దూత డబుల్ బొనాంజా.. చైతు కెరీర్ హైయెస్ట్..!

ఈమధ్య స్టార్స్ అంతా కూడా సినిమాలతో పాటు వెబ్ సీరీస్ లకు ఇంపార్టెన్స్ ఇస్తున్నారు. ప్రేక్షకులను ఎంటర్టైన్ చేసేందుకు మాధ్యమం ఏదైనా సరే ఓకే అనేస్తున్నారు. ఈ క్రమంలో అక్కినేని హీరో నాగ చైతన్య దూత వెబ్ సీరీస్ తో ప్రేక్షకుల ముందుకు వస్తున్నారు. అమేజాన్ ప్రైమ్ లో ఈ సీరీస్ డిసెంబర్ 1న రిలీజ్ అవుతుంది. నాగ చైతన్యతో మనం లాంటి సూపర్ హిట్ సినిమా చేసిన విక్రం కె కుమార్ ఈ దూత వెబ్ సీరీస్ ని డైరెక్ట్ చేశారు.

సూపర్ న్యాచురల్ థ్రిల్లర్ గా రాబోతున్న ఈ వెబ్ సీరీస్ పై మేకర్స్ అంతా సూపర్ కాన్ఫిడెంట్ గా ఉన్నారు. అయితే ఈ సీరీస్ కోసం నాగ చైతన్య కెరీర్ బెస్ట్ రెమ్యునరేషన్ అందుకున్నట్టు తెలుస్తుంది. మామూలుగా ప్రస్తుతం సినిమాకు 9 కోట్ల దాకా రెమ్యునరేషన్ తీసుకుంటున్న నాగ చైతన్య దూత వెబ్ సీరీస్ కోసం 12 కోట్ల దాకా పారితోషికం అందుకున్నాడని తెలుస్తుంది.

జర్నలిస్ట్ పాత్రలో నాగ చైతన్య బెస్ట్ పర్ఫార్మెన్స్ ఇచ్చారని తెలుస్తుంది. సినిమాలో బెస్ట్ పర్ఫార్మెన్స్ మాత్రమే కాదు హైయెస్ట్ రెమ్యునరేషన్ కూడా అందుకున్నారట నాగ చైతన్య. ఈ వెబ్ సీరీస్ లో నాగ చైతన్య కొన్ని అడల్ట్ డైలాగ్స్ కూడా వాడినట్టు తెలుస్తుంది. సినిమాలో తన పాత్ర స్వభావాన్ని బట్టి ఆ డైలాగ్స్ ఉన్నాయని తెలుస్తుంది.

దూత వెబ్ సీరీస్ పార్ట్ 1 ఎనిమిది ఎపిసోడ్స్ తో వస్తుండగా సీరీస్ సెకండ్ సీజన్ కూడా ఉంటుందని విక్రం కుమార్ వెల్లడించారు. సో దూత సెకండ్ సీజన్ కోసం కూడా మరో 12 కోట్ల దాకా రెమ్యునరేషన్ అందుకుంటాడని చెప్పొచ్చు. నాగ చైతన్య బాలీవుడ్ లో చేసిన లాల్ సింగ్ చద్దా కోసం 8 కోట్ల దాకా పారితోషికం అందుకున్నాడు. ఇప్పుడు దూత రెండు సీరీస్ లకు కలిపి ఏకంగా 24 కోట్ల రెమ్యునరేషన్ తో రచ్చ చేస్తున్నాడు. ఈ రేంజ్ రెమ్యునరేషన్ ఇస్తున్నారు కాబట్టే సినిమాలతో పాటుగా వెబ్ సిరీస్ లకు కూడా స్టార్స్ ప్రాముఖ్యత ఇస్తున్నారు. అదీగాక వెబ్ సీరీస్ అంటే ఎక్కువ కంట్రీస్ రిలీజ్ అవుతాయి. ఎక్కువమంది ఆడియన్స్ కు రీచ్ అవుతాయన్న ఆలోచనతో కూడా స్టార్స్ వెబ్ సీరీస్ లు చేస్తున్నారు.