LGM ఎఫెక్ట్​.. ఇక ధోనీని యోగిబాబే ఆదుకోవాలి

టీమ్​ఇండియా మాజీ కెప్టెన్‌ ధోనీకి దేశవ్యాప్తంగా ఎంతటి క్రేజ్​లో ఉందో తెలిసిందే. మరీ ముఖ్యంగా తమిళనాడులో భారీ స్థాయిలో ప్రత్యేక ఫ్యాన్​ ఫాలోయింగ్​ ఉంటుంది. ఐపీఎల్​ సీఎస్కే కెప్టెన్​గా తన ఆటతో అక్కడివారి గుండెల్లో చెరగని ముద్ర వేసుకున్నారు. ఆ క్రేజ్​ను వినియోగించుకుని.. ఆయన ఇటీవలే ధోనీ ఎంటర్​టైన్మెంట్ అనే సినిమా నిర్మాణ సంస్థ​ ప్రారంభించిన సంగతి తెలిసిందే.

ఈ సంస్థలో రూపొందిన తొలి చిత్రం 'లెట్స్‌ గెట్‌ మ్యారీడ్‌'. తమిళ ప్రేక్షకులనే మెయిన్ టార్గెట్ చేసుకుంటూ.. తమిళ నటులతోనే ఈ సినిమాను రూపొందించారు. రిలీజైన పోస్టర్స్​, టీజర్​, ట్రైలర్.. మరీ ముఖ్యంగా ధోనీ ప్రొడ్యూస్ చేయడంతో సినిమాపై ప్రత్యేక ఆసక్తి నెలకొంది. అలా ఈ చిత్రం​ జులై 28న ఈ సినిమా ప్రేక్షకుల ముందుకు వచ్చింది. అయితే తాజాగా అందిన సమాచాం ప్రకారం ఈ సినిమా తమిళ తంబీలకు అంతగా ఆకట్టుకోలేదని తెలుస్తోంది.

సోషల్​మీడియాలో వస్తున్న రివ్యూల ప్రకారం.. సినిమా ఔట్​పుట్​ ఆడియెన్స్​ను ఎక్కువగా ఆకట్టుకోలేకపోయిందట. కొన్ని చోట్లు మిక్స్​డ్​ రివ్యూలు కూడా వస్తున్నాయి. కథ, స్క్రీన్​ప్లే యావరేజ్​గా ఉన్నాయని అంటున్నారు. కేవలం సినిమాలో యోగిబాబు కామెడీ పెర్​ఫార్మెన్సే హైలైట్​గా ఉందట. కేవలం అతని నటనపైనే సినిమా ఆధారపడి ఉందని తెలిసింది.

దీంతో ఈ సినిమా బాక్సాఫీస్​ వద్ద ఎలాంటి వసూళ్లను అందుకుంటుందోనని అంతా మాట్లాడుకుంటున్నారు. లాభాలు సంగతి పక్కనపెడితే కనీసం పెట్టుబడైనా ధోనీకి వస్తుందా అని అంటున్నారు. ఇక ఈ సినిమా గట్టెక్కాలంటే.. యోగిబాబు నటన కోసమే ప్రేక్షకులు థియేటర్లకు రావాలని అభిప్రాయపడుతున్నారు.

కాగా, ఈ సినిమాలో.. హరీశ్‌ కల్యాణ్‌, 'లవ్‌టుడే' ఫేమ్‌ ఇవానా జంటగా నటించారు. నదియా, యోగిబాబు, ఆర్‌.జె. విజయ్‌ తదితరులు ఇతర పాత్రల్లో నటించారు. అత్తాకోడళ్ల మధ్య జరిగే కథాంశంతో ఈ సినిమా రూపొందింది. దీన్ని రమేశ్‌ తమిళమణి డైరెక్ట్ చేశారు. ఈ దర్శకుడు గతేడాది.. ధోనీ ప్రధాన పాత్రలో 'అథర్వ ది ఆరిజిన్‌' అనే వెబ్‌సిరీస్‌ కూడా ప్రకటించారు. సైంటిఫిక్‌ ఫిక్షన్‌ నేపథ్యంలో సాగే నవల 'అథర్వ ది ఆరిజిన్‌' ఆధారంగా దీన్ని గ్రాఫిక్స్‌ రూపంలో తెరకెక్కిస్తున్నట్టు పేర్కొన్నారు.