ధోని నుండి నితిన్ కి సర్ ప్రైజ్ గిఫ్ట్!

లవర్ బాయ్ నితిన్ ప్రస్తుతం తన 'ఎక్స్ ట్రా ఆర్డినరీ' సినిమా ప్రమోషన్స్ తో ఫుల్ బిజీగా ఉన్నాడు. వక్కంతం వంశీ డైరెక్ట్ చేసిన ఈ మూవీ డిసెంబర్ 8న ప్రేక్షకుల ముందుకు రాబోతోంది. రిలీజ్ దగ్గర పడటంతో మూవీ టీం ప్రమోషన్స్ వేగవంతం చేసింది. ఈ క్రమంలోనే నితిన్ వరుస ఇంటర్వ్యూ లతో బిజీ అవుతున్నాడు. ఇలాంటి తరుణంలో నితిన్ కి ఓ సర్ప్రైజ్ గిఫ్ట్ వచ్చింది. అది కూడా టీమిండియా మాజీ కెప్టెన్ మహేంద్రసింగ్ ధోని నుంచి రావడం విశేషం.

ఇదే విషయాన్ని నితిన్ స్వయంగా తన సోషల్ మీడియా వేదికగా వెల్లడించారు. తాజాగా నితిన్ తన ట్విట్టర్ లో ఓ ఫోటో షేర్ చేశాడు. ఆ ఫోటోలో ధోని ఆటోగ్రాఫ్ తో ఉన్న టీ షర్ట్ ని పట్టుకొని స్మైల్ ఇస్తూ కనిపించాడు. అందులో బెస్ట్ విషెస్ నితిన్ అంటూ ధోని ఆటోగ్రాఫ్ ఉంది. ఈ సర్ప్రైజ్ గిఫ్ట్ పట్ల నితిన్ తన ఆనందాన్ని వ్యక్తపరుస్తూ.." థాంక్యూ ధోని సర్.. లవ్ యూ" అంటూ ట్విట్ చేశాడు.

దీంతో నితిన్ చేసిన ఈ ట్వీట్ సోషల్ మీడియాలో వైరల్ గా మారింది. ఇంతకీ నితిన్, ధోని ఎక్కడ కలుసుకున్నారు? అనే విషయం తెలీదు కానీ ధోని ఆటోగ్రాఫ్ తో ఉన్న టీ షర్ట్ ని చూపిస్తూ నితిన్ షేర్ చేసిన ఫోటో మాత్రం ఫ్యాన్స్ ని ఎంతగానో ఆకట్టుకుంటుంది. ఇక నితిన్ విషయానికి వస్తే, గత కొంతకాలంగా ఈ హీరోకి సరైన విజయం దక్కడం లేదు. 'భీష్మ' తర్వాత నితిన్ కి మళ్ళీ ఆ రేంజ్ సక్సెస్ అయితే రాలేదు.

భీష్మ తర్వాత నితిన్ నటించిన రంగ్ దే, మాచర్ల నియోజకవర్గం వంటి సినిమాలు బాక్సాఫీస్ వద్ద బోల్తా పడ్డాయి. దీంతో ఈసారి ఎలాగైనా 'ఎక్స్ ట్రా ఆర్డినరీ మ్యాన్' తో హిట్టు కొట్టాలనే కసితో ఉన్నాడు. రీసెంట్ గా రిలీజ్ అయిన ట్రైలర్ చూస్తే ఈసారి నితిన్ కి హిట్ పడేలా కనిపిస్తోంది. కమర్షియల్ అండ్ ఫన్ ఎంటర్టైనర్ గా తెరకెక్కిన ఈ చిత్రంలో నితిన్ సరసన యంగ్ సెన్సేషనల్ బ్యూటీ శ్రీలీల హీరోయిన్ గా నటించింది.

సీనియర్ హీరో రాజశేఖర్ కీలక పాత్ర పోషించారు. రావు రమేష్, రోహిణి, అజయ్ తదితరులు ఇతర పాత్రల్లో కనిపించనున్నారు. చాలాకాలం తర్వాత కోలీవుడ్ మ్యూజిక్ డైరెక్టర్ హరీష్ జయరాజ్ తెలుగులో నితిన్ సినిమాకి మ్యూజిక్ అందించడం విశేషం. ఇప్పటికే రిలీజ్ అయిన సాంగ్స్ కి మంచి రెస్పాన్స్ వచ్చింది. ఈ సినిమా సక్సెస్ అయితే మ్యూజిక్ డైరెక్టర్ గా హరీష్ జైరాజ్ కి మళ్ళీ తెలుగులో బిజీ అవుతారేమో చూడాలి.