ఆ స్టార్ చిత్రం కూడా రెండు భాగాలా?

ప్ర‌స్తుతం కోలీవుడ్..టాలీవుడ్ లో రెండు భాగాలుగా చిత్రాలు రిలీజ్ అవ్వ‌డం అన్న‌ది ట్రెండ్ గా మారిన సంగ‌తి తెలిసిందే. మొద‌టి భాగం రిలీజ్ కంటే ముందే రెండ‌వ భాగం ఉందంటూ ధైర్యంగా ప్ర‌క‌టి స్తున్నారు. స్టోరీ స్పాన్ ని బ‌ట్టి అలాంటి ప్ర‌క‌ట‌న ఇవ్వాల్సి వ‌స్తోంది. హిట్ అయిన వాళ్లు రెండ‌వ భాగం తీస్తున్నారు. కానీ వాళ్లు కొత్త క‌థ‌ల‌తో ముందుకొస్తున్నారు. ఇక్క‌డ పోయేదేమి లేదు.

తాజాగా ధ‌నుష్ క‌థానాయుకుడిగా న‌టిస్తోన్న `కెప్టెన్ మిల్ల‌ర్` కూడా రెండు భాగాలుగా ప్రేక్ష‌కుల ముందుకు తీసుకొస్తున్న‌ట్లు ప్ర‌క‌టించారు. అరుణ్ మాథేశ్వ‌ర‌న్ ఈ చిత్రాన్ని తెర‌కెక్కిస్తున్నారు. 1980 కాలం నాటి క‌థ‌ల నేప‌థ్యంలో భారీ యాక్ష‌న్ అడ్వెంచ‌ర్ గా ఈ చిత్రాన్ని రూపొందిస్తున్నారు. ఇప్ప‌టికే రిలీజ్ అయిన ప్ర‌చార చిత్రాలు అంత‌కంత‌కు అంచ‌నాలు పెంచేస్తున్నాయి. సినిమాలో స‌మ్ థింగ్ ఉందంటూ నెటి జ‌నులు కామెంట్లు పోస్ట్ చేస్తున్నారు.

ఇంత‌లో రెండ‌వ భాగం ప్ర‌క‌ట‌న తొలి భాగానికి మంచి బ‌జ్ తీసుకొ స్తుంది. ధ‌నుష్ సినిమా రెండు భాగాలుగా రిలీజ్ అవ్వ‌డం అన్న‌ది ఇదే తొలిసారి. ఇంత‌వ‌ర‌కూ ఆయ‌న ఇలాంటి సాహ‌సం చేయ‌లేదు. అయితే రెండ‌వ భాగంలో న‌టీన‌టులు మొద‌టి భాగంలో ఉన్న వారు ఉంటారా? లేక కొన్ని కీల‌క పాత్ర‌ల్ని మాత్ర‌మే తీసుకుని కొత్త వాళ్ల‌ని తీసుకుంటారా? అన్న‌ది ఆస‌క్తిక‌రంగా మారింది. ఈ చిత్రాన్ని భారీ బ‌డ్జెట్ తో నిర్మిస్తున్నారు.

కెప్టెన్ మిల్లర్ మొద‌టి భాగంలో కన్నడ స్టార్ శివరాజ్ కుమార్ ప్రధాన పాత్ర చేస్తున్నారు. అలాగే టాలీవుడ్ నటుడు సందీప్ కిషన్ మ‌రో కీ రోల్ పోషిస్తున్నారు. ప్రియాంక అరుల్ మోహన్.. అదితి బాలన్.. జాన్ కొక్కెన్.. ఎడ్వర్డ్ సొన్నెన్‍బ్లిక్.. నివేదిక సతీశ్ ఇత‌ర కీలకపాత్రలు పోషిస్తున్నారు. అన్ని ప‌నులు పూర్తిచేసి మొద‌టి భాగాన్ని డిసెంబ‌ర్ 15న రిలీజ్ చేస్తున్నారు.