డ్యాన్సుల్లో శ్రీ‌లీల‌ను కొట్టేస్తుంది.. క్రికెట‌ర్ భార్య టాలీవుడ్‌లో?

అన్నం ఉడికిందో లేదో చెప్పేందుకు ఒక్క మెతుకు చాలు. అలాగే డ్యాన్సుల్లో ప్ర‌తిభ ఉందో లేదో చెప్పేందుకు ఈ బ్యూటీ డ్యాన్సింగ్ వీడియో ఒక‌టి చూస్తే చాలు. ఆ బాడీలో టింజ్.. న‌రాల్లో వేడి.. స్ప్రింగు లాంటి బాడీ లాంగ్వేజ్.. స్పీడ్ వ‌గైరా అర్థ‌మైపోతాయి. న‌టి కం మోడ‌ల్ ధ‌న‌శ్రీ వ‌ర్మ గురించే ఇదంతా. ఈ బ్యూటీ రియాలిటీ షోలు, డ్యాన్స్ షోల‌లో త‌నదైన ప్ర‌తిభ‌తో దుమ్ము రేపింది.

ఇంత‌కుముందే టీమిండియా యువ‌క్రికెట‌ర్ చాహ‌ల్ ని పెళ్లాడిన సంగ‌తి తెలిసిందే. అయితే పెళ్లికి ముందు న‌టిగా, మోడ‌ల్ గా ధ‌న‌శ్రీ సుప‌రిచితురాలు. అంత‌కుమించి మంచి డ్యాన్సింగ్ ట్యాలెంట్ ఉన్న బ్యూటీగాను మెప్పు పొందింది. ఇప్పుడు ధ‌న‌శ్రీ టాలీవుడ్ లో రంగ ప్ర‌వేశం చేస్తోంద‌ని గుస‌గుస వినిపిస్తోంది. త్వ‌ర‌లో ప్రారంభం కానున్న ఓ భారీ చిత్రంలో ధ‌న‌శ్రీ న‌టిస్తోంద‌ని స‌మాచారం. ప్ర‌స్తుతం ఈ వార్త ఫిలింన‌గ‌ర్ స‌ర్కిల్స్ లో వైర‌ల్ గా మారుతోంది.

అందానికి అందం ప్ర‌తిభ ఉన్న ధ‌న‌శ్రీ డ్యాన్సులు చూస్తే మ‌తిపోకుండా ఉండ‌దు. డ్యాన్సుల్లో సాయిప‌ల్ల‌వి, శ్రీ‌లీల‌తో పోటీప‌డే స‌త్తా ఈ అమ్మ‌డికి ఉంద‌ని అంగీక‌రించాలి. అంత‌గా ఇన్ స్టాలో ధ‌న‌శ్రీ పోస్ట్ చేసిన డ్యాన్సింగ్ వీడియోలు ఆక‌ట్టుకుంటున్నాయి. స్టూడియోలో కొలీగ్స్ కి చెమ‌ట‌లు ప‌ట్టించే రేంజులో స్టెప్పులేస్తోంది ఈ బ్యూటీ. ప‌లు వాణిజ్య ప్ర‌క‌ట‌న‌ల్లోను త‌న డ్యాన్సింగ్ ట్యాలెంట్ తో అద‌ర‌గొట్టిన వీడియోలు ఇన్ స్టాలో ఉన్నాయి. ఆదిత్యా రాయ్ క‌పూర్ తో క‌లిసి `బాబు కి బేబి` పాట‌లోను ధ‌న‌శ్రీ అద్భుత నృత్యంతో అల‌రించింది.