'కుబేర' రంగంలోకి దిగేది అప్పుడేనా?

కోలీవుడ్ స్టార్ ధ‌నుష్‌, కింగ్ నాగార్జున ప్ర‌ధాన పాత్ర‌ల్లో శేఖ‌ర్ క‌మ్ములా ద‌ర్శ‌క‌త్వంలో `కుబేర` పాన్ ఇండియాలో తెర‌కెక్కుతోన్న సంగ‌తి తెలిసిందే. ఇది ముంబై బ్యాక్ డ్రాప్ మాఫియా స్టోరీ. ఇప్ప‌టికే షూటింగ్ ముగింపు ద‌శ‌కు చేరుకుంది. ప్ర‌స్తుతం చివ‌రి ద‌శ షూటింగ్ ద‌శ‌లో ఉందీ సినిమా. ప్ర‌ధాన పాత్ర ధారుల‌పై కీల‌క స‌న్నివేశాలు చిత్రీక‌రిస్తున్నారు. ఇప్ప‌టికే రిలీజ్ అయిన ఫ‌స్ట్ లుక్ పోస్ట‌ర్లకు మంచి రెస్పాన్స్ వ‌చ్చింది.

నాగార్జున‌, ధ‌నుష్ మునుపెన్న‌డు పోషించ‌ని పాత్ర‌లు పోషిస్తున్నారు. ఇరువురి ఫ‌స్ట్ లుక్ పోస్ట‌ర్లు విశేషంగా ఆక‌ట్టుకున్నాయి. అయితే ఇంత వ‌ర‌కూ రిలీజ్ తేదీపై స‌రైన క్లారిటీ రాలేదు. తాజాగా దానికి సంబంధించిన లీకులు అందుతున్నాయి. ఈ చిత్రాన్ని వ‌చ్చే ఏడాది ఫిబ్ర‌వ‌రి మూడ‌వ వారంలో రిలీజ్ చేయాల‌ని ప్లాన్ చేస్తున్నారు. అందుకు త‌గ్గట్టు పోస్ట్ ప్రొడ‌క్ష‌న్ ప‌నులు ప్లాన్ చేసుకుని మేక‌ర్స్ ముందుకెళ్తున్న‌ట్లు స‌మాచారం.

శేఖ‌ర్ క‌మ్ములా యాక్ష‌న్ థ్రిల్ల‌ర్ గా రూపొందిస్తున్నారు. ఇలాంటి జాన‌ర్లో క‌మ్ములా ఇంత‌వ‌ర‌కూ సినిమా చేయ‌లేదు. ఆయ‌న సినిమాలు ఇంత‌వ‌ర‌కూ సాప్ట్ గానే క‌నిపించాయి. హీరోలు ఫైటింగ్ లు చేయ‌డం అన్న‌ది ఏ సినిమాలో లేదు. తొలిసారి ఆయ‌న మార్క్ ని ప‌క్క‌న‌బెట్టి ద‌ర్శ‌కుడిగా కొత్త‌గా ట్రై చేస్తున్నారు. అయితే ఆ ప్ర‌య‌త్నం ఇన్నోవేటివ్ గా ఉంటుంది అన్న‌ది ప్రేక్ష‌కుల న‌మ్మ‌కం.

`లీడ‌ర్`,` ఆనంద్` లాంటి కెరీర్ ఆరంభంలో చేసిన చిత్రాల‌తోనే క‌మ్ములా అంటే మార్కెట్ లో ఓ బ్రాండ్ ప‌డి పోయింది. ఆయ‌న చేసిన సినిమాలు డిజాస్ట‌ర్ అయిన చ‌రిత్ర ఇంత వ‌ర‌కూ ఏ సినిమాకు లేదు. హిట్...యావ‌రేజ్ గా ఆడిన చిత్రాలే. ఈసారి కుబేర కోసం ఏకంగా ఇద్ద‌రి స్టార్ల‌ను రంగంలోకి దించి చేస్తున్నారు. దీంతో అంచ‌నాలు పీక్స్ లో ఉన్నాయి.