మరోటి లైన్‌ లో పెట్టిన స్టార్‌ హీరో

సౌత్ ఇండియన్‌ సినిమా పరిశ్రమలో అత్యంత వేగంగా సినిమాలు చేసే హీరోల జాబితాలో ముందు ఉంటాడు ధనుష్‌. తక్కువ సమయంలోనే తన 50వ సినిమా చేస్తున్నాడు. స్వీయ దర్శకత్వంలో ధనుష్ తన 50వ సినిమాను రాయన్‌ గా ప్రేక్షకుల ముందుకు తీసుకు వచ్చేందుకు రెడీ చేస్తున్నాడు.

ధనుష్ 50వ సినిమా రాయన్ ను జులై 26న ప్రపంచ వ్యాప్తంగా విడుదల చేయబోతున్నారు. పాన్‌ ఇండియా మూవీగా రూపొందిన రాయన్‌ లో ధనుష్ ని కొత్తగా చూడబోతున్నారని తమిళ మీడియా వర్గాల వారు మాట్లాడుకుంటున్నారు. తాజాగా ధనుష్ కొత్త సినిమాకు కమిట్ అయ్యాడు.

ఇప్పటికే తెలుగు దర్శకుడు శేఖర్‌ కమ్ముల దర్శకత్వంలో కుబేరా అనే సినిమా ను చేస్తున్న విషయం తెల్సిందే. నాగార్జున కీలక పాత్రలో కనిపించబోతున్న ఆ సినిమా పై అంచనాలు భారీగా ఉన్నాయి. ఆ సినిమా షూటింగ్‌ దశలో ఉండగానే విఘ్నేష్‌ రాజా దర్శకత్వంలో ధనుష్ సినిమా చేసేందుకు కమిట్‌ అయ్యాడని వార్తలు వస్తున్నాయి.

గత ఏడాది పోర్‌ థోజిల్‌ అనే సినిమాతో ప్రేక్షకుల ముందుకు వచ్చిన దర్శకుడు విఘ్నేష్‌ రాజా విమర్శకుల ప్రశంసలు దక్కించుకున్నాడు. విభిన్నమైన సినిమాలను తెరకెక్కించే సత్తా తనకు ఉందని ఆ సినిమాతో నిరూపించుకున్న విఘ్నేష్‌ తో ధనుష్ సినిమాకు రెడీ అవుతున్నాడు.

బ్లాక్‌ బస్టర్‌ పోర్‌ థోజిల్‌ సినిమా తర్వాత విఘ్నేష్ రాజా దర్శకత్వంలో నటించేందుకు చాలా మంది యంగ్‌ స్టార్‌ హీరోలు ఆసక్తి చూపించారు. కానీ ఆయన మాత్రం మంచి కథను రెడీ చేసుకుని ధనుష్ తో సినిమాకు రెడీ అయ్యాడు. ఈ ఏడాదిలోనే వీరి కాంబో మూవీ పట్టాలెక్కే అవకాశాలు ఉన్నాయి.