'ధూం ధాం' మూవీ.. ట్రైలర్ ఎలా ఉందంటే?

చేతన్ కృష్ణ, హెబ్బా పటేల్ హీరోహీరోయిన్లుగా ధూం ధాం మూవీ తెరకెక్కుతున్న విషయం తెలిసిందే. మంచి ఎంటర్టైనర్‌ గా సాయి కిషోర్ మచ్చ దర్శకత్వం వహిస్తుండగా.. ఫ్రైడే ఫ్రేమ్ వర్క్స్ బ్యానర్‌ పై ఎంఎస్ రామ్ కుమార్ రిచ్ ప్రొడక్షన్ వాల్యూస్ తో రూపొందిస్తున్నారు. సాయి కుమార్, వెన్నెల కిషోర్, పృథ్వీరాజ్, గోపరాజు రమణ ముఖ్య పాత్రల్లో నటిస్తున్నారు. ఇప్పటికే అని పనులు పూర్తి చేసుకున్న ధూం ధాం చిత్రం.. ఇప్పుడు థియేట్రికల్ రిలీజ్ కు సిద్ధమవుతోంది.

ఇప్పటికే మేకర్స్ రిలీజ్ చేసిన ప్రమోషనల్ కంటెంట్ ద్వారా సినిమాపై మంచి బజ్ నెలకొంది. పోస్టర్స్ క్రేజీ రెస్పాన్స్ అందుకున్నాయి. మల్లెపూల టాక్సీ.., మాయా సుందరి.., టమాటో బుగ్గల పిల్ల.., కుందనాల బొమ్మ.. సాంగ్స్ వేరే లెవెల్ లో మెప్పించాయి. కొద్ది రోజుల క్రితం మేకర్స్ విడుదల చేసిన థీమ్ గ్లింప్స్, టీజర్.. ఓ రేంజ్ లో అలరించాయి. అప్పటికే ఉన్న అంచనాలను మరింత పెంచాయి. ఇప్పుడు అదే జోష్ తో ట్రైలర్ ను రిలీజ్ చేశారు మేకర్స్.

"పక్కా ఎంటర్టైనర్ ధూం ధాం టైమ్ వచ్చేసింది. అన్ లిమిటెడ్ ఎంటర్టైన్మెంట్ సీజన్" అంటూ ట్వీట్ చేశారు. వెన్నెల కిషోర్ ఫన్నీ సీన్ తో ట్రైలర్ స్టార్ట్ అయింది. తన కజిన్ కోసం చెబుతూ హీరో చైతన్య కృష్ణ స్టైలిష్ గా చూపించారు. ఆ తర్వాత హీరోయిన్ హెబ్బా పటేల్ తో లవ్ ట్రాక్ ను రివీల్ చేశారు. ఇద్దరూ కలిసి లవ్ లో మునిగితేలుతున్నట్లు కనిపించారు. మళ్లీ ట్రైలర్ ఫుల్ కామెడీ మోడ్ లోకి వెళ్లింది. వెన్నెల కిషోర్, చైతన్య కృష్ణ కామెడీ అదిరిపోయింది.

ట్రైలర్ చివర్లో హీరో యాక్షన్ సీక్వెన్స్ లో అదరగొట్టారు. పలు ట్విస్టులు కూడా ఉన్నాయి. మొత్తానికి ట్రైలర్ అంతా ఫన్నీ అండ్ ఎంటర్టైనింగ్ గా సాగుతూ ఆకట్టుకుంటోంది. ట్రైలర్ లో చైతన్య కృష్ణ ఇంప్రెసివ్ గా కనిపిస్తున్నారు. హెబ్బా పటేల్ క్యూట్ లుక్స్ తో ఆకట్టుకుంటున్నారు. ఇద్దరి మధ్య కెమిస్ట్రీ అదిరిపోయింది. సాంగ్స్ బిట్స్ ను మేకర్స్ ట్రైలర్ లో యాడ్ చేయగా.. పెర్ఫెక్ట్ సెట్ అయ్యాయి. వెన్నెల కిషోర్ ఎప్పటిలాగే ఎవర్ గ్రీన్ కామెడీతో అలరించారు.

ధూం ధాం సినిమా పక్కాగా అందరికీ నచ్చుతుందని ట్రైలర్ హామీ ఇస్తోంది. సినిమాలో ట్రయాంగిల్ లవ్ స్టోరీతో పాటు తండ్రీకొడుకుల ఎమోషన్ ఉందని అర్థమవుతుంది. సోషల్ మీడియాలో వైరల్ గా మారి.. మంచి వ్యూస్ అందుకుంటోంది. గోపీ సుందర్ మ్యూజిక్ అందిస్తుండగా.. గోపీ మోహన్ స్క్రీన్ ప్లే బాధ్యతలు నిర్వర్తిస్తున్నారు. సిద్ధార్థ్ రామస్వామి సినిమాటోగ్రాఫర్ గా వ్యవహరిస్తున్నారు. నవంబర్ 8వ తేదీన రిలీజ్ కానున్న ధూం ధాం మూవీ ఎలాంటి హిట్ అవుతుందో వేచి చూడాలి.