తుకుని ఒక‌రిపై ఒక‌రు అభిమానం కురిపించుకున్నారు. అయితే ఈ సీన్ లో దేవి శ్రీ ప్ర‌సాద్ ఎక్క‌డా క‌నిపించ‌లేదు.

సాధార‌ణంగా ఇలాంటి అవార్డులు వ‌చ్చిన‌ప్పుడు ఆ వెంట‌నే ఒకేచోట క‌లుస్తుంటారు. కానీ దేవి శ్రీ ప్ర‌సాద్ మాత్రం ఇప్ప‌టివ‌ర‌కూ బ‌న్నీనీగానీ...సుకుమార్ ని గాని క‌లిసి త‌న సంతోషాన్ని స్వ‌యంగా పంచుకోలే దుట‌. కార‌ణం పుష్ప‌-2 ప‌నుల్లో బిజీగా ఉండ‌టం వ‌ల్లే వీలు ప‌డ‌లేద‌ని ఓ ఇంట‌ర్వ్యూలో రివీల్ చేసాడు. త‌న‌కి కూడా జాతీయ అవార్డు వ‌చ్చింద‌న్న విష‌యం బ‌న్నీ ఫోన్ లో చెప్పాడుట‌.

అప్ప‌టికి బ‌న్నీకి అవార్డు ప్ర‌క‌టించ‌లేదుట‌. ఆ త‌ర్వాత ఉత్త‌మ న‌టుడిగా త‌న‌కి అవార్డు వ‌చ్చింద‌ని చెప్పేస‌రికి త‌న ఆనందం రెట్టింపు అయింద‌ని సంతోషం వ్య‌క్తం చేసాడు. బ‌న్నీ అన్ని ర‌కాలుగా అవార్డుకి అర్హుడ‌ని అభిప్రాయ ప‌డ్డాడు. 'పుష్ప' సినిమాకి త‌గిన ఫ‌లితం గా భావిస్తున్నాను. అలాగే తాను కంపోజ్ చేసిన పాట‌లు ఎక్కువ మంది ప్రేక్ష‌కుల‌కు చేరాయ‌ని అదే త‌న‌కు పెద్ద జాతీయ అవార్డు అని అన్నారు. ఇంకా మ‌రిన్ని మంచి సినిమాలు చేయాల‌ని కోరుకుంటున్నట్లు తెలిపారు. ఇక ఈ ముగ్గురు ఒకే చోట క‌లిస్తే హ‌డావుడి మాములుగా ఉండ‌దు. రాక్ స్టార్ త‌న‌దైన హంగామాతో ర‌చ్చ షురూ.