బుట్ట‌బొమ్మ‌పై ఇంకా ఆశ చావ‌లేదు!

టాలీవుడ్ లో అగ్ర హీరోలంద‌రి స‌ర‌స‌నా న‌టించింది పూజా హెగ్డే. ప్ర‌భాస్, మ‌హేష్, ఎన్టీఆర్, రామ్ చ‌ర‌ణ్‌, నాగ‌చైత‌న్య స‌హా ప‌లువురు టాప్ స్టార్ల స‌ర‌స‌న న‌టించింది. భారీ పారితోషికంతో పాటు, త‌న సిబ్బందికి వ‌స‌తులు, పెద్ద జీతాలు ఇవ్వాల‌ని డిమాండ్ చేయ‌డంతో పూజా పై నెగెటివ్ టాక్ స్ప్రెడ్ అయింది. త‌న‌ను ప‌లువురు నిర్మాత‌లు సంప్ర‌దించినా పారితోషికం స‌హా ఇత‌ర వ‌సతుల విషయంలో పూజా ఎక్క‌డా త‌గ్గ‌లేద‌ని క‌థ‌నాలొచ్చాయి. డిమాండ్ ఉన్నంత కాలం అన్నిటినీ ఇచ్చారు కానీ, బ్యాక్ టు బ్యాక్ ఫ్లాపులొచ్చాక ఆ సీన్ క‌నిపించ‌లేదు. దీనికి తోడు పెద్ద స్టార్లు సైతం త‌మ సినిమాల నుంచి పూజాను త‌ప్పించాల్సి వ‌చ్చింది.

త్రివిక్ర‌మ్, హ‌రీష్ శంక‌ర్ లాంటి ద‌ర్శ‌కులు పూజాను త‌మ సినిమాల నుంచి త‌ప్పించారు. ప‌వ‌న్, మ‌హేష్ లాంటి స్టార్ల సినిమాల్లో అవ‌కాశాల్ని కోల్పోయింది. అదే స‌మ‌యంలో త‌న‌ను సంప్ర‌దించిన ద‌ర్శ‌క‌నిర్మాత‌ల‌కు నో చెప్పింద‌ని కూడా క‌థ‌నాలొచ్చాయి. ప్ర‌తిసారీ త‌న డిమాండ్లు వ‌దులుకోక‌పోవ‌డంతో ఇక ద‌ర్శ‌క‌నిర్మాత‌లు కూడా లైట్ తీస్కున్నారు. సాయిధరమ్ తేజ్‌తో పూజా హెగ్డే తెలుగులో ఒక సినిమా చేసింది కానీ ఆ సినిమా ఆగిపోయింది. ఈ నటి టాలీవుడ్‌కి తిరిగి రావడానికి ఎలాంటి ప్రయత్నాలు చేయక‌పోవ‌డం ఆశ్చ‌ర్య‌ప‌రిచింది.

అయితే పూజా ఎలా ఉన్నా ఇక్క‌డ అంద‌రి క‌ళ్ల‌కు ఇంకా బుట్ట‌బొమ్మే. అల వైకుంఠ‌పుర‌ములో పొడుగు కాళ్ల సుంద‌రి రూపం ఇంకా అలానే అభిమానుల‌కు గుర్తుండిపోయింది. అందుకే ఇంకా మ‌న దర్శ‌క‌నిర్మాత‌ల్లోను ఆశ చావ లేదు. షాహిద్ కపూర్ దేవా స‌హా సూర్య భారీ చిత్రంతో పూజా బిజీగా ఉంది. తెలుగులో ఏ నిర్మాత ప్ర‌య‌త్నాలు ఫ‌లిస్తాయో వేచి చూడాలి.